¹ Luenyelu ha ndaga ya gubingishiwa gua ima mukunda nu enya gutshigina, tshitenu, mukunda agasue, gifua ngawambelele enya ekelejiya ya galatiya. ² muthu nu muthu mukatshi dienu, ahage ima yenji mu lukalo, gifua mu nduedi ya ima ya hetele muene. Ngenyi mbagadisangesago ha gubungisa luko ima hambanguza. ³ Ha mbanguza, mbangutuma mikanda ha gutuala ima yenu gu Yelusalemi, nu hathu ambamutomba. ⁴ Gula idi yatagana ha ame guyanji, mbatuya n'awo. ⁵ Uvi, mbanguza gu mbodienu hamba gubalega mu Maseduane, ndaga ya mbangu balega Maseduane, ⁶ Mbalayiko mbangukhala n'enu mbeu jiagasue. hangima mbangutuala fundo diagasue, mba nguya. ⁷ Ame ngatshiginyinego gumitala hangudi mubalega mu njila. ⁸ Uvi mbangukhala haha mu Efeso nu mulusugu lua Pentekote. ⁹ Ndaga mufulo wuko wa koma wa zuluga gua hame gutshita mudimo watagana nga ana mitshima ya bola adi avula. ¹⁰ Gula Timote waza, muzangulenu muabonga ha muene gakhadigo nu woma mukatshi dienu, ndaga ya muene udi mutshiota mudimo wa Fumu gifua ame. ¹¹ Ngenyi muthu gamusegululago. Mu mukhuatese ha ndaga guya mu luendo luenji nu guhuima ha muene avutuge gudi ame ndaga ya ame ngudi mu menega hamoshi nu anetu ako. ¹² Uvi ha ndaga ya munetu Apholo, ngamububile mangololo ha muene aze gudi enue ha gumitala hangoshi muuene mbawuza hamona muene hugo. ¹³ Mukhale nu gikole-kole, mudindamane mu gutshigina guenu, khalenu hathu, mukhale nu ngolo. ¹⁴ Yagasue imudi mutshita, ùuyitshite mu guzumba. ¹⁵ Mudi mujiya famille ya Stefano, mudi mudiya egi akhalele henya athu athomo ha gubalumuna mutshima ha gutuna Akaya nu nji adihana gu midimo wa gukhuatesa enya gutshigina. Ngudi gumilomba anetu, ¹⁶ ha enue mutuamezewe gudi uthu a muhonze nu gudi athu agasue adi mutshita n'awo mudimo nu ngolo. ¹⁷ Ngudi musuanguluga ha ndaga ya guza gua stephano nu foletunase nu Akaikuse ndaga ya anguhuile ingakhalele n'ayo ndaga hamua khalelego enue, ¹⁸ ndaga ya ene akolesele mutshima wami hamoshi nu mitshima yenu. Hene, Munemese athu a muho wowu. ¹⁹ Ekelejiya ya gu khanda na khanda mu Asia amihua lumene (ami menega). Akula nu Philisia hangoshi nu ekelejiya idi gu nzo yawo, adi mumitumina lumene luavula mu Fumu. ²⁰ Anetu agasue amihua lumene. Mudi munege lumene nu gudisunya gua ivungu gua santu (gijila). ²¹ Ame, Phaula, ngudi mu sonega nu mago ami, ²² Gula muthu gatshiginyinego Fumu Nzambi, atewe mukumbu! Fumi'etu aze! ²³ Ngasa ya Fumu Yesu ikhale nu enue. ²⁴ Guzumba guami gukhale nu khungi'yenu yagasue mu Yesu Kilisto.