¹ Luenyelu gu idi mutala kumbi nu masugu, anetu,mushigo n'ayo ya gukamba egi nga amufundjila. ² Ndaga ya muajiya enye hakhenu egi lusugu lua fumu mbaluza muphipha gifua nzangi. ³ Gula mbazuela:''guhuima,gubambewa,''gushiwa gua musaguimuisa mbaguza gudi ene. Mbaikhala gifua misongo ya gubuta gua mona gudi mukhetu udi gu vumo. Nga mumoshi mbagalengigo mu miho yagasue. ⁴ Uvi, enue anetu, mushigo enya phipha, ha gula lusugu luene mbalumiyila mugisalu muisa gifua nzangi. ⁵ Ndaga ya mudi agasue anaa mumuanya nu ana a lujsugu uvi tushigo ana a muphipha nga a midima. ⁶ Na ngenyi, tubandjigo gifua mudi mutshita athu ako, uvi lukodienu mutala nu tukhale abonga. ⁷ Mukunda anyi adi mubanda adi mubanda mu phipha nu anyi adi mukuatewa matombe,anakuatewa mu phipha. ⁸ Uvi,makunda tudi ana a mumuanya,tukhadienu abonga: tusudigienu muya wa gutshigina nu wa guzumba,nu giko, gutshiginyisa guhuluga gudi mu msaugu a gutuama. ⁹ Ndaga ya Nzambi gatutumine go mukunda jikhabu uvi ha guzangula guhuluga gua Yesu Klisto. ¹⁰ Udi yago wafuile mukunda nu esue mukunda nu ikhale egi tudi mutala nga tudeimubanda, tui nu monyo mukuta wagasue nu muene. ¹¹ Mukunda nu ngenyi dikoleshienu enue nu enue nu, dibongeshienu enue nu enue gifua gale gu itshita. ¹² Tudi gumilomba ha enue gujiya athu adi mutshita mudimo mu hatshi dienu nu adi hulu dienu mu ufumu nu adi gumilongesa. ¹³ Tudi gumilomba ha enue gukhala nu gumemesa guakoma mukunda nu ene mu guzumba ha ndaga ya midimo yawo. Khadienu nu guhuima mukhatshi dienu. ¹⁴ Tudi gumilongesa anetu wambedienu athu adi ashigo muwenda mu mulongo, ako leshienu adi aleba, mukuatesa adi agu huila nu khadienu nu gudindamana nga gudi enue agasue. ¹⁵ Mutene, muthu gavutulago gubola gudi gubola. Uvi landudienu idi yabonga mukhatshi dienu gudi agasue. S ¹⁶ uangulugienu masugu agasue. ¹⁷ Muhuidigo mu gukombelela . ¹⁸ Henyenu nga gudi ima yagasue. Mukunda,yene idi gutshigina gua Nzambi mu Klisto. ¹⁹ Gujima ndo givule guabonga. G ²⁰ ulelula ndo ngambi jia Nzambi. ²¹ Lodienu ima yagasue uvi disueneshienu gu idi yabonga . ²² Tunyenu yagasue yabola. ²³ Egi Nzambi yaguhuima, ampelegetese diago diago, givule gienu gioagasue, monyo wenu wagasue nu muila wenu wagasue ikhale ya gubambewa muabonga unu mbahavutuga Yesu Klisto. ²⁴ Wamitamegene udi wahana, muene mbautshita. ²⁵ Anetu kombeledienu mukunda nu esue. ²⁶ Huene anetu jimene nu gudisunya ivungu guabanga. ²⁷ Ngamibungisa gudi fumu egi mukanda ou utangewe muabonga. ²⁸ Egi ngasa ya fumu wetu Yesu Klisto n'enu.