¹ Ngu ngima dia a ndaga jeji jagaswe, ngavile imbimbi muza gosa, gifwa hanaza athu avula, muzuela egi: "Allelua, guhuluga, lutumbu nu jingolo gudi fumu yetu Nzambi". ² Gulumbwishiwa gwa aluimbwishi gudi gua giamatshidia, ndaga waluimbwishile mukhetu ya thambi. Ya hanene gubola mu gubola mukunda nu mahatshi a jingambi adi mwene gabunduile. ³ azuelele hugo lua ngiadi "Allelua! mishi mba ikandaga holu dienji ivo nu ivo." ⁴ Ashinagaji Makumi ayadi nu muwana nu ima iwana idi nu monyo a fugamele nu gutumbwisa Nzambi wa khalele ha ngwasa yenji. Athu azuelele : " ikhale ngenyi Allelua!". ⁵ Hene mbimbi ya zogele gu ngwasa ya lutumbu, ya zuelele egi: "Tumbwishenu Nzambi wetu, enue agasue athu a mudimo, enue mwana gumuvila woma, ikhale ana nga mashina." ⁶ Hangima ngavile dizui diagudifwana nu dia athu avula, gifwa lungu lua athu avula, luholo lumoshi nu gukuma gua mvula egi: << Allelua! mukunda fumu udi muhimina, Nzambi umuhimina yagasue. ⁷ Tu swangulugenu nu tukhadienu nu guswanguluga, tu mu hanenu lutumbu ndaga mahata a gimeme adi hehi, nji mukhetu wa mahata udi ya gudilonda. ⁸ Wa khalele ya gusudigishiwe milele idi muhenya, ya konda mvindu>> ( ndaga mulele wunu udi midimo ya tagana ya thundu ya santu). ⁹ Mwanjelu wa nguwambela egi: << Sonega ngegi guswanguluga gudi adi atamegewa gu wano dia huilo wa muna gimeme>>. Wa ngu wanbelele nji egi: << Jiji jidi mbimbi jia diago jia Nzambi.>> ¹⁰ Nga fugamele ha twama dia malu enji ha gule egi ngu mukunda nu gumutumbwisa , uvi wa ngu wambela egi: << Gutshita ndo ngenyi! Ngudi futa diaye dia mudimo nji phangiaye udi nu ndaga jia uthemwa wa Yesu; Idi givule gia ndaga jidi muza gutwama .>> ¹¹ Hangima, ngamonele dilu dia kanguga, ngatalele gwakhalele gabalu gala phe! muthu wakhalele holu diago wakhalele mutamegewa mwenya gisemo nu diago. wanu sambesa milonga nu giamatshidia nji wana lwa ita. ¹² Meso enji adi gifwanesa nu tshuya twa kola, nu holu dia muto wenji ha hagewa iphu yavula. Udi nu dijina diagusonegewa holu dienji, dio mutha mumoshi ndo wajiya gukotolesa phamba mwene hakhenji. ¹³ Wa sudiga lopho dia mbiwe mu mahatshi nji jina dienji dimu tamegewa Mbimbi ya Nzambi. ¹⁴ Henya ita a mudilu akhalele gumuhata nu tubalu tula phe twa konda mvindu. ¹⁵ Mukano dienji mwazogele phogo ya khusa yakhalele mubwisa ifutshi nu mba uhinyina holu diawo nu muhango wa utadi. Mba diata gu shina dia malu tshopho dia matombe dia khabu jia Nzambi ya ngolo jiagasue. ¹⁶ Holu dia mulele wenji nu gaphunda nga kulu guenji hasonegewe : << Mwatha wa hamwatha nu Fumu ya Mafumu.>> ¹⁷ Nga mwenene mwanjelo wa magenene ha tangwa. wa kolologele gwa tunjila twakhalele muzuga << Zenu, dibungishenu mukunda nu gudia gwa Nzambi. ¹⁸ Zenu, dienu thumba jia a mwanta, thumba jia athu ana hana mikhuala jia ita nu enya ngolo, thumba jia tubalu nu phunda, thumba jia athu adi ashigo ahiga ndo, nu adi ahiga, ana azonda nu makota athu. ¹⁹ Nga mwenene shitu nu mafumu a hamavu nu mata awo. Akhalele agudilonda mukunda nu ita nu muthu wakhalele holu dia gabalu nu mata enji. ²⁰ Shitu ya kwatewe, nu yene, Nzambi jia mambo jia tshittshile ndaga jia gumama ha twamena dienji. Nu ndaga jiene, jia nanele athu ago ambiwe njimbu ya shitu nu ago a tumbwishile gifwanegesa gienji. agaswe muyadi a bishidiwe mu tshanga dia tsuiya. ²¹ Ako mukatshi diawo ahuile nu gufwa gu phogo ya khusa ya wago wakhalele holu dia phunda. Tunjila twagaswe twadile thumba jiawo.