¹ Henyaha ngamwenene gijiyilo giko mu dilu, giakoma nu jiatagana: guakhalele Angelo sambadi, nu mihehe sambadi ya malamba, mihehe sambadi iko ya gungima, yakhalele ya Nzambi nu hene khabu jia Nzambi mba jikhala jia giamatshidia. ² Nga mwenene gima gimoshi gia khalele gifwa twanga ya meya agu futula mu tshiopo jia gufutula nji mu tshiya, nu ya gungima dia tshianga yakhalele ya gumagana mumolu yene ya begele ngolo gudi shitu mu gifwanesa gienji holu dia nomba gudijiga jina jina dienji. Yakwakele ishigilo (ngoma) Nzambi ga ahwile. ³ Ayimbile jingimbo jia Mose, atshitshi a mudimo a mudimo wa Nzambi, nu ngimbo jia muna gimeme: < yaye, o fumu Nzambi idi yakoma nu ya bonga sha! njila jiaye jidi jiamatshidia Fumu ya mavu agaswe ⁴ Fumu nanyi gajiyilego gu gulenga nga gajiyilego gutumbwisa jina diaye ? Uvi aye udi musantu. Mavu agaswe mba aza nu mba a gutumbwisa ndaga ya midimo yaye idi ya giamatshidia nu idi ya gujiyiwa. ⁵ Gungima dia ima yeyi nga kengelele, gikombelelo mu inzo ya Nzambi (mavu a gijila gwa khalelele Inzo ya Nzambi) ya khalele ya guzululu mu dilu. ⁶ Angelo sambadi akwatele, mihehe yabola sambadi yakhalele muzoga gu mavu a gijila, ya gusudigiwa milele ila kedi-kedi, nu mukaba wa wolo ya gulanga mu thulo. ⁷ Mumoshi ya athu a monyo wahana gudi angelo sambadi tshiopho jia wolo giazala pha nu jikhabu jia Nzambi jidi givo midimbila-khusu. ⁸ Inzo ya Nzambi yazala pha nu mishi, mukunda nu lutumbu lua Nzambi nu jingolo jienji. Muthu mumoshi gajiyile go gungina mu inzo ya Nzambi, Û nu mihehe sambani ya anjelo sambadi ya taganesewe.