¹ Ana, ngudi gumifundila ndaga jeji mukunda nu mutshitshigo gubola. uvi gula muthu watshita gubola tudi nu musueledi udi hehi nu Tata,Yesu-Klisto muenya giamatshidia. ² Wadihanene gifua mulambu wa gubola guetu; ishigo mukunda nu esue hakhetu , uvi mukunda nu agasue a mavu. ³ ngenye, tuajiya ehgi, tudi gumijiya, gula tudi mumbamba mikuala yenji. ⁴ Yago udi muzuela ehgi [ngajiya Nzambi], uvi gashigo mumbamba mikuala yenji; udi muenya mambo, giamatshidia gishigo gudi muene. ⁵ Uvi muthu ya gasue udi mubamba mbimbi yenji, mu giamatshidia, idi gudi muthu muene anu, guzumba gua Nzambi guadijigiwe diago. mu ngenye, tuajiya ehgi tudi ehnji. ⁶ Yago udi muzuela ehgi [ngajiya Nzambi] udi nayo guwenda gifua muawendele Yesu muene hakhenji. ⁷ Anetu ha guzumba ngushigo gumifundjila gifua mukwala uheuhe; uvi mukwala umoshi wamualeha wamihuwe gugisendeselo. mukwala wamualeha udi mbimbi yimuavile. ⁸ Mahugo agasuenganafundjila mukwala umushi uheuhe, udi ya diago mu klisto nu gua enue, ndaga ya phipha idi mutota, muanya wadiago udi gale gudimuenegesa. ⁹ You udi muzuela ehgi udi muenya muanya gashigo muzumba panjenji udi muenya phipha unu luenyelu. ¹⁰ Yougo udi muzumba panjenji udi muenya nu gushigo gukhakhushulo gimishi giajiya gumubuisa. ¹¹ Uvi yonu udi musanginynga panjenji udi muenya phipha wanawenda nu phipha, gashigo mujiya gui gadi muya, phipha ya buisa ifofo. ¹² Ngudi gumifundjila anami mukunda nu gubola guenu guatotesewe mukunda nu jina dienji. ¹³ Ngudi gumifundila enue a tata ndaga muajiya yago wakhalele ha gisendeselo. ngudi gumifundjila enue mavuala mukunda nu mudi nu jingolo ndaga ya muabagele muenya gikhebe jingolo. ndaga ya mbimbi ya Nzambi idi mukatshi dienu. ¹⁴ nga mifundjila enue a tata ndaga mwajile jiyile yago wakhalele gu gisendeselo. nga mifundjile enue mavuala ndaga ya mudi jingolo, nu mbimbi idi mu mitshima yenu, nu muabalegele mwenya gukembe jingolo. ¹⁵ Gutshigina ndo ndaga jia hamavu gula muthu wazumba ndaga jia hamavu, guzumba gua tata gushigo gua muene. ¹⁶ Ndaga ya hamavu,[ngina ya muila wa uthu, ngina ya meso nu gudihala yanaza go gua Tata uvi janaza gu ndaga jia hamavu. ¹⁷ Mavu nu ndaga jenji mbajibalega. uvi ngananyi udi mutshita gutshigina gua Nzambi mbaukhala ivo nu ivo. ¹⁸ Anami azonda idi masugu agisugishilo yagasue imwavile agi mbalagaji ya Klisto youvu muza, mbalagaji jiavula jia klisto jiamuenenga gale. Mukunda nu ngenje, tuajiya ehgi idi makumbi agisugishilo. ¹⁹ Azogele gale mukatshi dietu, uvi akholelego a mukotshi dietu. uvi hazogele ene idi mudijiga egi akhalelego a mukatshi dietu. ²⁰ Uvi enue mudi nu ujiyi wayago udi gashigo nu gubola nu enue agasue muajiya giamatshidia. ²¹ Ngamifundjilego mukunda mushigo mujiya giamatshidia uvi muojiya giamatshidia nu gushigo mambo mu giamatshidia ²² Nanyi udi muenya mambo, idi khuta yago udi mutuna ehgi Yesu muene Klisto? muthu muene udi muenya umbalagoyi wa Klisto mukunda nu udi mutuna tata nu mona. ²³ Gushigo muthu udi mutuna mona . gashigo nu tata. muthu yagasue wajiya mona udi nji nu tata. ²⁴ Mukanda nu enue itshi yamiwambelewe gu gisendeselo isale mukatshi dienu. gula imuavile gu gesendeselo idi mukatshi dienu, mudi mukhala nu mona nu tata. ²⁵ Tadienu gutendelela guatutendelele muenu: monyo wamayilago. ²⁶ Ngamifundjile ndaga jieji mukunda athu adi mutshigina gumuwungisa ²⁷ Mukunda nu enue iyiyi umuazanguile idi imusala mukatshi dienu mukambigo nga muthu ha gu milongesa. uvi gula ujiyi wenyi wanamilongesa ndaga jiagasue jia giamatshidia, ishigo ndaga ya mambo, gifua muamilongele khadienu n"enji. ²⁸ Luenyelu, anami khadienu mu khatshi dienji, mukunda lusungu mbaluza muene mbatukhala nu gubonga guenji, mbatukwatesewago musonyi gutuama dienji mbahaza muene. ²⁹ Gula muajiya ehgi udi muenya giamatshidia, jiye nu ehgi muthu yagasue udi nu giamatshidia wabutshiwe gudi muene.