¹ Yagasue watshigina egi Yesu udi Klisto nu wabutshiwe gudi Nzambi. nu yagasue wazumba Tata watshigina nji nu mona wabutshiwa gudi muene. ² Mukunda nu ngenyi tuajiya egi tuatshigina ana a Nzambi gula tuatshigina Nzambi nu gula tualandula mikhwala. ³ Ndaga tala guzumba mukunda na Nzambi: gulandula mikhwala nu mikhwala ishigo ya bola. ⁴ Ndaga ya muthu ya gasue wabutshiwe mu Nzambi wabalega yagasue ya ha mavu. nu tadienu gubinga mavu gutshigina guetu. ⁵ nanyi wabalegele mavu jingolo? udi mutshigina egi Yesu udi muna Nzambi. ⁶ Tadienu wajile wajile nu meya nu mahatshi: Yesu Klisto. gajilego khuta nu meya, uvua nu meya nu mahatshi. ⁷ Ndaga ya adi mutatu adi muzuela gubonga gua muthu. ⁸ Nguma wabonga, meya nu mahatshi: yei itatu idi ya gudivua. ⁹ Gula tuazangula guzuela guabonga gua athu, guzuela guabonga gua Nzambi guabalega. ndaga ya guzuela guabonga gua Nzambi guene guadijile gudi munenji. ¹⁰ Yagasue watshigina gudi muna Nzambi udi nu gusuela guabonga gudi muene. yagasue udi gashigo mutshigina Nzambi wadimbila mambo, ndaga ya gatshiginyigo gu diamatshidia egi Nzambi watumine munenji. ¹¹ Na tadienu dienu giamatshidia: Nzambi wahanene monio wa mailago,nu monio wene udi gudi munenji. udi nu mona udi nu monio. ¹² Udi gashigo nu muna Nzambi gashigo nu monio. ¹³ Ngamifundjila ndaga eji ha gula muyiye egi mudi nu monio wa mailago, gudi enue mudi mutshigina jina dia muna Nzambi. ¹⁴ Nu nji, tadienu gudifuelela tudi nago gutuama dienji, idi gula tuamulombu nga itshi gifua gutshigina guenji, udi gutuvuila. ¹⁵ Na gula tuajiya egi udi mutuvuila, nga itshi tuamilomba, tuajiya egi tudi nu ya gasue tuamulomba. ¹⁶ Gula wamona mukuenu mutshita gubola gudi gushigo gumutuala gu gufua, udi n"ago gumulombela, nu Nzambi mbau muhua monyo. ngudi gumimuegesa gudi ene adi ndaga ya gufua ishigo gudimenegesa gudi ene gudi gubola gudi mumuenesa gu gufua: ngushigo muzuela egi mudi n"ayo gulomba mukunda nu yene. ¹⁷ Yagasue idi ishigo yabonga { nga ha nduedi} idi gubola, uvua gudi gubola guajiyilego guhana gufua. ¹⁸ Tuajiya muthu yagasue udi nu Nzambi gajuyilego gutshita gubola. uvua udi mu Nzambi udi mudimona yaguhuluishiwa nu satana gajiyilego gumutshita gubola. ¹⁹ Tuajiya egi tudi a Nzambi nu mavu agasue adi holu dia satana. ²⁰ Uvua tuajiya egi muna Nzambi yajile nu watuwa jindunge jia ngujia Nzambi ya diago. hamoshi tudi nu Nzambi yago ya giamatshidia. mujina dia Yesu-Klisto. muene udi Nzambi ya diago nu monio wa mailago. ²¹ Anami, tadienu mudihanigo gu ikhokho.