¹ Mu yene ngamuene mwanjelo muko ya ngolo mutuluga gosa, wakhalele ya gusudigishiwa matuta, guakhelele khongolo holu dia muto wenji. Phala yenji ya khalele gifua khumbi nu malu enji akhalele gifua phanji jia tshuiya. ² Wa khalele nu mukanda wazonda, wagutugula hakoko nu watumbigile kulu guenji gua madia holu dia muta nu kulu gua mahidi holu dia mavu. ³ Luenyelu kalugile mu dizui dia kola gifua dia khoshi idi muhilagana nu ha kumbi ga khalele mu kolologa, gukuma gua mvula sambadi gua viwe nu dizui diawo. ⁴ Kumbi gukuma sambadi gua viwe nu mazui awo nga khalele hehi ha gusonega; uvi ngavile dizui muza gosa muzuela egi: << bamba mu mafumbe, ndaga jia zuedi gukuma sambadi uyisonega go.>> ⁵ Hangima mwanjelo yago nga mwenene mu magana holu dia muta nu dia mavu, wa thuphudile koko guenji gua madia mu dilu. ⁶ Waditendelele gudi yago udi nu monyo ivo nu ivo, wa fugile dilu nu ima yagasue idi mwene, mavu nu yagasue idi muene, muta nu yagasue adi nayo, nu muanjelo wazuela egi; << Kumbi mba dikhadigo luko guene, ⁷ uvi lusugu muangelo yan sambadi mba gakhala muene hehi ha gushiga phungi yenji, ndaga jia gudisuega jia Nzambi mba jitagana gifwa mua zuelele muene gudi athu enji a mudimo ago ana zuela ndaga jia gutuama. >> ⁸ Dizui dio ngavile gosa ya ngu wambelele luko egi: < uzangule mukanda udi wagutugula ha mago a mwangelo udi ya gumagana holu dia muta nu holu dia mavu.>> ⁹ Luenyelu, Wangu wambelele egi: < mukanda nu udie, udi mukhala walula mu vumo diaye, uvi mukano guaye, udi mukhala wa tuluga nu wa mbemba gigua wigi (wemba)>> ¹⁰ Nga zudile mukanda wa zonda hamago a muanjelo nu nga udile Wakhalele wa tuluga gifwa wigi, uvi ha ngamanene gu udia, vumo diami dia ludile. ¹¹ Hene muthu mungoshi wangu wambelele egi: << Udi nayo guya muzuela ndaga jia gutuama gudi athu avula, ifutshi ya vula, mazuelelo agasue nu mafumu agasue. >>