¹ Ndaga ya mujiyi yagasue ya mikhual watombewe mukatshi dia thundu ya iphuta ya Nzambi wana tshita mu jina dia amutambele gu ima ya Nzambi; ha gula wajiguhana mugutshigina milambu nu mu gudihana mukunda nu gubola. ² Wajiya gukhala muenya khenda gudi athu adi gashigo nu ujiyi gudi agudikhaphununa mukunda nu muenji udi muenya guleba. ³ Mukunda nu ngenyi,muene nji udi nayo gudijiga milambu mukunda nu gubola guenji giamatshidia gifua muluholo lu gatshita mukunda nu gubola gua thundu. ⁴ Nu gushigo nu mungoshi wajiya gudizangula ginemua muene hakhenji, uvi gula ndo, idi yago watamegewe gudi Nzambi, gifua muakhadi Alona. ⁵ Mu luholo luene lumoshi luene Kilisto yadizanguilego ginemua muene hakhenji gifua mujiyi wa mikhuala nu muhanyi wa milambu. Uvi gula ndo, Nzambi wamuwambelele egi: << Udi munami; mangino, ame ngadibuisa Shaye.>> ⁶ Gifua mu gazuelele gu bugu diko: << Udi majiyi wa mikhuala ya gisugishilo gifua muakhalele mikhuala Melshisedeki.>> ⁷ Mu masugu wawa mu mila, Kilisto wahanene gukombelela nu gulomba, mukologoga mudila gudi Nzambi, muene mungoshi wajiya gu ahulugisa gugufa. Mukunda nu gubonga guenji gudi Nzambi, Nzambi wavile guomba (gukombelela) guenji. ⁸ Nga wakhalele munenji, uvi watumagenene gu malamba enji. ⁹ Wabuishiwe yago gahigo nugubola uvi na wabuile muene Fumu ya monio wa mayilago gudi yago wagumutumaga. ¹⁰ Watombewe gudi Nzambi gifua fumu ya gudihana (mulambu) gifua mukhuala wa Melshisedeki. ¹¹ Tudi nu yavula ya guzuela mmukunda Yesu Kilisto, uvi idi yakola hagukotelesa mukunda nu muana jiya hazonda. ¹² Ndaga mu masugu wawa; ennue mudi ne gukhala gale mandombi, mudi nji nu luholo lua gula muthu muko ga milongesa mbimbi ya Nzambi. Mudi nji luholo luagunua mele uvi ima ya gudia yakola ndo! ¹³ Ndaga yagasue udi mumua mele gashigo nu ujiyi waleha wavula mukunda nu mbimbi ya giamatshidia, ndaga udi luko mona wazonda. ¹⁴ Uvi , gudia guakola gudi mukunda nu adi agukola ( akuluphi).Tala adi agukola nu gukula abongesele ndunge jiawo jia gukhaphumuna gubonga nu gubola.