¹ Agaswe adi mu moneseya pashi enji adi ahiga atale fumu walunga enji nu lukumu luaganue afete gusalae egi jina dia nzambi enji malongi guvuzeya ndo. ² Enji ahiga adi nu mafumu awa khanji akwikula ndo agitise ha guajia egi adi apangi guvi akitile gisalo ya gubalega mukunda mafumu adi mukwa tesewa gu gisalo gia wo adi andimi atshigini we longa enji uzuele ima yene . ³ Imumuegegi muthu umulonga phila iko gushigina muabongago o khigu malongi etu abonga , idi ndinga ya fumu wetu yesu kilisto wa nyi etshi mutshigina go malongi a yima ya bonga. ⁴ Athu anji adi muthu lulendo eshi mujiya gima ndo , iko udi wa ndala mu inyi idi mutalela gubinda ima ; ima yene idi mukunda nu guminyila ima ya athu ima gumana , mashingo ,gubanzela athu ima yabola. ⁵ Mavanga avula mukatshi dia athu nu ngindu jia gisagasaga guwagana ndo na hathu amudimo nu pheve jia ma vanga a mutuno gima gia masonga a muyindulegie gu konda gukala nu masumu idi nzila ya gukala. ⁶ Mwama enji , gukala ya konda masumu idi nuta ya vula. ⁷ Tumujimu tuabalego ata gima ha shia mavu enji mba tushimubatago ata gima ndo. ⁸ Guvi tukale nu kuse mukunda nugudia nu milele tudi nayo. ⁹ Athu amutshigina gukala mwamua amu sumuga nenji ha mumiheto yabola enyi ya pashi ma ya gahue ya mukita imua buisa athu mu gutota enji mugu bebisa. ¹⁰ Guvi nzala ya mbongo idi midi ya gubola gua esuelele avula a itshiginine atotele gua leha ngu lukwikilu adi wasele nu jikhabu mukunda nu kikenene. ¹¹ Uvi eye muthu wa nzambi lenga ima yene kamba masonga , usantu , masonga , gutshigina , gigolongolo , phashi. ¹² Lua gulua guabonga nu matangi gualelela monyo wa mvula na mvula yene inyi wata megeye. ya kedi mukunda eye wazuelele masonga hakatshi dia matemwe avula inji umutalela masonga. ¹³ Ngumu guleza gutwama dia nzambi wanu hana monyo gwa ima yagaswe endji gutwama dia yesu kilisto wa zwelele wamasonga gutwama dia pilato. ¹⁴ Bamba mikwala mwabonga ya konda muthu egie ya konda gumona gima giabola lo gweye nu mba guza fumu 'etu yesu kilisto. ¹⁵ Nzambi wa lezele ima yene gutwama. ¹⁶ Nzambi wa asagumune kaka mwene udi nu jinga , totshila umu yala , fumu umu yala. ¹⁷ Mwene hakendji gueshi nu lufwa go wenu mwanya unu wenu kutalego gueshi muthu weno munogo ndji nu wakonda gumumona , gudi mwene udi khembo nu jingolo jiamajilago idi ngenyi leza jimwama jia ahamavu abembe lulendo endji guhaga lo mitshima gu gimvuama gia ima ya hamavu guvi adihane gia nzambi mwene wenetuhua gimvuma giabonga toma muvila kiese. ¹⁸ Aleze hagukita mbote hagukala mvuma mu ima ya bonga , hagukala athu amukapa , endji hagukala mu ngemba. ¹⁹ Ngenyi mba mukita gia bonga gia mashina mukunda hagukala nu monyo wa mayilago. ²⁰ Timoteyo bamba ima wa gukwiye , tuna ndinga jiapamba nu gumana mukunda nuima yapamba. ²¹ Athu ako amulonga ima , guvi eshi musa lelago endji akatugile gawo mwene bemba mambote a nzambi akale nenwe.