^{1 2} Ngenyi tutelewe gifua enya mudimo wa Kilisto nu amuangi (azuedi) a giamatshidia giagusuega mukunda nu Nzambi. Mu luholo luangenyi, muzuedi wa giamatshidia akhale yagutagana. ³ Uvi gudi ame, idi yaleba ha enue gulumbuluisa nga ame ngukhale ya gulumbuluishiwa nga gua gilumbuluishilo giko gioa athu. Ndaga ya ngushigo gudilumbuluisa ame hakhami. ⁴ Ngushigo mudinguluisa ame hakhami ha gukhala muenya milonga (ndaga) gu gima gimoshi gidi gishigo gudivisa nu ame, uvi yei ishigo muzuela egi ngudi muthu yago udi gashigo nu ndaga (milonga). Idi khuta Fumu wajiya gungulumbuluisa. ⁵ Na mu ngenyi, guzuela ndo gilumbu nga gimoshitshindaga jiago mbaji(gingoshi) guago gushigo ndaga gu tuama dia kumbi, gutuama dia guza guaza nua Fumu. Mbaudijiga mu muanya ima yagasue yagusuega mu phipha nu gudijiga tshiwa gutuama mu mitshima. Ngenyi muthu nu muthu mbauheta gishimbigo gienji gudi Nzambi. ⁶ Henyaha, anetu a mala nu akhetu, ngudi mutshitshila luholo olu gua Apolosa nu gua ame, muene mukunda nu gubonga guenu ha gula egi mukunda nu esue muphaphata gulombolola gua gusonega << Gusombologa ndo yago yasonegewe >> hagula egi nga mumoshi gakhadigo nu gudihala gua ako. ⁷ Ndaga yananyi wajiya guzuela egi mudi gudihala? Itshi mudi nayo yago idi muayihetelego mu khenda, mukunda nu itshi mudi gudihala gifa muayihetele mu luholo luenu hakhenu? ⁸ Mudi gale nu guhua guagasue! Muajiya gutshigina egi mudi gale amonyi! Muasendesa gale guhinyina nu mudi nu udikhaledi gudi esue! Nu giamatshidia ngudi muzumba egi muhinyine ngenyi tuajiya gu hinyina mukuta wetu wagasue. ⁹ Nzambi watuhagele apostolo atshitshi gifa mu mulongo wagisugishilo gia milonga gifa athu adi mubatewa mu gufa. Tua buile gishimaneno gua ahamavu gua anjielo nu gu ukhalelo dia athu. ¹⁰ Tudi enya maluyi mukunda nu Kilisto. Uvi enue mudi atema mu Kilisto. Tudi aleba, uvi enue mudi nu jingolo. Mudi yagutshiginyishiwa mu lutumbu uvi esue tudi mu gusembuluwa. ¹¹ Gu klhanda makumbi wawa a luenyelu tudi jinzala nu luhungu, tuanasudiga mu luholo luatagana (luabonga) tudi agusagumuishiwa mu guwasewa nu tushigo nu bugu dia gukhala. ¹² Tudi mutshita mudimo wakola, mutshita nu mago etu diago. Hago hatushingiwe, tudi muhana guzela muila. Hago tuakhalele agusagesewa, tuakolesele. ¹³ Haga halunyamugishiwe, tudi muzuela nu gisemo, tuajile nu tudi muzanguwa lukongenyi, ngenyi ago abishidiwe gua mavu agasue nu hazonda gusghigo nu gima mukunda nu agasuzue. ¹⁴ Ngudi gumisonegena ima ei yagasue ishigo mukunda nu gumisunzula, uvi mukunda nu gumikatula mu guyimbila gifua anami aguzumba diago muabonga. ¹⁵ Nga ngakhalele nenu makumi avula a utaledi mu Kilisto. Mushigo nu atata avula, ndaga ya ngabuile shenu mu Kilisto - Yesu mu lukuma luabonga. ¹⁶ Ngenyi ngudi gumijiyisa ha gungulandula gukhala gifua ame. ¹⁷ Idi mukunda nu ngenyi ngudi gumina Timote, muna wabonga waguzumba mu gutshigina mu Fumu. Mbaumiwubguluisa malongo ami mu Kilisto gifua mu nganalongesa mu mabugu agasue nu mu ikombelelo yagasue. ¹⁸ Leunyelu, avula mukatshi dienu adi diago enya manyinyi, adi mutshita gifua ame mbangujigo luko gu mbo dienu. ¹⁹ Uvi gula ngaza gu mbo dienu luenyelu. Mukunda nu gutshigina gua Nzambi. Na mbangujiyigo ndo khuta mbimbi jia athu ene anyi enya khabu nu mbangumuna nji luko gu itshi adi atagana. ²⁰ Ndaga ya Ufumu wa Nzambi ushigo mukhala muklunda nu jimbimbi uvi nji mu jingolo. ²¹ Itshi muatshigina? Nga ngajile gu mbo dienu nu gabama nga muabonga nu guzumbanu mu mutshima gilele (guzumba)?