¹ Sonega gudi muanjielo ya Ekelezia ya gu Efezo egi: < ² Ngudi mujiya ndaga ji watshitshile, mudimo waye wakola nu gukolesela guye nu wadijigile ago adi muditamega egi tudi Apostolo uvi ashigo ndo apostolo nu akuata mambo. ³ Ame mujiya gukolesela guaye, nu waklesela malamba mukunda nu jina diami nu wahuidilego. ⁴ Uvi, tala ingudi mula gutshigina ndo gudi aye: walugumuna (wabemba) guzumba guaye gua gudiangela. ⁵ Wunguluga, gui wabuila, Bulumuna mutshima nu tshita gifua wakhalele mutshita gudiangela. Zuela egi ula gumuenega ndo, na mba nguza gudi aye nu mba ngukatula mwinda waye ha fundo dienji. ⁶ Uvi, ngudi nji mujiya ndaga jiaye jiabonga: Wana tuna ndaga jia tshitshile enya Nikolata, ndaga ji ngudi mutuna n'ame nji. ⁷ Yago udi n jidiu matshui, ave ndaga jidi muzuela givule gudi Eklezia. Gudi yago mba ubinga, mba ngumuhua njila ya gudia mutshi wa monyo udi mu paladisu ya Nzambi.» ⁸ Sonega gudi Anjielo agu Simina: « Tala ndaga jidi muzuela yago udi ya gudiangela nu ya gisugishilo, yago udi ya gundiangela nu ya gisugishilo, yago wafile nu waza luko nu monyo. ⁹ Ngudi mujiya malamba nu uphutu waye, (Uvi udi mumonyi); Ngudi mujiya guduanjiginya gua athu adi gudila egi tudi enya Yuda, uvi ndo gawo, nu udi adi gikombelelo gia Satana.) ¹⁰ Uvigo woma gu lamba didi gu gunenga. Tala diabulu udi hehi ha gumba ndambo y'athu ako mu bologo hagula egi mumone lamba masugu kumi. Kuataganenu gudi ame unu gu gufua ngenyi mba ngumihua gipho gia monyo. ¹¹ Yago udi nu matshui, ave idi muzuela givule gudi Eklezia. Yago mba ubinga, mba gamonyi ndo lamba dia gufua gua ngiadi. ¹² Sonega gudi Anjielo agu Phelegami: Vua idi muzuela yago udi mukwata phogo ya mazo ayadi (khusa): ¹³ Ame mujiya fundo di udi, idi nguyasa ya ufumu wa Satana. Uvi wakolesela nu gubamba jina diami, nu wabishidilego gutshigina guaye gudi ame, nga mu masugu (mu kumbi) dia Atiphasa themua yami washiyiwe, mukatshi dienu, ha fundo didi Satana. ¹⁴ Uvi ngudi nayo gumiwamba gandambo (hazonda): Udi nu athu mukatshi dienu adi mutshigina mangololo gu malonga'a Balaama, yago walongesele gudi Balaki, ha gusona seso gifua gikhakhushilo mukunda nu agu Isalele hagudia thumba jia saba yahanewe mulambu gudi ikhokho nu hagudihana gu ndaga jiabola jia uthambi... ¹⁵ Luholo lumoshi luene, gudi nu ako makatshi dienu adi mutshigina mangololo gu malongo enya Nikolata. ¹⁶ Balumuna mutshima waye, gula ndo, mba nguza phushi (gatshidi) nu mba ngu'aluisa nu phogo idi muzoga mu kano guami. ¹⁷ Yago udi nu matshi ave idi muzuela givule gudi Eklezia. gudi yago mba ubinga mba nguhana mana (musa) adi agusuega nu seso dia phelegeta didi dia gusonega jina didi khuta yago udi gudiheta muene udi mujiya. ¹⁸ Sonegela Anjielo ya gu Tiyatila: Tala jimbimbi jia muna Nzambi, udi nu meso gifua zenyi dia tshuya nu malu gifua wuma ula kedi -kedi. ¹⁹ Ngudi mujiya midimo yaye, guzumba guaye, gutshigina guaye, gukuatesa guaye nu gukolesela guaye, midimo yaye ya luenyele yabalego midimo ya gudiangela. ²⁰ Uvi ngudi guguwamba ngegi: Udi muhena gutuama dia mukhetu you yezabela yago udi mutangiza egi udi muzuedi ya ndaga jia gutuama. Mu gulongesa guenji, udi muhua ngambi jiami musonyi ha gutshita ndaga jia musonyi (uthambi) nu gudia saba jiahanewa mulambu gudi ikhokho. ²¹ Nga mubembele dihugo ha muene gabalumune mutshima, uvi muene gashigo mumuenegesa matangi agubemba uthambi nu gubola guenji. ²² Tala, mba ngudi gusona ha gitanda gia misongo nu hakhatshi dia lamba lamba diakola, Ago adi mutshita n'enji uthambi, zuela'egi abemba gawo gubola. ²³ Mba nguwasa ane'enji agasue mu gufua, nu Eklezia jiagasue mba jijiya egi ame ngudi yago wana mona matangi agasue nu gu'atshigina. Mba nguhua muthu yagasue ha nduedi ya midimo yenji. ²⁴ Uvi mukunda nu ago mba'asala gu tiyatila, ago agasue adi mutuna malongo anyi, nu ashigo mujiya idi mutamega ako egi ndaga jia Satana, gudi eue ngudi muzuela egi: << gumilebesa nga nu ginemo giko ndo.>> ²⁵ Ha ndaga yagasue, mudi nayo gukolesela unu gunu mba nguza. ²⁶ Gudi yago mba ubinga nu udi mutshita ingatshitshile ame unu gugisugishilo, mba ngu muhua ufumu holu dia ifushi yagasue. ²⁷ Mba uhinyina holu diawo nu mahango wa utadi; mba uabiula gifua nzungu jia wuma. ²⁸ Gifua nga hetele gudi sha'mi, mba ngumuhua luholo lumoshi luene themua ya gimenegena. ²⁹ Yago udi nu matshui, ave ndaga jimuzuela givule gudi Eklezia.