¹ Henyeha, anetu tudi gumikolesa nu gumiholesa nu gumihua ndambo ya mbimbi ya Nzambi mu Fumu Yesu gifua muaphapha tele gudi esue mu luholo tshi muajiya gusuanguluisa Nzambi nu idi yabonga ngenyi ha enue guwenda. ² Ndaga ya muajiya mikuala tshi ituamihuile mu Fumu 'etu Yesu. ³ Mukunda nu eyi idi gutshigina gua Nzambi, guwovewa guenu gu muazanguile gu ndaga jiabola jia uthambi. ⁴ Ngenye muthu nu muthu ajiye gubamba muila wenyi mu usalame nu mu gunemesa. ⁵ Mudihanyigo mu ngina jiakola jia gubola gifua muanaytshita aphaganyi adi ashigo mujiya Nzambi. ⁶ Nu muthu galodigo guwo mbolola nga gutshita gubola gua phanj'enji mu ndaga eu. Ngada ya, Fumu wanasombela ima yagasue gifua mutuadiangele gunwambele nu gumijiyisa. ⁷ Ndaga Nzambi gatutamegenego mu gubola, uvi mu gubonga. ⁸ Mukunda nu ngenyi, udi mubishila mbimbi juji gohigo mubishila athu uvi udi mubishila Nzambi yago udi muhanyi wa bivivule gienji giabonga. ⁹ Mukunda nu guzumba mukatshi dienu, mushigo nu nzala ya muthu gumisonegena ndaga Nzambi muene hakhenji wamilongesele, ha enue gudizunab mumoshi nu mumoshi. ¹⁰ Ngenyi idi yabonga imudi mutshita mukunda nu aphanji adi mu masediane> Uvi tudi gumilongesa ndambo ya mbimbi ya Nzambi ha gula mutshite nji muavula. ¹¹ Tudi gumilongesa ndambo ya mbimbi muloholo lumoshi ha enue mukhale tedie, ha enue gulandula khuta ndaga jia hakhenu, nu gutshita mudi monu mago enu hakhenu gifua nu tuamitumine. ¹² Tshitshienu ngenyi muwende mukhadigo nu nzaka ya gima. ¹³ Tuatshiginyinego anetu, mukuate we musonyi gifua athu adi mulanda, ha gula mukhadigo nu luhungu gifua athu gashigo nu gudifudilamu masugu a gutuama. ¹⁴ Ndaga gula tuajiya egi Yesu wafuile nu wazugile gugufua, idi luholo lumoshi Nzambi mbauvutula nu Yesu agasue adi egubanda mu jina alienji. ¹⁵ Ndaga ya tadunu tudi gumiwa mbela mu ndaga ya Fumu egi tudi nu moyo, adi munenga guza gua Fumu, tudi muwenda gu tuama dia adi a gubanda. ¹⁶ Ndaga ya Fumu muene hakhenji mbauza gosa. Mbauza nu muholo, nu mbimbi ya Fumu ya Angelo nu ngenze ya Nzambi nu qfuile mu Klisto mbêzuga gudiangela. ¹⁷ Na esue tudi nu monijo, adi musala, mbatuthuphuwa hamoshi nu ene, mu matuta ha gutagana nu Fumu mu muhehe nu ngenyi mbatusala nu Fumu Yesu masugu agasue. ¹⁸ Dikoleshienu enue nu enue mu mbimbi jieji.