¹ Ngavile dijui dia kola dia katugile mu bugu dia gijila, mu wambela anjelo sambadi: << ndienu nu mulungulule yopho sambadi ya khabu jia Nzambi ha mavu>>. ² Anjelo wa gudian,gela wasetuga gumatwama nu wa lungulula tshiopo gienji ha mavu; phuta imoshi ya bola nu ya lamba yaza gudi athu akhalele nu njimbu yashitu, ago akhalele mukombelemla mu gifwanesa gienji. ³ Anjelo wangiadi walungudile tshiopo gienji mu kianza, meya ajile gifwa mahatshi a muthu ya gufwa, nu yima yagaswe ya monyo ya mu nzadi ya fwile. ⁴ Anjelo wa tathu wa lungulula tshiopo gienji mu mita ya koma nu mu ito ya mita; ya balumugile mahatshi. ⁵ Ngavile angjelo a mita muzuela: < giamatshidia, yago udi, wakhalele, Musanutu ndaga wa batele gu sophesa milonga, ⁶ Ndaga ya abunduile mahatshi a asantu azueledi a ndaga jidi muza gutwama hene adi nayo guheta. ⁷ Ngavile giwetshelo (jigo) mutaya egi: << Ayi! Nzambi udi holu dia yagaswe, gusophesa milonga gwaye giudi gwa diago nu giamatshidia>>. ⁸ Anjelo wa ngwana walungudile tshiopo holu dia tangwa ya muhanewe ha gukonda athu nu tshuya. Athu ahile nu mulegelege sha. ⁹ Gusebulula jina dia Nzambi yago udi nu ufumu holu dia mihehe ya bola. Akhalele go nu gutshigina nga guhana lutumbu gudi Nzambi. ¹⁰ Anjelo ya thano walungudile tshiopo holu dia shitu, ufumu wenji wabwile phipha adi sumine madimi nu mazo mukunda nu lamba. ¹¹ a Sebuludile Nzambi wa mu dilu mulunda nu malamba nu phuta , nji a landudile gutuna gubemba gubola mu jindaga jawo. ¹² Anjelo wa samano walungudile tshiopo mu muta , Efata nu , nu meya amiginyine ha gulonda njila ya mafumu ahalele muza gu Esete. ¹³ Nga mwenene ivule itatu ya bola yadifana ni ilwa muzoga mu kano dia dalagoni nu mu shitu, nu gudi ngambi jia mambo. ¹⁴ Ndaga idi ivule ya Satana idi mutagenesa gudi jindaga jiagushimana yazogele gudi mafumu a hamavu agaswe mukunda nu guabungisa mukunda nu ita gu lusugu lua koma lua Nzambi ; yago udi nu jingolo jiagaswe. ¹⁵ < ngu muza gifwa nzangi (khuba) guswanguluga gudi adi mubanda ginzunga, udi mubamba milele yenji, ha gula gazogigo ithowa nu amoyigo thowa yenji nu jisonyi jienji. ¹⁶ Wa abunbgishile agaswe ha gifundo gimutamegewa mu Ebelu egi Alamegedo. ¹⁷ Anjelo wa sambadi walunguluile tshiopo gienji mu muhehe. Nu wazogele mu gikombelele gu lutumbu dijui diazogele mangololo diazuela egi: ya tshitshiwa. ¹⁸ Gua khalele jimbimbi henyihenyi nu mwandu ya kola, nu gudigita gwa mavu, idi muthu ya mavu khenji gaimwenene go. ¹⁹ Mu dimbo diakoma dia khalele dia gukhaphumuna mu itshinyi itatu nu membo akoma a athu (ajiya go aphangi abuile. Nzambi wa ungulugile Babilona dimbo diakoma nu wahanene dimbo didi, tshiopo diazala pha nu matombe adi muzoga mu khabu jienji. ²⁰ Isanga yagaswe yatotele nu milundu yamwenegene go luko. ²¹ Itshinyi ya koma ya ithotho mu ginemo gia ndengo imoshi (falanga jia ndengo utadi) jiakhelele mu katuga gosa mubwa hoshi, mubwila athu hene akhalele muta Nzambi mikumbu mukunda nu mihehe yabola, ndaga ya mihehe ya bola inyi yakhalele ya balega gukola.