¹ Hangima ngamuenele ha mago a yago wakhalele ha ngwasa, mukanda wagusonega nu moshi nu hanze, waguhaga inyemelo sambadi. ² Ngamuenele anjelo abalega ngolo, mukologoga nu dijui diakola egi:" Nanyi watagana hagutugula mukanda nu gukatula inyemelo." ³ Gushigo nu muthu mu dilu, nga ha mavu, nga goshi'ya mavu wajiya gutugula mukanda nu gu 'utanga. ⁴ Ngadidile mangololo,, ndaga ya guakhalelego nu muthu wajiya gutugula nu gutanga. ⁵ Uvi kota dia yala mungoshi wanguwambelele egi: " udidigo! yowu udi khoshi ya giphuta gia yuda, mujigulu' a Davidi wabingi nu watagana ha gutugula mukanda nu gukatula inyemelo inyi sambadi ⁶ Hakatshi dia ngwasa, nu dia ima ya monyo iwana nu makota'athu, ngamuenele muna phanga ( muna gimeme ) giakhalele hene. Giakhalele gifwa giashiyiwe, nu giakhalele nu mbinga sambadi nu meso sambadi adi mujijiga ivula sambadi ya Nzambi yatumiwe ha mavu. ⁷ Muna phanga wasuenele nu wazangudile mukanda ha koko gua madia gua yago wakhalele hashi ha ngwasa ⁸ Hazangwile muna phanga mukanda, ima ya monyo inyi iwana nu makota'athu anyi makumi aydi nu muwana, abwile hashi phala jia gufulumiga mu mavu gutwama dia muna phanga. Akhalele khungi yawo yagasue nu tukholondondo nu ibaza yazala uhafu udi mujijiga gukombelela gua asantu. ⁹ Asendele lungimbo luhe-luhe egi: " Watagana haguzangula mukanda nu gukatula inyemelo, ndaga ya, wakokewe muminyo nub mahatshi aye akudile mukunda nu Nzambi, athu a iphuta yagasue, mbimbi jiagasue, ilema yagasue nu mavu agasue. ¹⁰ Wa' abwishile mafumu nu nganga jia Nzambi, gu mudimi wa Nzambi yetu nu mba'ahinyina ufumu ha mavu. ¹¹ Hangima ngatalele nu ngavile majui a ma'anjelo mu khulo ya ngwasa, guvula guawo guakhalele inunu khama jiyadi, nu ima ya monyo, nu makota'athu. ¹² Akhalele muzuela mu dijui diakola egi: " Muna phanga wakokewe muto, udi watagana ha guzangula jingo, ungambi, ginemwa nu lukuma;" ¹³ Ngavile ima yagasue yakhalele gosa, nu hashi' ya mavu nu goshi'ya mavu, nu holu dia muta nu ima yagasue idi mu muta muzuela egi: " Gusonzela, ginemwa nu ufumu ukhale gudi yago udi ha ngwasa nu gudi muna phanga." ¹⁴ Ima ya monyo iwana muzuela egi: " Ikhale ngenyi ! " nu makota'athu afugamele ha mabongo