¹ Ngenyi, gula tuakuateselego, na watangiza egi idi yabonga ha ene gusala hakhawo gu Atene. ² Tuatumine Timothe, panjetu nu muenya mudimo mu Nzambi mulukunda nu kolesa nu guahua jengolo mu gutshigina guawo mikanda. ³ Tuatshitshile ngenyi ndaga ya muthugakhadigo ya gugubushiwago binda binda mukunda nu ndaga jinji jia miho ndaga ya muajiya egi esue tudi athu tuatumwe mukunda mu bigu. ⁴ yadiago, hatuakhalele n'enu tuamwambele gutuama egi mbatuheta malamba mu gusagesewa, yajile gale gifua mudi mujiya. ⁵ Mukunda nu ngenyi, he nga, muenenego luholo lua guvua ngatumine ha gunguwambela mukunda nu gutshigina guaije. Mahugo ako mulodi wagu lolele mu maluholo ako, nu mudimo wetu wakhalele wagituhu. ⁶ Uvi Timothe, wajidile gu mbo dienu, nu wa batele mbimbi jihejihe mukunda nu gutshigina guaye nu guzumba guaye. Watuwambelele egi wanabamba masugu agasue yabonga ituagutshitshile nu egi wakahalele mutshigina gutumona gifua esue nji tuayitshiginyine; ⁷ mukunda nu ngenyi, an'etu mu katshi dia malamba etu nu gukua tegenesewa, tuakhalele agu kolesewa gudi enue mukunda nu gutshigi guenu. ⁸ Ndaga luenyelu tudi nu monyo gula muadikuategenesa mu ufumu. ⁹ Mukunda nu, luholo tshi tuabande gukhala muhua Nzambi hambadia hana mukunda nu gusuanguluga gu muanatudyiga gu tuama dienji? ¹⁰ Phipha nu hudihana guavula ha gutuzuluila njila ya gumona phala yaye nu gutagenesa itudi tushigo nayo mu gutshigina guenu. ¹¹ Ngenyi Nzambi yetu nu Tata muene hakhenyi, nu Fumu yetu Yesu atua meze njila yetu gua enue. ¹² Na Nzambi yetu amikudise nu ami vudishile guzumba mukatshi dienu nu athu ako nu mukatshi dia athu agasue, gifua tuana tshita nji gudi enue. ¹³ Ngenyi atshite yeyi khuta hagukolesa mitshima mukunda nu ikha digo nu gubola makatshi dia gubonga gutuama dia Nzambi nu Tata hago mbahavutuga Fumu yetu Yesu nu enji abonga agasue.