¹ Tuavile egi gudi ndaga jiabola jia uthambi myukatshi dienu, ndaga jiabola jia ngenyi jishigo jia gutshiginyishiwa nga gudi ene aphaganyi. Tuavile egi mungoshi ya mukatshi dienu wanabandesa mukajia shenji. ² Nu mudi enya khabu jiavula! Mua khalelego athu ajiya gukhala mudila? Yago udi mutshita ngenyi udi nayo gukhala ya gukatshuuwa mu Ekelejiya. ³ Nga ngudi ngushigo hene gu muila, uvi ngudi hene mu Nyuma. Nga lumbuluisa gale yago watshitshi ndaga ya ngenyi, gifua nga khala hene. ⁴ Ha mudi mudibungisa mukunda nu jina dia Fumu wetu Yesu, Nyuma wami udi nu enue mu ngolo jia Fumu wetu Yesu. Ngalumbuiluishile gale muenyou ⁵ Ha guhana gu mago a Diabulu ha gushiya muila wenji ha gula monyo wenji ukhale waguhuluishiwa gu lusugu lua Fumu. ⁶ Gudihala gushigo gua bonga, mujiya egi gandambo gazonda ga gihemba gia mapha idi yagutagana ha guzugisa phupha ya mapha? ⁷ Mudiwove gu gihemba gikulu gia mapha ha gula mbamukhale phupha ihe - ihe ha gula egi mukhale luenyelu dipha dimoshi nu gihemba. Ndaga ya Kilisto mutuameji wetu, wakhelele ya guhanewa gifua mulambu. ⁸ Tuhagienu diwano diago nu gihemba gikulu, gihemba gia mapha a luholo gia guzuela ndaga jia giamatshidia nu ndaga jia diago. ⁹ Ngudi gumisonegena mu mukanda wami ha gula mudibungisago nu ago adi atshitshi a ndaga jiabola ndo mu luholo lua gishina nga lua diago. ¹⁰ Nga hazonda ndo ha ame gumbila mukhala wa gudibungisa nu enya ndaga jiabola a mu mavu awa ndaga jiabola a mu mavu awa nga aga anatshigina gukhala nu gima nu gima, nzangi, nga akombeledi a isongo, mu guzuela guabonga gukatuga ha mavu wawa. ¹¹ Luenyelu ngudi gumisonegena ha gula mukhadigo nu gudivisa nu ago adi mutamegewa egi anetu a mala nu anetu a akhetu mu Kilisto, uvi ago adi mukhala mu ndaga jiabola, gukombelela gua isongo, nga enya khuta nga ikwatewi ya matombe, mudigo nu athu a luholo luolu. ¹² Ngenyi, muho tshi ngajiya gungina mu ndaga ya gulumbuluisa athu a luholo luangenyi? ¹³ Uvi Nzambi wana lumbuluisa ago adi gonze. << ha gukatula Satana mukatshi dienu>>.