¹ Na mukunda nu ngenyi, anetu asantu, mudi nu dishinda gu gutamegewa gua mu dilu. Zangudienu Yesu, mupostoloi nu mukudiwi wa gulondolola gubola. ² Wakhalele yagudihana gua Nzambi yago wamutombele gifua Mose yago wakhalele gudihana mu inzo ya Nzambi. ³ Ndaga ya Yesu watangewe watagana mu gutumbuga guabalega gukoma gudi gua Mose ndagaya yago udi mutunga inzo udi nu lutumbu luabalega lua inzo yene hakhenji. ⁴ Ndaga ya inzo yagasue idi nu mutungi wa yene, uvi mutungi wa ima yagasue udi Nzambi. ⁵ Gu khanda iko, Mose wakhalele watagana gifua muenya mudimo mu inzo yagasue ya Nzambi. Wakhalele zuelelo (themua) dia ima yagasue yago yakhalele muzuelewa mu masugu a gutuama. ⁶ Uvi Kilisto udi muna fumu ya inzo ya Nzambi. Tudi inzo yenji gula tudi agujigamana, gula tuahaga ngolo (tuakolesela) mu giamatshidia gietu nu mu gusuanguluga gua ujiyi wetu. ⁷ Hene mukunda gifua mudi givule giabonga muzuela: << Mangino gula muavua mbimbi yenji, ⁸ Mukolesago mitshima yenu gifua mukumbi dia ago alumbugile mu hugo dia gulolewa mu gibonda. ⁹ Yeyi yajile mu hugo diago akhakhenu alumbulugile ha gungulola nu hago habalegele ivo makumi awana nu ashigo njila jiami. ¹⁰ Nu ngakhalele nu jikhabu mukunda nu gindongo giegi, ngazuela: "mbaditotesa masugu agasue mu mitshima yawo nu ashigo mujiya njila jiami. ¹¹ Ngenyi ngadilogesele mu khabu jiami: mba anginyigo mu gululuga guami.">> ¹² Tadienu, aphanjiami, mukunda nu mungoshi ya mukatshi dienu gakhadigo nu mutshima ungoshi wabola wa gukolesewa gua matshui, mutshima ungoshi udi mubalugina ya Nzambi wa monyo. ¹³ Uvi mudilongese enue nu enue ha lusugu, ndaga idi muzuelewa egi: << mangino>> mungoshi ndo yago wajiya gukolesa matshui enji gu gulololewa mu gubola. ¹⁴ Ndaga tuadibuishile gale mafuta a Kilisto, gula tuajigamana mu giamatshidia gietu gudi muene gu gisendeselo nu gu gugisugishilo. ¹⁵ Yazuelewe ngenyi mu ndaga yene: <> ¹⁶ Nanyi wakhalele yago wavile Nzambi nu walumbuga? Ishigo ago Mose wazolele mu Ejipiti? ¹⁷ Nu avile khabu gua nanyi gu ivo makumi awana? Yakhalele go ago atshitshile gubola nu ago mvumbi jiabuile mu gibonda? ¹⁸ Nu gua nanyi guadilongesele muene mbanginyi mu guhuluga guenji, gula ishigo ago amushagele? ¹⁹ Tuamona egi anginyinego mu guhuluga guenji mukunda nu gukolesewa gua matshi awo.