¹ Gungima dia ima yeyi yagasue, nga muenene mwanjelo muko yago wakatugile gosa wakhalele mu bulumuga, wakhalele nu uhinyinyi wakoma nu mavu agasue akhalele mu uhinyinyi wenji mu lutumbu luenji nga mu gutumbuga guenji. ² Wakalugile nu dijui diakola egi: << Udi ya gubua! udi ya gubua Babilona ya wakoma! Na wabua gifundo (bugu) gia dia ivule ya bola, bugu guana disuega ivule ya bola nu guma gua gudisuega tunjila tua bola nu tushigo tuabonga.>> ³ Ndaga ya ifutshi yagasue yanuile matombe a anginyishile mu ngina yenji ya uthambi wago wazolele jikhabu jienji. Mafumu a ha mavu adiluishile amonyi, mu luholo luenji lua gudizumba nu gudihala. ⁴ Muphushi, (Ha ngima) ngavile dijui mu dilu muzuela egi : << Zogienu mukatshi dienji athu ami ha gula egi munginyigo gu khanda ya malamba enji. ⁵ Gubola guenji guadilanduuile una mudilu, nu Nzambi wawungulugile midimo yenyi yabola. ⁶ Muvutshidienu yago igazanguile gudi ako, muvutshuidienu mahugo ayadi yago yakhalele mu tshiengua (tshiopo) giago gikhalele mufutula, mu mu futule mahugo ayadi.>> ^{8 7} Muluholo ( guvula) luakhadi muene muditumbuisa nu muho wakhalele muene mu dihala nu ndaga jienji jiabonga, muvutshidienu nayo mu luholo lua gusagesewa nu lua malamba a gundala ndaga udi muzuela mu mutshima wenji egi; << Ngudi hashi gifua Fumu ya mukhetu nu ngushigo mukhetu ya gafunda nu mbangukhadigo mu ndaga ya gufua nga hazonda ndo. << Mu malamba mu ; (lungoshi), gulambagana guenji mbaguya nu gumukuata : Gufua, nu mafua nu phai (nzala). Mukunda nu mbaukondewa mu tshuya ndaga ya Fumu Nzambi udi nu jingolo nu udi mulumbuishi wenji. ⁹ Mafumu a ha mavu ago akhalele mutshita ndaga jia uthambi nu akhaphele nenji guhengela guenji, mba adila nu mbakhala mudisagesa holu dienji hago mba amona mishi hehi mu mila yawo. ¹⁰ Mba amaganena gualeha, nu mba akhala a guvungila mu gusagesewa guenji muzuela egi: << Mukumbu! mukumbu, gua Dimbo diakoma dia masamba Babilona, dimbo diakoma dia masamba diago didi nu ngolo jiavula. Ndaga ya gu ngima dia kumbi dimoshi (dingoshi) gulumbulushiwa guenji guaza.>> ¹¹ Adiguludi a hoshi adi mudila nu gudisagesa mukunda nu ndaga jienji, ndaga ya nza muthu mungoshi (mumoshi) mba usumba nga gima gimoshi. ¹² Muenyemo, wolo, falanga, seso jia ndando, musanga, milele ya mbala, milele ya wanda, ima yago ila kedi-kedi, miho yagasue, mitshi ya ihemba, miho yagasue ya mitshi ya ndando, mabengedi, utadi, nu mabaya, nu mananshi, ¹³ nu mula nu asa ( uhaufu ), nu matombe, nu maji, nu phupha, nu onuna, nu bovina (ngombe), nu phanga ( imeme), tubalu nu inaneno ya ima (phusu-phusu), nu ahiga nu athu. ¹⁴ Bundu diago diwatshiginyine nu mutshima waye wagasue, nu ngolo jiaye jiagasue ya lengele gualeha nu aye. Gudimona guaye guagasue guatugumugile mu phushi jiabala nu mba gumuenewa go luko. ¹⁵ Adiguludi a ima yeyi yagasue ago adibushile amonyi, mba magenena gualeha nu muene mukunda nu woma wa gubundumuga guenji mudila nu mu gudisagesa holu dienji. ¹⁶ Mba azuela egi : Mukumbu! mukumbu gua dimbo diakoma dia masamba, diakhalele dia gusudigiwa milele ilababa, nu milele ya gifua yambala, nu milele ilakedi-kedi, nu ima iko ya wolo, nu tuzeya tuandando, nu milele ilangedi-ngedi. ¹⁷ Mu kumbi dimoshi (dingoshi) umonyi wene wakhalele wagutotesa (wagushiyiwa) wabuile wagituhu. Awendeshi a mawato enji agasue, nu enya mujimo nu matelo, nu agasue ago anawendela khuta mu meya, amanene haleha haleha. ¹⁸ Agumona mishi gumujieta, wakologele muzuela : << Dimbo tshi dienyedi dia masamba, diadifuana nu dimbo dia koma dia masamba?>> ¹⁹ Adimbile fuluguta ( uto) holu dia mito yawo mu akologele mu gudila nu gudisagesa <> ²⁰ Suangulugenu ha ndaga yenji! madilu, Asantu, apostolo nu azuedi a ndaga jia gumatuama ndaga ya Nzambi udi mubata gilumbu giawo gudi muene!>> ²¹ Muanjelo mumoshi muenya ngolo wazanguile iseso gifua seso ya leha, wayibishidile mu meya nu guzuela: << Mu luholo olu, Babilona dimbo diakoma dia masamba mbadimuangewa mu phushi muphushi gu khanda ya mbonyo, mba gumuenegewa go. ²² Dijui diago dia athu adi mushiga lungungu, ayimbi, ago adi mutshima gu miphondo, nu jingenze, mba ididigo gua aye. Nu mushigi mumoshi ndo mbaukhala mutshitshi diaye, nga lungu lumoshi lua seso mba luvuwa gua aye. ²³ Tshuya lua muenda mbatulemigo gua aye mba avigo nga dijui dia ana tulenga, enya mahata, ndaga ya adiyuludi akhalele mafumu a mu mavu nu ifutshi ya huigiwe gu wanga. ²⁴ Nu muene, mahatshi a azuedi a ndaga jia gutuama nu a Asantu amuenewe mahatshi ago ashiyiwe holu dia mavu.