¹ Luenyelu ngudi gumiwunguluisa, anetu a lukuma luabonga luago lungamilongesele, mu luene muakhalele ya gudindamana. ² Idi mukunda nu luene lukuma luabonga muahuluishiwe, gula mua luvua numua lukuata gifua mu ngamwambelele gukhala nu gutshigina gua gituhu. ³ Ndaga ya ngamilongeselele gutuama gifua mu luholo lu nga luzanguile ame nji: Idi mukunda nu gubola hene Kilisto gafuile gifua mudi guzuela yago idi ya gusonegewa. ⁴ Wavumbigiwe (Wafundiwe) nu lusugu lua thatu, wazugile mukatshi dia enya gufua gifua mu ya sonegewe. ⁵ Wa dimuenegesele gudi Kayifa, gudi athu kumi nu muyadi. ⁶ Wadimuenegesele nji gudi abalega guvula holudia inunu itano anetu mu gisagumuisa, avula a mukatshi diawo wana nu monyo, uvi ako adi ago akhalele a gubanda. ⁷ Henyaha wadimuenegesele gua Yaboba nu gudi apostolo agasue. ⁸ Gu ngima dia ene agasue, wadimonesele gudi ame gifua gua moma wa guseluga. ⁹ Ndaga ngudi wabalegela guzonda mukatshi dia apostolo agasue, muthu udi gashigo nu ginemua ha gutamegewa egi ngudi mupostolo, ndaga ya ame ngakhalele musagesa ekelejiya ya Nzambi. ¹⁰ Uvi mu luendu lua Nzambi, ngudi yago ungudi mangino nu luendu luenji gudi ame, luakhalele go lua gituhu. Gu gishina ngatshitshile mudimo wabalegela gubvula gudi ene agasue. Ndo ishigo ame, uvi luendu lua Nzambi luakhalele nu ame. ¹¹ Ngenyi, ikhale ame nga akuetu ako, tadienu yago ituanalongesa nu yago ituatshiginyine. ¹² Luenyelu gula Kilisto watamegewe egi muzugi wa mukatshi dia a gufua, luhulo tshi athu ako a mukatshi dienu adi muzuela egi gushigo guzuga mukatshi dia gufua? ¹³ Uvi gula gushigo guzuga mukatshi dia agufua, Kilisto diago gazugilego mukatshi dia a gufua. ¹⁴ Nu gula Kilisto gashigo yago wazugile gu gufua, na ulongeshi wetu wa mbimbi ya Nzambi udi diago wa gituhu, gutshigina guenu nji, gudi gua gituhu. ¹⁵ Nu tudi nji matemu a mambo mundaga idi mutalela Nzambi: ndaga ya tudi mulondolola yago ishigo ya Nzambi, ha tudi muzuela egi wazugishile Kilisto mukatshi dia a gufua, muenyemo (hoho) muene gayitshitshile go. ¹⁶ Ndaga ya gula ago a gufua gashigo muzuga gu gufua, Kilisto nji gazugilego gu gufua. ¹⁷ Gula Kilisto gazugilego gu gufua, gutshigina guenu gudi gua gituhu nu enue genu musala (muyigamana) mu gubola guenu. ¹⁸ Ngenyi ago afuile mu Kilisto akhalele nji a gutota. ¹⁹ Gula idi khuta mu luholo luene lunu luago tudi mudifuelela mu Kilisto, mbatukhala diago ago abalegele gusala mu malamba akola mukatshi dia agasue. ²⁰ Uvi henyaha Kilisto wazugile mukatshi dia a gufua, udi muene ya gudiangela mukatshi dia ago adi a gufua. ²¹ Gifua gufua guajile gudi muthu, idi nji gudi muthu guajile guzuga mukatshi dia ago adi a gufua. ²² Gifua mukunda nu Adama agasue afuile, ngenyi nji, mu Kilisto agasue abuishiwe enya monyo. ²³ Uvi mumoshi (mungoshi) nu mumoshi (mungoshi) mu luholo luenji, Kilisto, muene ya gudiangele: ago adi gumutshigina, mba abuishiwa enya monyo hago mbahaza muene. ²⁴ Na mba ikhala gisugishilo hago Kilisto mbo vutula ufumu gudi (gua) Nzambi Tata; gu ngima dia gushiya uhinyinyi wagasue nu ngolo jiagasue. ²⁵ Ndaga ya udi ya udi nayo guhinyina gu ngima dia guhana enya umbalagaji enji agasue goshia ikanzo yenji. ²⁶ Muenya umbalagaji ya gisugishilo mbaushiyiwa mbaukhala gufua. ²⁷ Ndaga << muene wahagele yagasue goshia ikanzo yenji. >> Uvi hago hadi muene muzuela egi, yagasue yakhalele gumutumagena, yakhalele ya diago egi yago wahagele ima yagasue gumutumaga udi ya gutshiginyiwa. ²⁸ Hago hadi egi ima yagasue idi nayo gumutumagagena, nganyi mona nji muene hakhenji mba utumagena yago wahagele ima yagasue gumutumagena ha gula egi Nzambi akhale yagasue mu yagasue. ²⁹ Gu khanda iko itshi mbayijila ago abatyiwe mukanda nu ago akhalele a gufua? Gula ago akhalele a gufua, gushigo muzuga gu gufua, mukunda nu itshi ene anagudiza mukunda nu ene? ³⁰ Nu mukunda nu itshi na esue tudi mu lamba dia gufua? ³¹ Anetu, enue ago mudi gutumbuga (lutumbu) gudi ame, mu Yesu