¹ Muene Melshisedeki, fumu yakoma (mwatha) ya gu Salema, Mubambi a mikhuala ya Nzambi wadinyinyigile gosa gualeha, yago wajiyile Abalahama muene gio wamuhuile guzela muila gu ngima dia muene gubatula mafumu minginyo. ² Abalahama wamuhuile yago yangiadi yago wakuatewe. Jinqa dienji << Melshisedeki >> idi muzuela egi << Fumu ya giamatshidia >>, nu nji << Fumu yakoma ya Salema >>, idi mutshigina guzuela egi << Fumu yakoma ya guhuima>> ³ Gakhalelego nu shenji, nga ginenji, gakhalelego nu akhakhenji nu gakhalelego nu gisendeselo gia masugu nga gisugishilo gia monyo. Uvi wasalele mubambi wa mikhuala gu masugu agasue, gifua muna Nzambi. ⁴ Luenyelu zangudienu egi wakhalele muthu wakoma sha. Khakhetu Abalahama wamuhuile gitshinyi gia kumi gia ima yenji yagasue yabonga yazanguile muene gu ita. ⁵ Nu ago a mujigo dia Levi ago ahetele uhinyinyi wa mudimo wa unzambi zanguile mukhuala mu luholo lua guzangula gia kumi gudi iphuta (jigo) mu gubalumuna gua guzuela egi gudi aphanjiawo enya Isalele, nga nji ene akhalele a mujigo dia Abalahama. ⁶ Ndaga Melshisedeki yago gakhalelego muenya jigo dia Levi, wazanguile giakumi gua Abalahama nu wamuhuile guzela muila, muene wakhalele nu dilaji. ⁷ Guakhalelego luholo egi muthu gubulumuga wajiya guhana guzela gudi muthu yago udi holu dienji. ⁸ Mu luholo luangenyi athu ago agugua ana zangula gia kumi, uvi yayo udi mungula giakumi udi nayo gukhala yago udi nu monyo. ⁹ Gula ndo idi muzuela egi; Levi udi muzangila giakumi wasumbile njigidi Abalahama. ¹⁰ Ndaga ya Levi wakhalele muenya muvumo dia Abalahama hago Melsisedeki gatagenene nenji. ¹¹ Luenyelu gula nga guphelegesewa guakhalele ndaga ya leba mu luholo lua unzambi wa enya Levi (ndaga ya goshienji guakhalele iphuta yazanguile mikhuala) yakhalele luko luholo lua gudifelela guheta Fumu muko ya gudihana gifua mulambu mu luholo lua mu mulongo wa Melesisedeki, mu mulongo wa Alona? ¹² Ndaga ya gula asombegesa lua unzambi, mukhuala nji udi nayo ya gusombegesa. ¹³ Uvi yago unu udi ima idi muzuelewa udi nayo gukhala muenya giphuta giko, yago udi nga muthu mungoshi (mumoshi) khenji gatshitshilego mudimo mu giwetshielo (giwotshegia) mulambu. ¹⁴ Luenyelu na idi yadiago egi Fumu wetu udi diago muenya mu jigo (giphuta) gia enya Yuda, giphuta ginyi gidi Mose khenji gaginyishile gale ndo mu ndaga ya atshitshi a mudimo wa Nzambi. ¹⁵ Nu idi tudi muzuela diago ya gusunuguga, gula muhanyi wa mulambu muko wazoga ha gudifuazegesa nu Melsisedeki. ¹⁶ Muhanyi wa mulambu you muhemuhe gashigo yago udi muhanyi wa mulambu ya mu luholo lua mukuala wa jigo dia uthu, uvi holu dia uhinyi wa monyo wago wabalegela uko. ¹⁷ Ndaga gusonega gudi muzuela ndaga yenji egi : << Udi muhanyi wa mulambu wamukunda nu masugu agasue muluholo lua mulongo wa Melshisedeki.>> ¹⁸ Ndaga ya mukhuala ukulu wahagewe mu lukalo (mu mbambo) mukunda nu wakhalele waleba nu wakhalelego watagana (wagituhu). ¹⁹ Mukunda nu mukhuala wene hakhenji wabongeselego , uvi na watshitshilego gima, hoho gudi nu gudifelela gutuama guago guajiya gutusuenesa gudi Nzambi. ²⁰ Gudifuelela guogu guabonga guakhalelego nu dibugu gula guadi logelego. Muenyemo gudifuelela guago guabonga gudi ako guabuishile Ahanyi a milambu uvi adilongelego ²¹ Uvi mukunda nu you, Yesu; wabuile muhanyi wa mulambu nu gudilonga gua yago wakhalele muzuela egi: << Fumu wadilogele nu mbagabalumuwa masugu agasue. >> ²² Mukunda nu ngenyi, yesu wadibuishile Fumu ya ufuta wabonga. ²³ Uvi na gufua giabindjile muhanyi wa mulambu ha guwutshitshila masugu agasue. >> ²⁴ Uvi Yesu waselele nu monyo masugu agasue, unzambi wenji wajiyilego gubalumuga. ²⁵ Mukunda nu ngenyi, udi nji .watagana ha guhuluisa diago gudi ago adi musuena gua (hehe) Nzambi mu njila yenji ndaga ya udi nu monyo masugu agasue ha gukhala mukombelela myukunda nu ene. ²⁶ Idi yatagana gudi esue ha gukhala nu Fumu ya ahanyi a mulambu ya luholo ngenyi. Udi yago udi gashigo nu gubola, gashigo nu ditona, udi wabonga diago, yagudikhamuna na adi abola nu wabuile wabalega gukoma gua madilu. ²⁷ Uvi ishigo ngenyi gudi mafumu a ahanyi a mulambu, gashigo nu luholo, luaguhana lusugu nu lusugu milambu, gudiangela mukunda nu gubola guago, nu nji mukunda nu thundu. Wa itshitshile hugo dimoshi mukunda hago wadihanene muene hakhenji. ²⁸ Muenyomo, mukhuala wambiwe gifua muhanyi wa mikhuala gua athu ago adi nu guleba mwila, uvi mbimbi (dijui) ya gakatugile gudi mukhuala, ha guhaga mona, yago watshitshiwe mukunda nu ivo nu ivo ( mailago nu mailago).