¹ Mutshi wa nguhuiwe mukunda nu gutshitshila muhango ya guwambelewe << zuga, thesa uzo ya Nzambi nu giwetshelo >> nu ago ana tumbuisa Nzambi. ² Uvi guthesa ndo luphango honze ya inzo, ya Nzambi ndaga yana khala ya ifutshi ya vula. Mba imukaya membe adi a santu mbeu makumi awana nu ayadi. ³ Mbaguhana uhinyinyi wami gu themua jami jiayadi jagusudiga sagi hagula adiange guzuela jindaga mu <> ⁴ Themua jene mitshi ya olive nu lina iyadi ya guhagele minda idi yagu magana gutyamena dia fumu. ⁵ Gula muthu muko watambewa haguatshita gubola tshuya tuzogi mu kano diawo tukondi enya gikembe giawo. Nga nani wa tshigina muluholo lwene lungoshi. ⁶ Themua jidi nu hunyini wa gutshita dilu, hagula mvula gunoga ndo musugu ago adi muzuelewa ndaga jia gumatwama. Adi nu uhiminynyi wagusombegesa meya mu mahatshi, nu ajiya gulowa mavu nu mihehe yagaswe yabola muhugo diagasue didi ene mutshigina. ⁷ Gula mba amanesela guhana githemua, shitu yago mba izoga mu wina ulabui mba ilua ita nu ene. Yene mba y'abalega jingolo mba y'ashiya. ⁸ Mila yawo mba isala mumilongo ya dimbo diakoma dia masamba diago didi mutamegewa gifua Sodomo nu Ijipitu guago fumu yawo wahagewe ha mutshi wa gudikikisa. ⁹ Mu masugu atatu nu ndambo ngo mu moshi ndo ya athu agasue iphuta, mazuelelo, nu ifusthi mba itala gukatshuwa guaho nu muthu mbagatshigina go egi wakatshiwe. ¹⁰ Enya hamavu mba asuanguluga mu ndaga yawo mba ahaga mawano ahwo nu adihana sagidilo (gitulo) ndaga ya azuedi a ndaga jia gumatuama asagesele ago akhalele ha mavu. ¹¹ Uvi, gungima dia masugu atatu nu ndambo muhehe wa monyo wajile gudi Nzambi wanginyine gudi ene nji mba magena mumolu. Woma wa bala mba ukwata ago mba amumona. ¹² Luenyelu, mba avua dijui f=diakola mudilu muzuela: << Kandungienu gugu.>> Nu mba kanduga mudilu mu matuta gungima dia meso jia mbalagaji jiawo (enya gikembe giawo). ¹³ Mukumbi dienenyi mba ikhala gudigita guakoma gua mavu nu gitshinyi gia kumi giadimbo dia musamba mba buzumuga. Gudigita gua mavu mba gushiya athu inunu sambadi nu ago mba asala nu monyo mba avua woma wavula nu mbatumbuisa Nzambi ya mudilu. ¹⁴ Lamba dia ngiadi diabelegele: tala lamaba dia thathu didi gale muza muphushi muphushi. ¹⁵ Luenyelu, Anjelo a sambadi ashigile ingenze nu dijui diakola dia didile mudilu muzuela egi: << Ufumu wahamavu wabua ufumu wa Fumu yetu nu wa Klisto yenji. Mba uhinyina hu numayilago.>> ¹⁶ Luenyelu, athu agaukola makumi ayadi nu muwana akhalele holu dia ufumu wa Nzambi ashiwile (bulumuishile) jiphala ha mavu atumbwishile Nzambi. ¹⁷ Azuelele egi: Tudi guguwa ngasa fumu Nzambi udi holu dia yagasue, yago udi nu wakhalele ndaga wazanguile jiengolo jenji wasendesele guhinyina. ¹⁸ Ifutshi yago ya khalele yagusaluga uvi khabu jiabu jiaye jieza. Hugo dia gulumbuluishiwa mukunda nu adi agufwa adi naye gulumbushiwa didi hugo mukunda nu aye gulumbuishiwa enya mudimo waye, Nzambi, a santu nu ago avile jina diaye woma; alenge nu mambuta. Nu hugo diatagana mukunda nu gushuya ago adi mushiya mavu. ¹⁹ Gu ngima inzo ya Nzambi ya khalele ya guzuluga nu inzo ya ufuta wenji ya monegenene mu inzo ya Nzambi. Gwakhalele mwanya mukunda nu guphelegesa matululu nu lungu lua miandu, gudigita gua mavu nu mayi a nzanza.