¹ Anathu muguzumba, mutshiginago hi vule ya gaswe. uvi tala muabonga ivule hagu hikotelesa gula idi Nzambi ndaga alongeshe, alukuma lua mambo, amuangenene hamavu. ² Ha hene mbamu jiya givule gia Nzambi givule gidi mujiya ehgi Yesu-Klisto wajile mu gimuthu, udi ya Nzambi. ³ Givule gia gaswe gishi mujiya Yesu go gishi gia Nzambi. idi givule gia gia mbalagaji ya Klisto. giene muavile ehgi mbagiza; gidi gale luenielu hamavu. ⁴ Mudi ya Nzambi, anami, muah balegela; ndaga udi mukhashi dienu, udi wabalega gukuma gudi muthu yago udi hamavu. ⁵ Hadi hamavu; ndaga jia gaswe jidi ene muzuela jidi hamavu, nunji mavu adi gu havila. ⁶ Esue tudi ha Nzambi, ya gaswe wajiya Nzambi gashi gutuvando, hene tudi mujiya givule gia matshidia, nu givule giagu jimbila. ⁷ Anethu muguzumba. tudi zubienu esue nu esue, ndaga guzumba gudi nu Nzambi; muthu ya gaswe watshigina, udi ya gu butshiwa gudi Nzambi. hene udi mujiya Nzambi. ⁸ Muthu gashigo nuguzumba gashi mujiya Nzambi ndaga Nzambi udi guzumba. ⁹ Mukunda nu ngeni, guzumba gwa Nzambi gudi munegesewa mukhashi dienu; ndaga Nzambi udi guzumba hene Nzambi watumine munenji mungoshi hamavu hagula esue tu hete monio; mukunda nu muene. ¹⁰ Ha hene guzumba ishigo hegi tua tshiginile, uvi watu zumbile; hene ga tumine munenji a gutufila gifua mulambu mukunda nu kubola. ¹¹ Anethu muguzumba, gula Nzambi watuzumbile; nu esue tudi zubienu, mungoshi nu mungishi. ¹² gushimuthu wa monene Nzambi. gula tuadi zumba esue nu esue, Nzambi mbomu khala nu eswe, nu guzumba guenji mbagukhala gua diago gudi eswe. ¹³ Nu yene, tudi mujiya ehgi mbatukhala nu muene, nu esue. ndaga wa tuhuile givule gienji giabonga. ¹⁴ Nunji, tua monene ehe tua gitshiginine, ehgi Tata watumine munenji ha muene a thuhuluise henya ha mavu. ¹⁵ ya gaswe udi mujiya, egi Yesu udi muna Nzambi. Nzambi udi mukhala nenji, muene luanguadi nu Nzambi. ¹⁶ Hene, tuavile nu tua tshiginine muguzumba, gudi nago Nzambi; Nzambi wa tuzumba; yagasue udi musala muguzumba, udi nu Nzamba. nunji Nzambi udi nenji. ¹⁷ Mukunda nungeni, guzumba gua dijigiwe diago mukhashi diethu; ha hene tuhete mulusungu lua gisopheselo, ndaga muho gadi muene tudi esue hamavu. ¹⁸ Gushigo woma mu guzumba ha hene guzumba gua diago guana khatula woma, ndaga wohma wana khatula gufua.yagasue humuva woma gashigo wa diago nu guzumba. ¹⁹ Tudi muzumba ndaga ya Nzambi watu zumbile yagudiangela. ²⁰ gula muthu muzuela: << gazumba Nzambi >> uvi gashi mutshigina pangienji go udi muenya mambo. ndaga yohu gashi mutshigina pangienji wohu mumona, galungilego guzumba Nzambi wohu khenji gamona go. ²¹ Luenielu tala mukwala hihi idi muza, gudi muene yagasue udi muzumba Nzambi, udi neguzumba pangienji diago