¹ Lunyelu, mwanjelo wangudijigile muta wa meya a monyo, meya enji akhalele a phlelegeta ngedi-ngedi, meya abalegele nu gungwasa ya Nzambi, nu muna phanga. ² Ha gubalega mukatshi dia dimbo. nu mukanda jiagaswe jia meya, guakhalele mitshi ya monyo ya khalele mu hana luholo kumi nu iyadi lua mabundu nu nji ya gasue. Mayiji amutshi ana kwatesa mugusaga gwa misongo gua hiphuta ya vula. ³ Mba gushigo mukhala gutewa gwa mukumbu ngwasa ya Nzambi nu muna phanga mba yikhala a mutshitshila. ⁴ Mba amona iphala yanji nu jina dienji mba disonegewa ha mbombo yawo. Mba gushigo mukhala iphipha. ⁵ Mba ashi mukhala go nu fumu luko ya mweji wa mwinda nga wa kumbi ndaga Nzambi mba uhana mweji wenji holu diawo, mba akhala nu ufumu ivo nu ivo. ⁶ Mwanjelo wa nguwambela egi:"Mbimbi ya yeyi jidi jagishina nu jia diago. Nzambi, ya givule giaa ngambi wa tumi mwangelu ha gudijiga gudi atshitshi a midimo enji idi muza luenyelu. ⁷ Tala ngudi muza luenyelu guzela mwila gudi muthu udi mubamba mbimbi jia ndaga jidi muza, jia mukanda wewu. ⁸ Ame Yone, ngudi muthu wa vile nu wa mwenene ima yagasue, kumbi dinga mwenene nu nga vile nga bulumujile gu malu a mwanjelo mukunda nu gutumbwisa. Mwanjelo wa ngudigigele ima yeyi yagaswe. ⁹ Wa nguwambelele! gutshita ndo ngenyi! ngudi futa diaye dia mudimo, nu dia aphangi aye muzuedi wa ndaga jia gutwama nu ago adi mutumaga gu mbimbi jia mukanda wowu, Tumbwisa Nzambi. ¹⁰ Wa ngu wambelele egi: "gumba ndo ginyemelo mu mbimbi ji azuedi a ndaga mba jiza, jia mukanda wewu, ndaga kumbi didi hehi. ¹¹ Muthu udi gashigo mu giamatshidia asale ngenyi. Udi mu gubola asale ngenyi, nji muthu udi mu giamatshidia asale mu giamatshidia. Udi musantu asale ngenyi musantu. ¹² Tala gudi muza luenyelu nu gubonga gwami muhana gudi muthu yagasue luholo lugatshitshile mudimo wanji. ¹³ Ngudi gisendeselo nu gisugishilo ya gudiangela nu ya gusugisa gisendeselo nu gisugishilo. ¹⁴ Gusuanguluga gudi adi muwova milele yawho mukunda nu guzula njila ya gudia mustshi wa monyo nu guangina mudimbo ha mufulo. ¹⁵ Zogenu honze jimbwa athu adi mutshigina mwavula gutshita gubola nu mambo. ¹⁶ Ame, Yesu, nga tumine mwangelo mukunda nu gumidijiga ha ndaga jeji nu Eklezia. Ngudi mujigulu nu mwenya giphuta gia Davidi, themua yana henya mu gimenegena." ¹⁷ Givule nu mukhetu amuzuele egi: Iza yowu udi muvua a zuele: "Iza!" Muthu udi nu luhungu, aze, wa tshigina mba uzula meya a mpnyo. ¹⁸ Ngudi muzuela udi muvua mbimbi jeyi ja azueledi a ndaga mbajiza adi mu mukanda wewu, gula gudi nu muthu mba ulezela ima iko, Nzambi mba udi gumulezela muhehe wa malamba gifwa idi ya gusonegewa. ¹⁹ Gula muthu wakatula gima gu mbimbi yeyi, Nzambi nji mba ukatula shinda dia mutshi wa monyo nu wa dimbo dia Asantu, gifwa idi muzuelewa mu mukanda wawo. ²⁰ Yago udi mutuna ima yeyi! ayi ngudi muza lunyelu, Idingenyi! Iza Fumu Yesu! ²¹ Ngasa ya Fumu Yesu ikhale nenu agasue. Idi ngenyi.