¹ Ndaga ya muajiya enue hakhenu, an'etu egi guza guetu gudi enue guakhalelego gua githuhu. ² Muajiya egituamuenene lamba nu tuakhalele muhuwa musonyi mu Filipi tuazanguile gujiya Nzambi yetu, mukunda nu gumilongesa mbimbi ya Nzambi mu kunda nu gudikhapuma (ikembe). ³ Ndaga ya gulongesa guetu guakhalelego nu gujimbila ndo, nga nu gubola, nga gumba mambo. ⁴ Uva, luholo luene tuatshiginyiwe gudi Nzambi ha gudihana gugulongesa, hene tudi muzuela. Tushigo muzuela ha gusuanguluga. Muene udi mutala mitshima yetu. ⁵ Ndaga khenji tuzuela galego nga hugo dimoshi mbimbi ja gufudisa, gifua mudi mujiya, nga ndaga ja gudisunzula Nzambi, udi themua, ⁶ nga gukamba lutumbu lua athu, udi muza gudi enue nga gudi athu ako. Tuakhalele n'ayo gunyonga udikhaledi ndaga ya tudi gifua apostolo a Klistu. ⁷ Uva tuahuenene tedie mukhatshi dienu gifua mama udi mukolesa an'enji. ⁸ Uva ngenyi tuakhalele nu gazumba gudi enue. Tuakhalele nu gusuanguluga ha gukhapa nenu, ishigo khuta mbimbi ya Nzambi, uvua nu mu ndaga jetu, ndaga ya muabile enya ndando gudi esue. ⁹ Ndaga ya mudi muungulugia , an'etu, mudimo wetu nu lamba dietu. Pipa nu tshanga tudi mutshita mudina gudifuelela ndo gudi nga mumoshi mukatshi dienu. Mu kumbi dinyi, tudi gumulongesa mbimbi ya Nzambi. ¹⁰ Mudi mathemva nu Nzambi nji, muho'tshi tuadimuenene egi tudi handuedi, agumagana nu mu luhuloludi lushigo mu gujimbila gudi enue enye gutshigina. ¹¹ Luholo lumoshi luene, muajiya muho'tshi nu enue gifua tala nu an'enji, tuamilongesele nu gumikolesa. ¹² Tuamijiyishile ha guwenda luabonga nu Nzambi, udi gumitamega gu ufumu wenyi nu lutumbu. ¹³ Mukunda nu ndaga eyi, tudi muhana ngasa gudi Nzambi, ndaga ya muahetele gudi esue mbimbi ya Nzambi, muaitshiginyine gifua mbimbi ya muthu, uva, muaitshiginyine gifua muidi muzoga mbimbi ya Nzambi yeyi yene mbimbi idi nji gu mudimo mukatshi dia enue mudi muitshigina. ¹⁴ Ndaga enue mudi, an'etu, muabuile gale alandudi a ikombelelo ya Nzambi idi mu Yudaya mu Klistu Yesu, ndaga ya muahetele malamba ene gudi mafuta enu a diago, malamba ene anyoshi ene enya Yuda adindamena. ¹⁵ Enya Yuda ene ashinyile suhuluishi Yesu nu ngambi ja Nzambi. Yakhalele enya Yuda atukayele, Asuanguluishilego nzambi. Uva, adi mbundudi gudi athu agasue. ¹⁶ Adi gututunyisa ha gulongesa gudi adi ashigo enya Yuda ha gula ahuluishiwe. Nu adi muzalesa gubola holu dia gubola. Khabu jidi n'ayo gualuisa gu gisugishilo. ¹⁷ Tuakhalele agudikhapa nenu, an'etu mukunda nu kumbi diazonda wa mu mitshima ndo. Tuatshiginyine gudimona. ¹⁸ Ndaga ya tuadifuelee guza gudi enue , ame Phaula, mahugo avula uvua Satana wakhalele gutubinda ¹⁹ gudihana guetu gudi gui, nga gusuanguluga, nga gipo gia lutumbu gua gubonga gutuama dia fumu yetu Muhuluishi yesu ha guza guenji? Zohigo enue, nga ako? ²⁰ Ndaga ya, nudi gutumbuga nu guanguluga guetu.