¹ Gijihilo gia koma gia monegele mu dilu Mukhetu mumoshi wa sudigile dikumbi ifwa mulele, akhalele nu mbewu hoshi ya ikanzo yenji mui mulutumbu lua themwa ya khalele holu dia muto wenji. ² Wa khalele nu vumo nji wakhalele muhaga mikologolo gu misongo ya gubuta. ³ Gijiyilo giko gia monegele mu dilu: Tala! gudi nu inioga (dalagoni) imoshi ya koma ilababa yago ya khalele nu mito sambadi nu misengo (mbinga) kumi nu jia khalele nu lutumbu holu dia mito yawo. ⁴ Mukila wenji wa kuludile mukomba ji themwa jia vula jia mudilu nu gujibwisa ha mavu. Dalagoni ya manegele mu magana gu twama dia mukhetu yaho wa khalele hehiç nugu buta mu matangi a guminya mona gula wa buta. ⁵ Wa butshile mona yala, yaho wakwalele hehi nu gutwameza nu ifusthi ya gaswe nu muhango wa gituhu wa utadi. Munenji wa katshiwe hagula wa khale hehi nu Nzambi mu ufumu wenji. ⁶ Nu mukhetu wa lengele mu gikonda wago Nzambi wadiangele gulunda dibugu mukunda nu mwene waza gu muzangula ginemo nu masugu 1260. ⁷ Hene, guakhalele nu ita mu dilu. Michele nu Angelo enji aluishile dalagoni. nji dalago nu angelo ashile gikhakhangolo. ⁸ uvi dalagoni wa khalele ndo nu ngolo ja vula ha gula enyi abinge. Moniemo gwa khalele nu difundo ata dimoshi ndo mukunda nu mwene nu angelo enji. ⁹ Dalagoni yakoma; nyoga yeyi yikulu yakhalele mutamegewa egi Diabulu nga Satana, yago ya dimbile mavu agaswe ya bishidiwe ha mavu nu angele jienji mukuta yawo agaswe. ¹⁰ Nga vile diji dia koma mudilu: << Luenyelu gu huluga ngolo nu ufumu wa Nzambi wetu waza, hene huminina ya Kilisto wenji. Ndaga ya mufundi wa aphangietu wa khalele ya gubishidiwa, wago wa khalele mufunda phipha mwanya gutwamena dia Nzambi wetu. ¹¹ Amubingile mukunda nu mahatshi a muna phanga a bundungile , ndaga a zumbile go lujingu lwawo ti nu gulwa. ¹² Ngenyi, swangulugenu, henue Dilu nu athu agaswe adi mujinga mu katshi, Uvi malamba gudi mavu nu kianga giakoma mukunda Diabulu wabulumuga gudi henue. Udi ya guzala nu khabu jiakola mukunda umujiya egi kumbi didi diazonda. ¹³ Hago Dalagoni wa tangijile egi amubishidile ha mavu wa yile nu gulandula mukhetu wa butshile mona yala. ¹⁴ Uvi mahambu ayadi a khuiyi ahuiye mukhetu hagule enyi mwene waza guzuga gosa ha guya ha gifundo gia londewe mukunda nu mwene mu mavu avuma, mbakhala ha hanewa ya kumbi di moshi, hakatshi dia kumbi dimoshi gonze gualeha nu nyoga. ¹⁵ Nyoga ya bundudile meya ago akhalele mukano dienji gifwanegesa nu muta wa nzadi, hagule enyi azalese mavu mukhetu afwe. ¹⁶ Uvi mavu akangudile kano dienji aminyile meya agaswe a Dalagoni azolele mukano dienji. ¹⁷ Hene Dalagoni yavidile mukhetu nzende (khabu) nji wayile mukunda nu gumuluisa ita gua aphangi enji, ago ana gutumaga gu gutuma gua Nzambi, nji adi nu uthemwa wa Yesu. ¹⁸ Hene Dalagoni ya maganele holu dia fuluguta ha khelegelo dia nzadi.