¹ Ngushigo nu udikhaledi? Ngushigo mupostolo? Ngamuenenego Yesu Fumu yetu? Mushigo mabundu ami mu mudimo wa Fumu? ² Gula ngushigo mupostolo gudi ako, uvi gudi enue, ngudi muene. Ndaga ya mudi gijiyilo gia magipostolo giami mu Ufumu. ³ Luolu ludi luholo luami lua gudidijiga gudi ago mungusopesa. ⁴ Tushigo nu uhinyinyi ha gudia nu ha gunua? ⁵ Tushigo nu uhinyinyi ha guzula mukhetu yago udi muenya gutshigina, gifua idi mutshita apostolo ako, nu anetu a mala mu ufumu nu Sefas? ⁶ Inyi khuta Barnabas nu ame tuajiya gutshita mudimo? ⁷ Nanyi wanatshita mudimo wa gisuta mu makuta enji hakhenji? Nanyi wajiya gukuna mutshi wa vinyi nu wanatuna gudia mabundu enji? Nga nanyi wanabamba hungu dia shitu uvi gashigo munua mele ajio? ⁸ Gifua ngudi muzuela ima yeyi ndaga ya ngudi nu ufumu mu uthu? Ishigo ngenyi yatagana nga muene mu mukhuala? ⁹ Ndaga idi yagusonega mu mukhuala wa Mose : << Gutshiga ndo kano gua ngombe yago idi nu mudimo wa gudima >> Idi diago ngombe yago Nzambi adi muzuela? ¹⁰ Gashigo muzuela diago mukunda nu ndaga yetu? Idi ya gufunda mukunda nu esue, ndaga yaga yago udi mudima, udi nayo gudima nu gudihana mu giamatshidia, yago udi mubatula, udi nayo gu itshita nu gutshigina guagasue ha gukhaphewa gua yago ijamunyiwa. ¹¹ Gula tuakuna jimbuto jia GQivule gibonga mukatshi dietu, idi yagubalegela mukunda nu esue gumihula nga gumilomba jimbuto jia ima? ¹² Gula ako adi mutshita nu uhinyinyi wowu holu dienu, esue nji tushigo nawo mu muho wene? Nu habiyo (hazonda) ndo, tulombele gale uhinyinyi wene? Uvi, tuanandamana gu ndaga nga gu ima ya gasue ha gula tukhadigo gifua ibinji (ikhakhushilo) gu ndaga yabonga ya Kilisto. ¹³ Mushigo mujiya egi ago matshita mu nzo ya Nzambi, adi nayo guheta dipha diawo mu inzo ya Nzambi, nu ago adi mutshita gu fundo (bugu) dia guwetshiela gia mulambu? ¹⁴ Luholo lumoshi (nga tshima) Fumu wambile mukhuala ngenyi, ha gula egi, ago adi muzuela ndaga ya lukuma luabonga anazangula dipha diawo khuta gu mudimo wa lukuma luabonga. ¹⁵ Uvi ame, khenji ngalombele gale nga gima gifua mudi mukhuala wene. Ngajiya gudifuelela ngufue mukunda na muthu gashigo mudihala mukunda nu ngenyi. ¹⁶ Ndaga ya gula ngudi muzuela lukuma luabonga, ngushigo nga gibingua nga gimoshi ha gula ngajiya gudihala mukunda ndaga ya nganaguyitshita. Nu ngudi nu gikenene gula ngazuelelego lukuma luabonga! ¹⁷ Ndaga ya gula ngudi muyitshita mu gusthigina guami, ngudi mudifuelela guheta gishimbigo. Uvigula ngushigo muyitshita nu gutshigina mbangukhala nu gikenene mukunda nu ginemo giago gianguhuwe. ¹⁸ Itshi idi lufuto luami luenyelu? Ngenyi gula ngudi mulongesa lukuma luabonga, ngajiya, ngajiya gutshita, ndo mukunda nu gukaphumuna, nu ndo ha guheta yagasue gifua mudi muzuela mikhuala yene yagasue mu lukuma luabonga. ¹⁹ Mu ndaga yei, ngudi nu udikhaledi mu yagasue, ngabua mutshitshi wa midimo yagasue, ngenyi ngajiya guheta (guzangula) yabalega guvula. ²⁰ Mukunda nu enya Yuda, ngudi muza gifua muyuda, ha gula na ngajiya guheta (guzangula)enya Yuda. Mukunda nu ago adi gosho mikhuala, ngudi ni mukhala gifua yago udi goshia mukhuala ha gula (ndo shagifua ame muene hakhami ngudi goshia mukhuala) ha gula ngajiya guheta (guzula) ago adi goshia mukhuala. ²¹ Mukunda nu ago adi gonze (honze) dia mukhuala, nganabua gifua ene (ndo gifua ndaga ya ngudi ame muene gonze (hanze) dia mukhuala wa Nzambi, uvi goshia mukhuala wa Kilisto), ngenyi ngajiya guheta (guzula) agasue ago adi gashigo mulandula mukhuala. ²² Mukunda nu ago adi aleba gu mitshima (matangi), ngudi mubua nji waleba mutshima (matangi) ha gula ngajiya gu aheta. Ngabuile mu yagasue mukunda nu iphuta yagasue, na ngenyi sha,ngahuluishile ako mu maluholo agasue. ²³ Nu ngatshitshile yagasue mukunda nu hagula lukuma luabonga lukhadigo mubalumuwa. Ngenyi ngajiya gusuanguluga mu guzela muila guenji. ²⁴ Mushigo mujiya egi ha guya (gulenga) phushi, muthu, alengi agasue analenga, uvi khuta mumoshi (mongoshi) wana heta gishimbigo. Zangula jiphushi diago ha guheta gishimbigo. ²⁵ Mukenyi wanadilongesa ha muene gujiya diago gukena mu maluholo agasue agu kena. Wana diphaphetesan ha gipho gia lutumbu giego giaphala genji gifua mubalegi, uvi esue tuanalenga hagula tuajiya guheta gipho gia lutumbu gia monyo wa mayilago (wa giamatshidia) giana bolago. ²⁶ Henyaha (luenyelu),ngajiyilego guzula phupshi jishigo nu gishina, mukunda nu guwasa muhehe. ²⁷ Uvi ngajidisa muila wami ha guwuhaga mu uhiga, ngenyi diago nganadijiga gudi ako egi ame muene hakhami ngushigo muthu ya gituhu.