¹ Ha ngima, nga monele shitu imoshi yakhalele muzoga mu nzadi. Yakhalele nu misengo (jimbinga) kumi nu mito sambadi. Holu dia misengo guakhalele nu iphu kumi nji mito wagaswe yakhalele nu majina a mashingana. ² Shitu yago nga monele gifwanegesa nu gisupha, malu enji gifwanegesa nu malu a mbulu nu kano gifwanegesa nu kano dia khoshi . Dalagoni ya muhuile uhuminyini wenji, gife gia ufumu, nu ufumu wa koma wa guhuminyinila. ³ Muto umoshi wa shitu wakhalele gifwanegesa nu shitu ya gufwa, uvi phuta ya lufwa ya huile. hene mavu agaswe a yitugile nu alandudile shitu. ⁴ A kombelele nji Dalagoni ndaga wa hanene uhuiminyini gua shitu. A huiminyinile shitu nu guzwela nji hakano egi : << Nanyi udi gifwanegesa nu shitu?>> < nanyi walunga gumu luisa ita?>> ⁵ Kano gumoshi gwana zogela mashingo akola nu jindaga jia gusebulula gua hanewe gudi shitu. Amu tshiginishile hagu mohigimina mbewu makumi awana nu ngonda jiyadi. ⁶ Hene shitu ya kangudile kano dienji mukunda nu gusebulula Nzambi; gusebulula jina dienji, gifundo gienji nu athu ana jinga nenji mu dilu. ⁷ Watshiginishile shitu hagulua ita nu enya gutshigina nu gu abinga. Ya hanewe nji guphotela iphuta, thundu nu membo agaswe. ⁸ Athu agaswe akhalele mu jinga ha mavu a mukombelele, wagaswe wago dijina diakhalele ndo dia gusonega, yandiga gisendeselo gia gifutshi, mukatshi dia mukanda wa monyo, wakhadi gua mona phanga wa mwangewe. ⁹ Yago udi nu matshui, avu. ¹⁰ kana muthu udi ya twamezewa gu huhiga, mba udi muya mu uhiga, kana muthu udi ya gushiyiwa gu phogo ya khusa, mba udi mu shiyiwa gu phogo ya khusa. Yeyi idi gutamega ha gukolesela (gudindamana)mutshima wa huima nu gutshigina mukunda nu athu adi asantu. ¹¹ Nga monele ishitu iko muzoga mu mavu, ya khalele nu misengo iyadi gifwa muna phanga nji wa khalele muzuela gifwa Dalagoni. ¹² Wa khalele nu himina wa shitu ya thomo ha twamena djenji nji ya tumile mavu nu athu ha gukombelela shitu ya gudiangela mu gingolo-ngolo (yago phuta ya gufwa ya huile.) ¹³ Ya tshitshile ndaga jiakola jia gushimana. Ya bulumwishile nji tshiya tua mudilu gutwama dia athu ¹⁴ Nu ijiyilo yago yamuhuiye ha gutagenesa, Ya bingile ha guhana musoni gudi athu a hamavu. Ya awambelele ha gutshita gifwanesa mukunda nu lutumbu lua shitu yaho ya namenene gua phogo ya khusa uvi idi luko nu monyo. ¹⁵ Atshiginishile shitu ha gu hana muhehe wa monyo gudi gifwanegesa gia shitu ha gule egi gifwanegesa gia jiya guzwela nga gu gisendeselo gia gushiyiwa gwa athu ago atunyile gu kombelela shitu. ¹⁶ Ya tumile nji mu gingolo-ngolo athu agaswe, ago adi ashigo nu ngolo nu adi nu jingolo, phutu nu ashigo phutu, ahiga nu ago ashigo ahiga, ha gumbiwa njimbu ha mago awo a gitata nga ha mbombo jiawo. ¹⁷ Gua khalele go nu luholo gua muthu ha gusumba nga gudiga gula ashigo nu njimbu ya shitu, idi ndando imumonegesa jina dienji. ¹⁸ Yeyi idi mu gutu wunguluisa u ngambi. Gula muthu mumoshi udi nu ukaphumuni, a tange ndando ya shitu. Ndaga idi ndando ya muthu. Ndando yene idi 666.