¹ Ngudi muzumba egi muajiya gujiya, anetu, egi, ashetu akhalele agasue goshia matuta nu agasue abalegele meya akoma (ajima) ² Agasue abatijiwe gudi Mose mu matuta nu mun meya, ³ Nu agasue adile mapha a monyo ⁴ Nu anuile mu ginuilo gia meya a monyo a mu seso yene yago, yakhalele gu ahata, nu seso yene yakhalele Kilisto. ⁵ Uvi Nzambi gakhalelego nu gusuanguluga mukunda avula mukatshi diawo nu mvumbi jiawo jiamuanganewe mu gibonda. ⁶ Luenyelu ndaga jiene jiagasue jidi gifua gituamezelo mukunda esue, ha gula tukhadigo nu matangi abola gifua muakhalele ene nawo. ⁷ Mukhadigo akombeledi a ikhokho, gifua muaakhalele ako mukatshi diawo akhalele. Gifua idi ya gusonegewa :<< Athu akhalele hashi mukunda nu gudia nu gunua, nu azudile ha gukena.>> ⁸ Nu tutshitshigo uthambi, muho ako atsitshile. Mu lusugu lumoshi, midi makumi ayadi nu mutatu afuile mukunda nu ngenyi. ⁹ Tuajiyilego guhaga Kilisto mu gulolewa, gifua muatshitshile ako avula ago afuile mu gumiwa gudi jinyoga. ¹⁰ Nu nji tukhadigo nu izuelezuele gifue muatshile avula mukatshi diawo nu ashiyiwe gudi muanjelo ya gufua. ¹¹ Ndaga eji jiakuatele ha gukhala gudi esue gifua gijiyilo nu jiasonegewa mukunda nu gutulongesa ha ndaga yago mbauza mu lusugu lua gisugishilo. ¹² Henyaha yago udi mutangiza egi udi giamatshidia (yadiago) ateme ha gula gajiyilego gubua. ¹³ Nga gulolewa gumoshi gua uthu guajiyilego gumijila, uvi Nzambi udi ya giamatshidia (yadiago), gajiyilego gumibemba ha enue mukhale agulolewa, gubakegela ngolo jienu, uvi ha gulolewa, mba umizuluila njila ha gula enue mukhale atagana gusala (gukhala) akola. ¹⁴ Henhaha anetu a guzumba, lengi'enu (tunyenu) isongo (ikhkho). ¹⁵ Ngudi gumiwambela gifua gudi athu ago nu matangi, ngenyi mujiya gutangiza yago ingudi muzuela. ¹⁶ Tshopo gia guzela muila giago gitudi muhua guzela muila, giene gishigo mukhaphewa mu mahatshi a Kilisto? Dipha diago tudi mubatula (mukapha) diene dishigo mukaphewa gifua muila wa Kilisto? ¹⁷ Ndaga ya gudi khuta dipha dimoshi (dingoshi) nu tudi muila umoshi (ungoshi) nu tudi mubungisa dipha dimoshi. ¹⁸ Tadienu giphuta gia enya Isalele : ishigo ene anyi ago adile mulambu wago wahanewe ha giwetshielo? ¹⁹ Itshi ngatshigina guzuela? Egi gisongo gidi gima gia gituhu? Nga ndo ima ya gudia yago yahanewa gudi gisongo gidi gia gituhu? ²⁰ Uvi ngudi muzuela egi, yago miphanyi (adi ashigo enya gutshigina) ana hana gifua mulambu, anahana gudi madiabulu, uvi ndo gudi Nzambi. Mbanguzumbigo egi enue mudibungise gudi madiabulu! ²¹ Muajiyilego gunua mu tshopho giago gianahanewa gudi Diabulu. ²² Inyi tudi mukamba ha gushingiga giphi gia Nzamb? Tudi nji enya ngolo mukunda nu ngenyi? ²³ << Yagasue idi yagutshiginyiwa, >> uvi yagasue ishigo nu ndando << Yagasue idi yagutshiginyishiwa; >> uvi ishigo yagasue idi mukhuatesa. ²⁴ Ngenyi, mumoshi (mungoshi) gukamba ndo yago idi holu dia gishimbigo gienji hakhenji. Uvi mumoshi nu mumoshi akambe yago idi gishimbigo gia dia muko. ²⁵ Muajiya gudia yagasue yago idi mudiwa gu tshano, nga gudihula gumoshi ndo. ²⁶ Ndaga ya mavu nu ima yagasue idi ya Nzambi; nu yago yagasue idi mukatshi dienji, idi yangane ya Nzambi. ²⁷ Gula muphanyi (yago udi gashigo muenya gutshigina) wagutamega ha guya mudia nu gula watshigi diagaye yagasue yago idi muene mugudia, nga gudihula gumoshi gukhadigo. ²⁸ Uvi gula muko waguwambela egi : << gima egi gudia, giahanewe gifua mulambu>>, ugidigo ndo, mukunda nu yago yaguwambela, nu mukunda matangi a moshia mutshima. ²⁹ Ngushigo muzuela mukunda a mosha mutshima waye hakhaye, uvi matangi a moshia mutshima wa phangi'aye ya yola, ndaga ya mukunda nu itshi udikhaledi wami wajiya gulumbuluishiwa gudi matangi a moshia mutshima wa muko? ³⁰ Gula ngudi mudia mu ngasa ya Nzambi mukunda nu itshi ngajiya gumbiwa matangi mukunda na yago ingahanyi mukunda nu ngasa? ³¹ Henyaha hago udi mudia nga munua, nga itshi udi mutshita, tshita mukunda nu lutumbiu lua Nzambi. ³² Gusegesa ndo enya Yuda, nga enya EGeliga, nga Ekelejiya ya Nzambi. ³³ Gukhala watagana, gifua munganalola gusuanguluisa agasue mu yagasue, nganakamba go, yago idi holu dia gishimbigo giami, uvi mukunda nu yago idi mukunda nu avula, ha gula ajiya guhkhala aguhuluishiwa.