¹ Hangima, nga muenene dilu dihe-dihe nu mavu ahe-ahe, ndaga dilu dikulu nu mavu akulu atotele, nu muta wakoma nji wakhalele go luko guene. ² Ngamuenene dimbo dia koma dia santu, Yelusalema ihe-ihe, yakhalele mutuluga gosa gudi Nzambi, yakhalele ya gulondewa gifua mukhetu ya mahata udi muya mutagana mulumi'enji. ³ Nga vile dijui diakoma muzoga ha nguasa ya ufumu muzuela egi: << Tadienu! inzo ya Nzambi idi nu athu nu muene mba'ukhala nawo. mba'akhala athu enji nu muene Nzambi hakhenji mba ukhala nawo nu mba ukhala Nzambi yawo. ⁴ Mba ukukumuna masoji gu meso awo, nu gufua mba gukhadi go luko, nga madilo, nga malamba. ima ikulu mba ikhadigo luko.>> ⁵ Yago udi hashi ha nguasa wazuela egi: << Tala, ngudi mufuga ima yagasue ihe-ihe.>> Wazuela luko egi: << Sonega ndaga eji, ndaga ya mbimbi eji, jidi jia diago nu jia gugisendeselo.>> ⁶ Walezela egi: << Ima yeyi idi ya gutshitshiwa ! Ngudi Alfa nu Omega, Ngudi gisendeselo nu gisugishilo. Gudi muthu udi muvua luhungu, mba ngumuhua meya agunua agishi guhanela falanga adi muzoga gu gito (musulu) gia meya a monyo. ⁷ Yago mba ubinga, mba usalela ima yeyi yagasue nu mba ngukhala Nzambi yenji, muene mba ukhala munami. ⁸ Uvi mukunda nu athu ala shibididi, nu enya ditunga-tunga, enya ndaga jia balega gubola, nu ishiyi, thambi, ngombo, enya ikhokho, enya mambo agasue, fundo diawo mba dikhala mu kianga gia tshuya tuajola. Idi gufua gua ngiadi.>> ⁹ Muanjielo mumoshi gudi anyi sambadi, wa ngusuenene, yonu wakhalele nu yopho sambadi yazala pha nu mihehe sambadi yabola, wazuelele egi: << Iza gugu, ngu gudijige mukhetu ya mahata, majia muna gimeme.>> ¹⁰ Na wangubata mu givule gu mulundu wakooma nu waleha, guene gunu, wangudijigine dimbo dia musantu, Yelusamema idi muza gosa gudi Nzambi. ¹¹ Yelusalema yakhalele nu lutumbu lua Nzambi nu guphelegeta guenji huakhalele gifwa musanga wagiubalega gubanga, gifwa seso dia ndando, wakhalele nji kedi-kedi gifua seso dia ndando. ¹² Wakhalele nu gibayi giakoma nu gia leha, anjielo kumi nu muyadinuakhalele mu bandemena ha mifulo yene. Majina a iphuta kumi nu iyadi y'ana Isalele akhalele agusonega gu mifulo yene. ¹³ Guakhalele nu mifulo itatu gu mazogelo a tangua, iko itatu gumbongo, itatu iko guthunda, iko itatu nji gumayilo a tangua. ¹⁴ Gibayi gia dimbo gia khalele nu jiphanji (makunji) kumi nu iyadi, ngenyi majina'Apostolo akhalele agusonega guene. Apostoloa muna gimeme. ¹⁵ Yago wakhalele muzuela nu'ame, wakhalele nu nzongelo ya wolo, ha gutesela dimbo diagasue nu mifulo yenji nu ibayi yenji. ¹⁶ Dimbo diakoma (dia musamba) diene diakhalele nu ibayi iwana ya ulehelo umoshi, guleha guenji guakhalele gua gutela nu guhihia. wathesele dimbo, (guleha nu guhihia guennji guakhalele gua gutela) 12000 ya ilometelo. ¹⁷ Watesele nji gibayi nu giakhalele ha mutango wa 144 nduedi ya muthu yene imoshi nu nduedi ya muanjielo. ¹⁸ Gibayi giakhalele giadiene dimbo diakhalele dia wolo ula phe gifua thala-yhala. ¹⁹ Phanji jia gibayi, jiakhalele jia guhagewa maseso agasue andando. Phanji ya gudiangela ya khalele mu yasupha, yangiadi mu Safila, ya thathu, mu kolasedona, ya nguana mu emelodia, ²⁰ ya thano mu Saladonisi, ya samano mu Saladoni, ya sambadi mu Kilizolita, ya nage mu Belila, ya divua mu Tuphagza, ya kumi mu Kilizopalasa, ya kumi nu imoshi mu Yasinta nu ya kumi na iyadi mu Amenita. ²¹ Mifulo kumi nu iyadi ya khalele misanga kumi nu iyadi, nu mufulo nu mufulo wakhalele nu musango umoshi. Milongo ya dimbo diakoma diene yakhalele ya wolo waphelegeta gifua thala-thala. ²² Ngamuenene nga inzo ya Nzambi imoshi mukatshi dia dimbo ndaga Fumu Nzambi wa ngolo jiagasue nu muna gimeme adi inzo ya Nzambi. ²³ Dimbo diakhalelego nu giheho (funu) gia kumbi nga ngonda ha guhana mueji ndaga lutumbu lua Nzambi mba lulema holu dienji nu zenyi dienji didi muna gimeme. ²⁴ Ifutshi mba iwenda mu mueji wa dimbo. Didi mafumu a ha mavu mba'abata muanya wawo gudi dimbo diene. ²⁵ Mifulo yenji mba ikhadigo ya gujidiga mu muanya nji nu phipha mba ikhadi ndo guene. ²⁶ Mba'abata gudi muene (dimbo dia koma), ginemua nu lutumbu lua ifutshi nu gushigo nu gima giabola mba gingina guene. ²⁷ Mba gunginyi ndo guene, nga muthu mumoshi wana tshita ndaga jia sonyi nga muenya mambo, uvi khuta ago adi majina awo asonegewe mu mukanda wa monyo wa muna gimeme.