¹ Ha kumbi muna gimeme gatuwile ginyemeno gia sambadi, dilu diagasue dia henene tedie ha mutango wa gitshinyi gia kumbi. ² Hangima, ngamuenene angelo sambadi, ago ana magana gutuama dia Nzambi, nu phungi sambadi jia ahuiwe. ³ Muanjelo muko wajile, wakhalele mubata gi hungilo gia uhafu gia wolo hamago, nu wamaganene gutuama dia giwetshielo; Buta dia uhafu dia muhuwe, hagula egi, awuhane nu gutkombelela gua asantu, holu dia giwetshielo gia wolo gutuama dia nguasa. ⁴ Mishi ya uhafu nu gukombelela gua asantu , yakhalele muzoga ha mago a muanjelo nu gutanduga gutuama dia Nzambi. ⁵ Anjelo wazanguile gihungilo, wagizalesele tshuya tuago tuakhalele muzoga ha giwetshielo. Nu hangima wajibishidile hashi mu mavu, na guakhalele nu miandu yakola, guthazuga guakola, guhenya gua mvula, nu gundunduma (gudigita) gua mavu. ⁶ Anjielo sambadi ago akhalele nu phungi sambadi, akhalele gudishigisa nga gudilonda ha gushiga. ⁷ Anjielo agudiangela, washigile phungi yenji; na guazogele ithotho nu tshuya tua gufutula nu mahatshi. Yasonewe ha mavu, ngenyi gitshinyi gimoshi ha ithathu, gia mavu, nu gia mitshi, nu gia muangu gia shididile. ⁸ Anjielo angiadi, washigile phungi yenji, na mulundu ujima wadisonuene mu muta. ⁹ Gitshini gimoshi holu dia thathu gia meya giabuile mahatshi, gitshinyi gia ima yakhala mosha muta yafile, nu ilala, mawato nu masuwa amuanganene. ¹⁰ Muanjielo yathathu, washigile iphungi yenji, na themua, yakhalele mulema gifua zenyi dia tshuya, yabuile mu gitshinyi gia muta ujima nu mu ito ya mita. ¹¹ Jina dia themua yene Abisinta. Gitshinyi gimoshi gia hathathu gia meya giabuile Abisinta nu athu avula afile mukunda nu meya ene, ndaga ya meya aludile (abuile bua). ¹² Anjielo anguana, washigie iphungi yenji, na gitshinyi gia kumbi gia masewe, nu gisthinyi gia ngonda, nu ndambo jia themua. Na tundambo tuene tua buishile, nu gitshinyi gia lusugu nu gitshinyi gia phipha giakhalele go nu mueji. ¹³ Nga khalele mutala, nu ngamuenene khuyi yakhalele muzoga mu dilu, nu gukologoga mu dijui diakola egi: << Mukumbu, mukumbu, mukumbu gudi athu a hamavu mukunda nu dijui dia phungi jia sala ha gushigiwa gudi anjielo mutatu.>>