¹ Khadienu atetshi ami a diago, gifua ngudi Gijiyilo gia Kilisto. ² Luenyelu ngudi gumihua lumene ha guwunguluga guago muatangiza mukunda nu ame mu ndaga jiagasue mu hago mudi mubamba gishina gia gutuna gudia mu luholo luango lungamilongesele. ³ Ngudi muzumba egi mu ijiye luenyelu egi Kilisto udi Fumu ya muthu yagasue nu muthu udi Fumu ya mukhetu nu Nzambi udi Fumu ya Kilisto. ⁴ Muthu yagasue udi mukombelela nga udi muzuela ndaga jidi muza gu matuamena, yago udi mutshuigo muto wenji, udi mushisa Fumu wenji. ⁵ Uvi, mukhetu, yagasue udi mukombelela nga udi muzuela ndaga jia gumatuama udi gashigo mutshuiga muto wenji, udi mushingisa Fumi'enji. Idi nji luholo luene lumoshi (lungoshi) gula wabatula (bunga) sanga dienji. ⁶ Ndaga ya gula mukhetu gajiyilego gutshuiga muto wenji, udi nayo gukatula sanga dienji. Gula idi musonyi gua mukhetu gukatula (gubunga) sanga dienji wajiya genji guditshuiga mu muto. ⁷ Ndaga ya yala gajiyilego gutshuiga muto wenji, ndaga ya udi gifuanesa nu lutumbu lua Nzambi, uvi mukhetu udi lutumbu lua mulumi'enji. ⁸ Ndaga yala gazogelego gudi mukhetu, uvi mukhetu wazogele gudi yala. ⁹ Nu hazonda ndo, yala wafugiwe mukunda nu mukhetu, uvi mukhetu wafugiwe mukunda nu yala. ¹⁰ Ngenyi mukhetu udi nayo gukhala nu gijiyilo gia lutumbu holu dia muto mukunda nu anjelo. ¹¹ Henyaha mukunda nu Fumu, mukhetu gashigo nu udikhaledi gudi mulumi'enji nga yala nu udikhaledi gudi mukaji'enji. ¹² Gifua mukhetu wajile gudi yala, ngenyi wakhala mukunda nu mukhetu. Nu ima yagasue yajile gudi Nzambi. ¹³ Dilumbuluishenu enue hakhenu, idi yabonga ha mukhetu gukombelela muene gutshuiga ndo muto wenji? ¹⁴ Ima yago yafugiwe gudi Nzambi yajiyilego gumilongesa egi gula yala udi nu sanga dialeha, idi musonyi mukunda nu muene. ¹⁵ Uvi gula mukhetu udi nu sanga dialeha, idi lutumbu mukunda nu muene? Ndaga ya sanga dienji dia muhuwe gifua gitshigilo gia muto wenji. ¹⁶ Uvi gula muthu muko watshigina guhana gubinga ha ndaga ei, tushigo nga luholo luko lua gutshita nga Ekelejiya ya Nzambi. ¹⁷ Mu mikhuala yei, ngushigo gumimenega mukunda nu hago mudi muza mu thundu ya agasue, ishigoi mukunda nu gubonga uvi mukunda nu gubalegela gubola. ¹⁸ Ndaga ya hugo diagudiangela, ngavile egi, gula mudi gudibungisa mu Ekelejiya, gudi gudikhaphumuna mukatshi dienu, nu moshi moshi, ngushi mutshigina ndaga yene. ¹⁹ Idi yabonga ha enue guadikhaphumuna ha gujiya akhatshi adi nu matangi abonga mbajiwa mukatshi dienu. ²⁰ Ngenyi, hago mudi gudibungisa supu yago muanadia, ishigo supu ya Nzambi ndo, imuanadia. ²¹ Ha mudi mudia, mumoshi nu mumoshi wanadia supu yago yenji ha khenji gutuama dia ako guza mudia, mumoshi nu mumoshi udi nu nzala, muko udi mukuatewa matombe. ²² Mushigo nu inzo mukunda nu gudia nu gunua? Mudi musanginyisa Ekelejiya ya Nzambi nu gusegulusa ago adi gashigo nu gima? Itshi ame ngajiya gumiwambela? Ngajiya gumihua lumene, ngushigo gumimenega mukunda nu ngenyi. ²³ Ndaga ngazanguile gua Nzambi yago ingudi gumihua (gumituma), Fumu mu phipha yago yadigiwe muene, wazanuile dipha. ²⁴ Nu gu ngima dia gujiya ngasa ya Nzambi, wabibatshuile nu guzuela egi : << wowu udi muila wami wago udi mukunda nu enue, tshitshienu ngenyi ha gunguwuluga.>> ²⁵ Mushindo (muho) (luholo) wene umoshi, wazanguile tshopho mu guzuela egi: << Tshopho giegi gidi gudivua guhe-guhe mukunda nu enue nu ame mu mahatshi ami.>> Tshitshienu ngenyi masugu agasue ha mudi ginua ha gunguwunguluga. ²⁶ Mahugo agasue ha mudia dipha diedi, nu gunua tshopho giegi, mudi mulondolola (muzuela) gufua gua Fumu, unu ha guvutuga guenji. ²⁷ Nu ngenyi, dienu nu nuenu tshopho mu luholo lumoshi (lungoshi) lushigo luabonga, mbaikhala muabola mukunda nu muila nu mahatshi a Fumu. ²⁸ Ngenyi mumoshi nu moshi aditola gutuama dia guzangula muila nu mahatshi a Fumu (mesa a Fumu). ²⁹ Ndaga ya yago udi muzangula mu luholo luago lushigo ha nduedi (luabonga) muila nu mahatshi a Fumu, udi mudikambela gulumbuluishiwa ha muila wenji. ³⁰ Hene ngenyi avula mukatshi dienu adi agundala nu adi mumona malamba nu ako nji afuile gale. ³¹ Uvi gula tuaditala esue muene hakhetu, mbatulumbuluishiwago. ³² Uvi gula tudi a gulumbuluishiwa gudi Fumu, tudi nu gitalala (tedie) na ngenyi na mbatukuatewa go milonga nu ndaga jia ha mavu. ³³ Henyaha anetu gula mudi gudibungisa mukunda nu gudia musa wa Fumu, mudi nayo gudinenga athu nu athu ako. ³⁴ Yago udi nu inzala, wajiya guya mudia gu mbo dienji, ha gula muajiya gudibungisa ishigo mukunda nu gulumbuluishiwa. Mukunda nu ndaga jiko jimuangusonegele mbangujilonda hago mbanguheta.