¹ Tala gu zumba guatu huile Tata. hagila tu tamegewe ana a Nzambi hene tua tamegewa, mukunda nu guzumba a hamavu ashi gutujiyago, ndaga ajiyilelo Tata. ² Ha netu a guzumba, tudi lunuelu ana a Nzambi ya diago mbatu ya gu j"jiwa. tudi mujiya mba aza Klisto mbatu khala gifua muene, mba tudigumunona. phila ga zuelele. ³ Ya gasue watshigina mu njila mbotiga gifua muene hangoshi udi ulape. ⁴ Yohu udi mu kuatagana mugu bola udi mu wenda hanze, ha mikwala. ndaga masumu adi gukola gwa muto mumi kuala. ⁵ Mudi mujiya ehgi Klisto wajile mukunda nugu totesa gubola gwetu, nu Nzambi masumu [gubola] hashigo. ⁶ Yohu ya gasue wa mu tshigina gatshigo mubua mugubola. ya gasue udi mukwatagana mugu bola, mba gashi gumu mona ndo. nga gumugila. ⁷ Anami, mudibembi go mugubola, yohu udi muwenda nugu panga mikwala udi mwabonga. ndaga Klisto muene ha kheji udi hu laphee. ⁸ Yohu udi muwenda mugubola udi muna satana, ndaga satana wa tshitshile gubola wa tunine gu hata njila ya bonga, gu gisendeselo gia mavu, hene muna Nzambi gatumine mukunda nugu bolesa midimo ya satana. ⁹ Ya gasue wa butshiwa nu Nzambi, gashigo nu gubola, ndaga mbuto ya Nzambi idi nenji, galungilego gusala, mugubola, ndaga wa butshiwa nu Nzambi. ¹⁰ Ha yene, ana a Nzambi, nu hana a satana ana jiyiwa; yohu ya gasue gashigo nu wenda nugu lenga, gashigo ya Nzambi. yohu gashigo mutshigina gutshita ya zuela Nzambi, udi yohu gashi nu gusumba gua panjieji. ¹¹ Lunuelu tala mbimbi muavile mbala ya gudiangela: gudi hene tudi zumbienu hesue, nu hesue. ¹² Hi khadigo gifua Caina muna satana, wa shiyile pangienji. mukunda midimo yenji ya khalele ya bola, ya pangianji ya bonga. ¹³ Gushimanago anetu, gula hamavu a gutuna. ¹⁵ Tudi mujiga ehgi tua balegele gufua gu monio, ndaga tudi mushigina anetu, yohu gashigo gudi guzumba, umu sala ya gufua. ¹⁴ Ya gasue gashi mutshigina pangienji, udi mushiyi. hene mujiye ehgi monio wa mayilago wana khalago mu mushiyi. ¹⁶ Tuajila, gufua ndaga Klisto, wafile mukunda nu hesue; esuenji tu hane monio wetu mikunda nu pangientu. ¹⁷ Ya gasue udi nu hihago ya hamavu udi mumona pangienji,mulemba, gumu kangela mutshima. wa guhuima, gikuatshi guzumba gua Nzambi, gudi mukhashi dienji? ¹⁸ Hanami, tu zumbi go mugu zuela, ngagu ludimi, uvi mugutshitha mugu mona. ¹⁹ Henembatujiyiwa ehgi tudi mugu bonga. gua guamatshidia diago, hene mbatu khale yagu tagana gudi muene ya diago. esue mba tudihana ya diago gudi muene nu mutshima. mashiguma djienji. ²⁰ Gula mutshima wetu udi gu tubela, Nzambi udi wakoma gubalengela mutshima wetu, yohu mujiya ima ya gasuee. ²¹ Hanetu aguzumba, gula mutshima wetu ishigo gutu bela. tudi nugu ngolo mugutshigina nu Nzambi. ²² Ya gasue tudi mulomba, tudi gu, iheta gudi muene, ndaga tudi muhata mikwala, nu nji, tudi mitshima ima idi ya gutagana gu tuama dienji... ²³ Hene hihi idi mikhwala yenji, hene tudi mugu thuimbuisa mujina dia munenji Yesu Klisto, ha ehe tudi zumbienu esue nu esue, gifua gana gututshigina. ²⁴ Ya gasue udi mulomba mikwala ya Nzambi, udi nu Nzambi, Nzambi udi neunji. ha yene tudi mijijiya; udi netu, nu nuima ya bonga wa tuhuile.