Fumu wetu. Ngudi muthatha (mulondolola) egi ngu di yago udi yaguhagewa gudi gufua gu lusugu nu lusugu. ³² Na itshi idi gifua luta luami, mu luholo lua uthu, gula ngaluile hagutuna shitu jia gu Efeso, gula a gufua ashigo muzuga gu gufua? <> ³³ Tudihuigi go: << Ufuta wabola, wana zangela ukhalelo wabonga >> ³⁴ Tukhadienu abonga (atagana, alaphe). Tukhadienu mu njila jia lulama! Tutshitshi go gubola. Ndaga ya akhetu ako ashigo mujiya Nzambi. Ngudi mu izuela mukunda nu musonyi wawo. ³⁵ Uvi mukhetu muko mba uzuela egi: << Gifua luholo tshi ago adi a gufua mbazuga gu gufua? Nu muila tshi ene mba a vutuga nawo? >> ³⁶ Mudi ajimbidi diago! Yago udi mukuna yana sendesa go guzoga, gula khenji ifua gale go. ³⁷ Yago udi mukuna, ishigo muila idi nayo, uvi mbaikhala lumbale lua bule nga hugo diko lumbale lua luholo luko. ³⁸ Hene Nzambi mbau luhua muila wa luholo luko ludi muene mutshigina nu gima giagasue mbauhana muila umoshi (ungoshi) wago udi mutagana nu giene. ³⁹ Mila yagasue ishigo luholo lumoshi (lungoshi), uvi muila uko udi muila wa muthu, muila uko udi wago wa jishitu, uko wago udi wa tunjila (jinjila) nu iko wago udi wa jishui. ⁴⁰ Gudi nji muila udi ya gosa nu muila iko yago ya mavu. Mba ikhala guhenya gua kumi nu uko wago wa mbeu, uko guhenya gua jithemua (themua) nga themua imoshi, idi nu gudiyila nu iko mu guhenya. ⁴¹ Gudi nu guhenya gua tangua (kumbi), nu gua ngonda, nu uko guhenya gua uko guhenya gua jithemua (themua); nga themua imoshi, idi nu gudiyila nu iko mu guhenya. ⁴² Ngenyi, gudi nji luholo lumoshi (lungoshi) gu guzuga gua ago adi a gufua nga ago afuile gale. Yago idi ya gukunyiwa, idi nayo gubola nu yago idi ya guzoga, idi yajiyilego gubola. ⁴³ Idi mukunyiwa nu guleba, idi muzuga nu jingolo jiavula. Idi mukunyiwa muila wa gishiona, idi muzuga nu muila wa mu Nyuma (ngolo). ⁴⁴ Idi mukunyiwa muila wa gishina gudi nji muila wa Nyuma. Gula gudi nu muila wa gishina, gudi nii nu muila wa Nyuma. ⁴⁵ Na hene idi ya gufunda (gusonega): << Muthu wa gudianela Adama, wajile (wabuile) monyo.>> Adama yago ya gisugishilo wajile (wabuile) Nyuma udi ya monyo. ⁴⁶ Uvi yago idi ya mu Nyuma yajiyile go gukhala ya gudiangela, yene idi shitu, yago idi mu Nyuma idi muza gumuhatelela. ⁴⁷ Muthu yago ya gudiangela, wazogele (wazudiwe) mu mavu, udi mavu. Muthu yangiadi ya gosa. ⁴⁸ Idi luholo ngenyi (luene) gudi yago ya ha mavu. Idi ngenyi gudi yago udi ya gosa. Adi nji ngenyi gudi ago a gosa. ⁴⁹ Nu idi luholo lumoshi (lungoshi) mushindo wago utuazanguile gifuanesa gia muenya mavu, mbatuzangula nji gifuanesa gia muenya gosa. ⁵⁰ Yago ingudi muzuela, anetu, idi egi muila nu mahatshi yajiyilego gu ngina mu ufumu wa Nzambi nu gabatshia-kano gajiyilego gungina mu bugu diago dishigo nu gabatshia-kano. ⁵¹ Tadienu, ngudi gumiwambela ngudi gumiwambela mudimo umoshi: mbatufuigo agasue, uvi agasue mbatusombegesa. ⁵² Mu hugo dingoshi (dimoshi) mu gubalumuga gua iso, mu gudila gua gisugishilo gua tenda. Tenda mbadidila nu ago mbakhala a gufua mbaguza gu gufua, nu mila yago idi ishigo mu gabatshia-kano nu esue mbatukhala agusombegesa. ⁵³ Ndaga ya idi nayo gukhala egi muila wa gabatshia-kano wajiya gusudiga wago ushigo wa gabatshia-kano nu egi muila wago wajiya gusudiga wago wajiyile go gufua. ⁵⁴ Uvi hago idi yajiya gutota, mbaibata (mbayizangula yago yajiyilego) gutota, na hene mbahategenesawa mbimbi yago idi ya gusonegewa: << Gufua mba guminyiwa (mba gutota) mu gibingua (gubinga).>> ⁵⁵ << Gufua, gui (guyi) gudi gibingua (gubinga)? Gufua, gui (guyi) gudi indongo yaye?>> ⁵⁶ Ndongo ya gufua idi gubola nu ngolo jia gubola idi mukhuala. ⁵⁷ Uvi gisemo (ngasa) gikhale gia guhanewa gudi Nzambi yago wana gutuhua gibingua (gubinga) mu Fumu wetu Yesu Kilisto. ⁵⁸ Ngenyi anetu a guzumba, khadienu a gudindamana, ashigo muzendelela ha gutshita ya bonga mu gubonga gu mudimo wa Fumu, nu ha gujiya egi mudio wenu mbaukhadi go wa gituhu mukatshi dia Fumu.