¹ Nga khalele mu tala kumbi muna gimeme wa zuiluile mumoshi ya inyamelo sambadi ngavile imoshi ya ima iwana ya monyo ya zuelele mbimbi imoshi ya kola gifua mwandu: << Iza! >> ² Nga talele nu ngamona nu ngua zogela gabalu gala phe! Yago wa khalele nu uta wa manana; gipho gia lutumbu gia mu huwe, wa yile ya gubingishiwa, nu ha gubinga. ³ Kumbi dia kanguile mwene ginyemelo gia ngiadi, nga vile gima gia ngiadi gia monyo gimuzuela egi : << Iza>> ⁴ Nu gabalu gako ga benga lawu. Njila ya gutkatula guhuima ha mavu ya huwe gudi yago wa nginyine holu dia gene, ha gula egio athu enji adi shiye ene-a-ene hakhawo. Amu huile phogo ya khusa ya koma. ⁵ Hago muna gimeme gazuluile ginyemelo gia thathu, nga vile gima gia thathu gia monyo gungu wambela Egi: "iza". Nu, nga muenene gabalu ga buita muzoga, nu, yago wakhalele mungina holu dia gene, wa kwatele ha mago enji githeleso. ⁶ Ngavile dizui gifua didi muzoga mu katshi dia ima iwana ya monyo nu dia ngu wambelele egi: < gimoshi gia buile gua khalele nji muta mibando umoshi uvi yene ya khalele go mutshita gubola gudi nga maji, nga gu matombe>>. ⁷ Hago muna gimeme ga zuluile ginyemelo gia nguana, ngavile dizui dia gima gia nguana gia monyo gu nguwambela egi: << Iza>>. ⁸ Ha ngima, nga muenene gabalu ga phuagata. Yoyo wa khalele mungina holu dia gene, jima dienji gufua, nu masugu a gufua akhalele gu muhata. Ufumu wa gu shiya gitshinyi gia athu a hamavu nu iphogo, nzala, misongo nu shitu jia bala jia hamavu, jia muhanewe. ⁹ Hago muna gimeme ga zuluile ginyemelo gia thano, nga mwenene, holu dia giwetshielo, mitshima ya ago a hagewe ha gufua mu kunda nu mbimbi ya Nzambi, nu uthemua wago ene adijigile mukatshi dia gu jinginyina. ¹⁰ Akologele mangololo: << Unu hugotshi ufumu wa gosa, musantu, nu wa gia matshidia udi munenga ha gusophesa athu a hamavu nu gusambesa mahatshi etu?>> ¹¹ Mukatshi diawo a huile gikuto gila phe nu awambelele nji ha gu nengena luko hugo dia zonda ndaga ya, mafuta etu a mudimo, anetu a mala nu akhetu adi ne ya gushiyiwa. luholo ako anyi. ¹² Hago muna gimeme ga zuilile ginyemeno gia sambadi, nga muenene, gua khalele gudigita gua mavu gua kola. Kumbi dia buishile buyi gifwa uvuji wa gumutshila wa gabalu, mbewu yagaswe ya buile mahatshi. ¹³ Themua jia gosa jia khalele mu bua hashi gifwa mabundu a muttshi wa figi mu sungi ya mvula hago ana nigishiwa gudi fundji ya kola. ¹⁴ Dilu dia dikaphumudile gifua muana tawuga mukanda. Milundu yaga sue nu isanga ya gasue ya katuga mu mabugu ayo. ¹⁵ Hangima, mafumu a hamavu agasue, akhulutu, nu mafumu a masalayi, nu amonyi, enya ngolo a ha mavu nu athu agasue a ha mavu, a higa, nu adi mu udi khaledi a khalele gudi suga mosha mawina a mukatshi dia maseso a mu milundu. ¹⁶ A khalele mu zuela gudin milundu nu gudi maseso: <> ¹⁷ Ndaga ya lusugu lua koma lua khabu jiawo, lua tagana! nu nani wajiya gumagana?