¹ Hangima, nga monyi Angelo muwana agu magana mu khanda jiwana ja mvu agaswue, a kwata mihehe ya gaswue ya hamavu, hagula egi gukhadigo muhehe nga umoshi ha mavu agaswe, nga mu kianga gia meya nga mu mutshi umoshi. ² Nga monyi Angelo muko, wakatuga gu mazogelo a tangwa, nu ginyemelo gio Nzambi wa monyo ha mago enji. Mwene wa kologele mangololo gudi anjelo mu wana ago atumiwe ha gutshita gubola ha mavu, nu mu gia meya. Na wa zwele egi: ³ Mu tshitshi go gubola ha mavu, nga mukiangia gai koma, nga gudi mitshi umoshi, unu mba tu haga ginyemelo ha mbombo jia ngambvi ja Nzambi yetu. ⁴ Nga vu guvula guago a mbiwe ginyemelo: 144.000 enya giphuta gia Isalele: ⁵ inunu kumi nu iyadi ya giphuta gia Yuda, kumi nu iyadi ya giphuta gia lubele, inunu kumi nu iyadi ya giphuta gia gadeya, ⁶ inunu kumi nu iyadi ya giphuta gia Azele, kumi nu iyadi ya giphuta gia Nefetaliya, kumi nu iyadi ya giphuta gioa Manase. ⁷ Inunu kumi nu iyadi ya giphuta gia Simeyona, inunu kumi nu iyadi ya giphuta gia Leviya, inunu kumi nu iyadi ya giphuta gia Izaki ⁸ inunu kumi nu iyadi ya giphuta gia Zabulona, inunu kumi nu iyadi ya giphuta gia Yosefa, Inunu kumi nu iyadi ya giphuta gia Benjamina ambiwe ginyemelo. ⁹ Ha ngima, nga khalele mutala, nu nga monele nji thundu ya athu idi nga muthu mu moshi ga giyilego gu tanga, ya gubungisa ifutshi ya gaswe, iphuta ya gaswe, athu agaswe nu mazwelelo agaswe agumagana gu twama dia ngwasa ya fumu nu muna phanga. Ene akhalele agu sugudiga mvela jila phe, ha mago mandalala a samba. ¹⁰ Nu ene akhalele mu holologa egi "monyo wa mayilago udi gudi Nzambi yetu yago udi ha ngwasa ya lutumbu nu muna phanga. ¹¹ Angelo agaswe akhalele agu jeta ngwasa ya ufumu nu gudi athu a gukola, nu ima yiwana ya monyo ya fugamene ha mabongo, phala jiawo jia gutala mu mavu gu twama dia ngwasa, mutumbwisa Nzambi. ¹² Nu guzwela egi: ikhale ngenyi! lutumbu, unzambi nu jingolo jikhale gudi Nzambi yetu ivo midimbila khusu. ikhale ngenyi! ¹³ Ha ngima, mumoshi mukatshi dia athu agu kola wa gu hudila egi: Akwatshi enyawa adi a gusudiga ji mwela jila phe, adi muza gwi? ¹⁴ Nga muvutwile egi: "wawa adi athu ago azogele mu zanga dia tshiya. Ene awovele ji mvwela jawo, a jiphelegesa mu mahatshi a muna phanga. ¹⁵ Mukunda nu ngenyi, adi gutwama dia ngwasa ya Nzambi nu adi gu mutwimbwisa phipha, nu mwanya mu gikombelelo gienji. Yago udigudi tumbiga ha ngwasa ya ufumu, mba utunga jinzo yenji ya tenta holu diawo. ¹⁶ Mba avigo nga nzala, nga luhungu. Mwanya mba uzogi go wa bola. ¹⁷ Ndaga ya, fumu ya go ha ngwasa ya lutumbu mba ukhala mutwameji yawo nu nzambi mba utatula masoji agaswe gu meso awo.