¹ Gula mungoshi (mumoshi) mu katshi dienu adinyonga nu muko, wajiya guya gu Gilumbuluishilo gia muphaganyi nga muthu udi gashigo muenya gutshigina, ha gula wajiya guya gudi yago udi musantu? ² Muajiyilego egi asantu mbalumbuiluisa mavu agasue? Nu gula mujiya gulumbuluisa mavu, mushigo a gutagana ha gulonda ndaga jiakomaa jiagudiyila? ³ Mushigo mujiya egi mbatulumbuluisa anjelo? Gibingua tshi giabalega gukoma gimbatukhala nagio, ha gulumbuluisa a luholo nu luholo adi nu monyo wou? ⁴ Gula muajiya gulumbuluisa ago adi nu monyo wa luenyelu gu lusugu nu gulusugu, mukunda nu itshi mudi gudizangula gifua ago ashigo nu ndando gu tuama dia ago gashigo nga nu gaginemua gamoshi mu ikelejiya? ⁵ Ngudi muzuela egi idi musonyi wenu. Gushigo mukatshi dienu nga mungoshi (mumoshi) ya gutema wajiya gulonda jindaga mukadia anetu a mala nu a akhetu? ⁶ Uvi munetu ya yala mumoshi wambwa gilumbu mukunda nu munetu ya yala muko muenya gutshigina gua Nzuyi yago idi gashigo muenya gutshigina. ⁷ Ndaga ya diago idi egi gukhadigoi gudinana (gudinyonga) mukatshi dia enya gutshigina, idi gale ndaga yabola mukunda nu enue, mukunda nu itshi muenya ndaga gajiyilego guhuwa dilamba? Mukunda nu itshi mudi gudiwobolola? ⁸ Uvi mutshitshi wa ndaga jiabola gudi phangi'aye ya diago ya yala nu ya mukhetu! ⁹ Mudi mujiya muthu udi gashigo ya giamatshidia, mbaganginyigo mu ufumu wa Nzambi? Mutshiginago mambo, guwenda gua bola, gukombelela gua isongo, uthambi, gudibandesewa gua akhetu ene ene, ago adi mudibandesa mala nu mala, ¹⁰ gukuya, guheya, gukuatewa gua matombe, gunyamigisa nu umbundudi, athu awa agasue , nga mumoshigo mu ufumu wa Nzambi ¹¹ Nu idi ngenyi gua ako a mukatshi dienu. Enue muawovewe nu mudi asantu. Enue mubungishiwe nu Nzambi mu jina dia Fumietu Yesu-Kilisto nu mu givule gia Nzambi. ¹² << Yagasue yanguhuwe uhinyinyi, >> uvi yagasue ishigo yatagana. << Yagasue yanguhuwe uhinyinyi, >> Uvi yagasue mbaingubuishigo nga mu uhiga wa gimoshi. ¹³ << Ima ya gudia idi mukunda nu lushi, nu lushi mukunda nu ima ya gudia,>> uvi Nzambi mbagahushiya yagasue iyadi (iyaditshima). Uvi muila ushigo mukunda nu uthambi, uvi mukunda nu Fumu nu muenya mudimo (mutshitshi wa mudimo) mbaudiangela gu ijiya mukunda nu muila. ¹⁴ Uvi Nzambi mbauzugisa Fumu nu esue mu ngolo (unduyi wenji) jienji. ¹⁵ Mushigo mujiya go egi muila wenu (mila yenu) idi izeza (itshinyi) ya muila wa Kilisto? Ngajiya guzangula muila wa Kilisto ha guwungisa nu mukhetu ya thambi? Yene inyi (ngenyi) ishigo naye gukhala ngenyi. ¹⁶ Mushigo mujiya egi yago wabungisa muila wenji (yago wadibungisa) nu mukhetu ya thambi, wadibuisa (wadijisa) muila umoshi (ungoshi) nu muene? Gifua mu yasonegewe (yakundjiwe): << mba abua muila ungoshi (umoshi)>>. ¹⁷ Uvi yago wadibungisa nu Fumu waza mutshima umoshi (ungoshi) nu muene. ¹⁸ Lengienu (tunyenu) gubola gua uthambi! gubola guagasue guatshita muthu guanasala gonze (honze) ya muila wenji, uvi gubola gua uthambi nga (uthambi) guajiyilego (guajiilego) gudivisa nu muila wenji diago. ¹⁹ Mushigo mujiya go egi muila wenu udi inzo ya Givule giabonga, yago wakhala mukatshi dienu, yago imuazanguile gua Nzambi? nu enue mushigo mukunda nu enue? ²⁰ Ndaga ya muasumbiwe mu ndando (mubando) yakola, luenyelu tumbuisenu Nzambi gu muila wenu.