¹ Sonegela anjelo ya Eklezia ya gu saladesa. " Mbimbi jjia yago udi mukwata ivule sambadi ya Nzambi nu themua sambadi. Ngudi mujiya midimo yaye, udi mutumbuga egi udi nu monyo uvi udi ya gufwa. ² Zuga! nu kolesa yago wasala mu gufwa nu yago udi hehi nu gufwa, ndaga ya ngasangelego midimo yatagana gu tuama dia Nzambi yami. ³ Wunguluga yago iwazanguile nu iwavile. Ilandule nu balumuna mutshima waye. Uvi gula ushigo mu banda ginzunga, mbanguza gifwa nzangi nu mba ujiyigo kumbi tshi mbanguza gudi aye. ⁴ Uvi gudi nu ndambo y'athu a gu saladesa adile guzangela ndo milele yawo. Mba'adi muwenda nu'ame nu milele ilaphe, ndaga ya, idi yatagana mukunda nu ene. ⁵ Yago mba ubinga, mba usudiga milele ilaphe nu mba ngukatulago jina dienji gu mukanda wa monyo. Mba nguzuelela jina dinyi gutuama dia sh'ami nu gutuama dia anjelo enji. ⁶ Yago udi nu matshui ave idi muzuela givule gudi Eklezia. ⁷ Sonegela anjelo ya gu Eklezia ya gu Filadelafiya: " Tala jimbimbi jia yago udi musantu n u yadiago. Udi mukwata saphi jia Davidi. Udi mu tugula nu muthu muko gajiyilego gutshuiga. Gula watshwiga, muthu muko gutugula ndo. ⁸ Ngudi mujiya midimo yaye. Tala, ngabemba mufulo wa guhululu gutuama diaye nu muthu gajiyilego gukanga. Ngudi mujiya egi udi nu ngolo jia zonda uvi wangutunyile ndo nu watumaga gu mbimbi jiami, watunyilego jina diami. ⁹ Tala ago adi mu gikombelelo gia satana, adi gudiwamba egi tudi enya yuda uvi ashigo enya yuda. Mambo adi mumba. mba ngudi gu'afugamesa ha mabongo gu tuama diaye nu mba'ajiya egi nga guzumba. ¹⁰ Mukunda wabambi mikhuala yami; ame nji mba ngudi gu gubamba mu kumbi lamba mba dibwila mavu agaswue, mukunda nu gumega athu agasue a ha mavu. ¹¹ Ame muza, aye bamba yago udi nayo hagula egi muthu gakulumuna ndo gipho giaye. ¹² Yago mba'ubinga, mba ngumuhaga phanji mu gikombelelo gia Nzambi yami nu mba usala mwene. Mba ngu sonega jina dia Nzambi holu dienji, nu jina dia dimbo dia Nzambi, Yelusalema ihe-ihe idi mutuluga gosa gudi Nzambi yami, nu jina diami dihe-dihe. ¹³ Yago udi nu matshui, ave idi muzuela givule gudi Eklezia. ¹⁴ Sonegela Anjelo agu Eklezia ya gu Lodiseya: " Tala idi muzuela << ikhale ngenyi>> ( amen ), themua ya diago. Udi nu ufumu holu dia ima yagasue ya fugile Nzambi. ¹⁵ Ame mujiya midimo yaye, ushigaye muenya tshiya nga muenya guhuma ndo. Ngudi mutshigina'egi ukhale muenya tshiya gula ndo muenya guhuma. ¹⁶ Mukunda udi muthu ula zugu-zugu, na ngudi gu gulusa mu kano guami. ¹⁹ Ngudi milongesa luholo lua bonga lwa gukhala, gudi athu ngazumba. Khala muthu ya ginemwa nu balumuna mutshima. ²⁰ Tala ngamagana ha mufulo nu ngudi mubunda. Gula muthu wavua dijui diami nu wazulula gijidigo, ngudi mungina mu inzo yenji nu ngudi mudia nenji mesa angoshi. ²¹ Yago mba ubinga, mba ukhala nu ame ha ngwasa, gifwa ha ngabingile hene ngudi hashi nu shami ha ngwasa yenji. ²² Udi nu matshui, ave idi muzuela givule gudi Eklezia.