¹ Mu phushi (Ha ngima), nga muenene mwanjelo mumoshi mubulumuga wa katuga mu dilu, nu isaphi ya bugu diago dila-buyi (phipha) nu minyololo ya koma ha mago enji. ² Wakhatele dalagoni, nyoga ya mualeha yanatamigewa egi diabulu Satana nu wamumbile mu bologo mukunda nu kusala (gukhala) muene ivo inunu itatu. ³ Wamubishidile mu wina wa phipha yakola, wajidigile nu wambile ginyemeno gu gungina nu guzoga holu dienji. Ngenyi gajiyilego nga hazonda guya nu guhuiga ifutshi unu gu ivo ginunu gimoshi. Gu ngima dia ngenyi, mbau bembewa gu ngima dia kumbi diahihia. ⁴ Mu phushi (Ha ngima), ngamuenene ipho ya lutumbu (ife ya ufumu). Ago akhalele mukhala hene ago atshiginyiwe ha gulumbuisa ako nu ngamuenene nji mitshima ya ago akhalele a gukwatewa mukunda githemua gia Yesu nu mukunda githemua gia Nzambi. Atunyine gu fugamena shitu, nga gifuanesa gienji, nu atunyine guzangula gijiyilo holu dia mbombo jiawo nga ha mago awo. Avutugile luko mu monyo nu ahinyine nu Kilisto ivo ginunu gimoshi (gingoshi). ⁵ Ako ago akhalele gufua Athu a gufua ako), avutugilego mu monyo unu ivo ginunu gimoshi (gingoshi) ya balegele, idi guzuga gua gufua gua gudiangela! ⁶ Guzela muila nu gisantu jidi gudi yagasue wazanguile dishinda gu guzuga gugufua gua Yesu gufua gua ngiadi, gushigo nu jingolo gudi ene anyi. Mba akhala atshitshi a mudimo wa Nzambi nu Yesu - Kilisto, mba ahinyina n'enji ivo ginunu gimoshi. ⁷ Gu gisugishilo gia ivo ginunu gimoshi Satana mba uzolewa mu bologo dienji. ⁸ Mba uya khanda jiwana jia mavu ha gulola ifutshi - gog nu magog, hagula egi adibungise mukunda nu gulua. Mba akhala avula nji gifua gisegele gu khulo ya meya. ⁹ Akandugile holu dia mavu ne ajeteledimbo dia asantu (ana Nzambi), dimbo diakoma dia masamba nu dia Asantu, Dimbo diabalega guzumbiwa. Uvi tshuya tua katugile gosa nu tua akondel. ¹⁰ Satana yago wakhalele gu asagesa, wambiwe mu tshanga gia tshuya. Bugu diago diambiwe shitu inyi nu jingambi jia mambo, abishidiwe. Mba muenesewa malamba phipha nu muanya unugunu. ¹¹ Mu phushi (Ha ngima), ngamuenene gipho gia lutumbu (gife gia ufumu) gia phelegeta, nga muenene nji yago wakhalele hashi (waguditumbiga hene). Mavu nu dilu ya khalele mulenga gu phala yenji, uvi guakhalele nga fundo diko diakhalele ene guya. ¹² Ngamuenene a gufua, akoma nu azonda, amagana gu tuama dia gipho mukunda gia lutumbu (Gife gia ufumu) nu mikanda ya khalele ya gutuwuwa. Ha ngima, mukanda uko watuwuwe (wakangugile) mukanda wa monyo. A gufua alumbuluishiwe (asophesewe milonga) mu luholo luago luakhalele ya gusonega mu mikanda : Lufuto lua ya yago i atshitshile. ¹³ Meya abembele a gufua agasue ago akhalele nawo. gufua nu masugu nga mabugu a agufua abembele nji awo nu agufua alumbuishiwe gu yago y'atshitshile. ¹⁴ Gufua nu masugu nu mafundo a agufua yabishidiwe mu tshianga gia tshuya, Yeyi ishigo gufua gua hugo dia ngiadi. ¹⁵ Yago yagasue, udi jina dienji diakhalele go mu mukanda wa monyo, wabishidiwe mu tsha.