¹ Mumoshi mu katshi ya Anjelo sambadi wa swenene gudi ame nu wanguwambela : < ngudi gugu dijiga gufwa gwa milonga gwa mukhetu ya thambi udi ya gukhala holu dia meya avula ² Hene mafumu a hamavu awendele nenji uthambi nu athu ahamavu abwile enya gukwatewa-matombe a uthambi wenji.>> ³ Mwanjelo wa ngubatele mu matangi mutemu, nu nga mwenene mukhetu ya gukhala holu dia shitu idi nu majina avula a gusebulula. Shitu ya khalele nu mito sambadi, nu jimbinga (misengo) kumi. ⁴ Mukhetu wakhalele ya gusudiga imbala ya gubola hako gifwa wolo, seso jia tagana nu misanga ya lumbundu. Wabatele ha mago enji, tshiopo jia wolo gia guzala pha nu ima yabola nu ya uthambi. ⁵ Ha mbombo yenji ha khalele hagusonega dijina dimoshi didi gukotelesa gwenji gudi mumafumbe, jina diene egi: < yakoma, gina thambi nu jindaga jiagaswe jia bola jia hamavu.>> ⁶ Nga mwenen nji egi mukhetu mwene wakhalele ya gutolewa mahatshi a themwa jia Yesu. Ha nga mumwenene nga disagesele mwavula. ⁷ Uvi Anjelo wangu wambelele egi: << Mukunda natshi udi gudisagegsa? Mbangudi gu gukotelesa ndaga jia mukhetu mwenyonu nu shitu idi gumubata (shitu idi nu mito sambadi nu jimbinga (misengo) kumi. ⁸ Shitu inyi iwamonyi yakhalele gale uvi ishigo luko gwene go, uvi nji idi gale hehe haguzoga luko mu bengi. hangima na iye gifwa guguifwa. Athu a ha mavu ago adi majina asonegewe ndo gu mukanda wa monyo. Sendese gu gisendeselo gia mavu, mbadihula hagu mona egi shitu ya khelele na ishigo luko gwene uvi nji idi gale hehi ha guza luko. ⁹ Nu nduedi, ungambi wa gubungisa nu ngunge wa zangudiwe. Shitu sambadi jidi milundu sambadi yago mukhetu mwene gadi yaguditumbiga holu. ¹⁰ Gudi nji nu mafumu sambadi. mwatha mutano abwile, mumoshi you guene lwenyelu, uvi muko khenji gaza gale go, ha mbageza, mba gashigo mu khala masugu avula go. ¹¹ Shitu inyi yakhalele, yana khala go luko, idi nji fumu ya nage, idi mu hungu dia mafumu sambadi, nu idi muya gu gufwa. ¹² Mbinga kumi (misengo kumi) adi khenji aheta gale ufumu go, uvi mba adi muheta ufumu mu ginemwa gia mafumu hamutango wa kumbi dimoshi nu shitu inyi. ¹³ Adi nu matangi amoshi nu adi muhana ngolo jiawo, nu ufumu wawo gudi shitu yene. ¹⁴ Mba aluisa muna gimeme (phanga). Uvi muna gimeme mba udi gwabinga, ndaga ya udi fumu ya mafumu nu mwatha ya amwatha. Hamoshi nu mwene gudi nu athu agaswe, nu atombewe, nu anagumulandula. ¹⁵ Anjelo wa ngu wambelele egi :<< Meya anyi awa monyi aga akhalele mukhetu ya thambi mukatshi idi thundu, ifutshi yagaswe, nu mazuelelo agaswe.>> ¹⁶ Mbinga (Misengo) kumi ji wamonene, nu jiene nu shitu mbatuna mukhetu ya thambi. Mba muhwa musonyi nu mbadijiga thowa yenji haphelo, mba tshiaguta thumba yenji nu mba ukondewa tshuya ya mudidi. ¹⁷ Ndaga Nzambi wahagele mu mutshima yawo, matangi a gutagenesa ngenji nu ha gusthigina guhana ngholo jiawo gudi shitu, u nu gunu mbimbi ya Nzambi mba itagana. ¹⁸ Mukhetu wamwenene udi dimbo diakoma didi muhima holu dia mafumu a ha mavu.>>