¹ Sadienu mu guzumba nu mukhale nu manyinyi mukunda nu guhua guavula gua Nyuma ha gula muajiya gukhala muzuela ndaga jia gutuama. ² Ndaga ya yago udi muzuela mu mazuelele ahe-ahe, gashigo muzuela gua athu, uvi gua Nzambi, gushigo nu muthu wajiya gumukotolesa ndaga ya udi muzuela ndaga jia gusuega mu Nyuma. ³ Uvi yago udi muzuela ndaga jia gutuama, udi muzuela gua athu mukunda nu gu ajiyisa ha nduedi, nu gu ayigamesa, nu gu ahua jingolo. ⁴ Yago udi muzuela mu mazuelelo ahe-ahe, udi gukolesa muene hakhenji, uvi yago udi muzuela ndaga jia gutuama, udi mukolesa Ekelejiya yagasue. ⁵ Luenyelu ngudi mutshigina egi enue agasue mukhale muzuela mazuelelo ahe-ahe, uvi mu luholo luago luagubalega luago lu muakhalele muzuela ndaga jia gumatuamena, Yago udi muzuela ndaga jia gumatuamena, udi yagubalega mu mazuelelo ahe-ahe, khuta gula gudi mumoshi yago wajiya gukotelesa mukunda nu gukolesa Ekelejiya. ⁶ Uvi anetu amala nu akhetu, gula ngaza gudi enue muzuela mu mazuelelo ahe-ahe, gu itshi yajiya gumikuatesa, gula mbimbi jiene jishigo mulondolola, mbimbi ya ndunge, jia ndaga imoshi imoshi? ⁷ Gula ishigo yago yanadila luholo lumoshi gifua iphananai nu miangala ishigo muzola majui agudiyila, luholo tshi lujiya gujiwa egi adi mushiga gishigilo giegi? ⁸ Ndaga ya gula gangenze gadi mudila dijui ditshe, luholo tshi luajiya gujiyiwa egi kumbi diatagana gale dia gudilonda ha guya gu ita? ⁹ Idi nji luholo lumoshi nu enue. Gula mazuelelo avula diago mu mavu agasue sha. ¹⁰ Uvi agasue adi nu ukoteleshi wawo. ¹¹ Uvi gula ngushigo mukotelesa zuelelo, ngudi mubua munjienjia gudi yago udi mudiangela, nu yago udi mudizuela, nu yago udi mudizuela udi nji mubua munjienjia gudi ame. ¹² Luholo lumoshi (lungoshi) nu enue ndaga ya mudi musagelesewa gudi Nyuma, khadienu agudindamqana mukunda nu ukotesewi wa ekelejiya. ¹³ Ngenyi yago udi mukombelela mu zuelelo diago dihe-dihe, udi mukombelela ha gula egi muene hakhenji wajiya gukotelesa. ¹⁴ Ndaga ya gula ngudi mukombelela mu zuelelo dihe-dihe, ngudi mukombelela nu Nyuma wami udi nji mukombelela jiagituhu. ¹⁵ Na itshi ngajiya gutshita henyaha? Mbangukhala mukombelela nu Nyuma wami nu mbangukhala mukombelela mu ndunge jiami. Mbangukhala muyimba nu Nyuma wami nu mu ndunge jiami nji. ¹⁶ Gula ndo, gula udi mukombelela khuta nu Nyuma waye, luholo ako mbazuela egi: << Idi ngenyi >> ndaga ya ene ashigo mujiya yago i udi muzuela? ¹⁷ Udi mutshita diago midimo yabonga ya gisemo, uvi muthu muko gashigo muko gashigo mukotolesa. ¹⁸ Ngudi muhana hambadiagana gudi Nzambi, ndaga ya nganuzuela mu zuelelo dihe-dihe gubalega enue agasue. ¹⁹ Uvi mu ekelejiya, ngudi mudifelela guzuela khuta mbimbi jitano ha gukolesa athu ako, nga guzuela mbimbi midi kumi mu mazuelelo ahe-ahe. ²⁰ Anetu a mala nu anentu a akhetu mukhadigo ana mu matangi enu uvi mu gubola, khadienu gifua mona, uvi mu matangi enu mukhale agukula. ²¹ Yagasue mu mukhuala: << Gudi athu a mu mazuelelo a anjienjia nu gudi ivungu ya unjienjia, mbanguambela iphuta yinyi, nu nga luenyelu, mba anguvui go, >> idi guzuela gua Fumu. ²² Mu guzuela guabvonga, mazuelelo ahe-ahe adi gifezogesolo ndo mukunda nu enya gutshigina, uvi mukunda nu ago gashigo mutshigina. Uvi ndaga jia gutuama jidi gifezogeselo ndo mukunda nu ago ashigo enya gutshigina, uvi mukunda nu enya gutshigina. ²³ Mu luholo luko gula ekelejiya yagasue yadihaga ha gukhala muzuela mu mazuelelo ahe-ahe, ago adi gonze nu ago ashigo enya guytshigina, mba azuedigo egi mudi enya maluyi? ²⁴ Uvi gula mukuta wenu agasue, muadihaga azuedi a ndaga jia gutuama, muthu yago ya gonze (honze) nga yago udi gashigo muenya gutshigina wangina mba utshigina yagasue i mbagagavua. nMba ulumbulushiwa gu yagasue, ²⁵ nu gisuegi gia mu mutshima wenji mba gisologoga, mba ubua ha phala yenji nu mba usunzula Nzambi nu mba uzuela egi ya diago Nzambi yowu mukatshi dienu. ²⁶ Na itshi gutshita luenyelu, anetu a mala nu anetu a akhetu? Hago mudi gudibungisa, mumoshi nu mumoshi ya mukatshi dienu udi nu lungimbo, nu malongo (ulongeshi), ulondolodi (ukotoleshi), zuelelo dimoshi, nga ubanumunyi wa ndaga. Tshitshienu yagasue mukunda gukolesewa gua ekelejiya. ²⁷ Gula mumoshi ya mukatshi dienu, wazuela mu zuelelo dihe-dihe, gukhale athu nga muyadi, nga mutatu nga ako avula ajiya gukhala muzuela muthu nu hugo dienji nu muko akotelese yago yagasue yazuelewa. ²⁸ Uvi gula gushigo nga muthu mungoshi wajiya gukotelesa, akhale gawo tedie mu ekelejiya, ju adizuelele muene hakhenji nu gudi Nzambi. ²⁹ Uvi muyadi nga mutatu azuedi a ndaga jia gutuama akhale muzuela nu ako agasue akhale mutelegela nu gukaphumuna yago idi muzuelewa. ³⁰ Gula mumoshi ya ago adi hashi, udi nu ndaga ya gulondolola, yago udi mukatshi dia guzuela, abembe guzuela. ³¹ Ndaga ya mumoshi nu mumoshi mukatshi dienu wajiya guzuela ndaga jia gumatuamena ha gula mumoshi nu mumoshi ajiya guzangula idi muene mutshigina, nu egi agasue ahuwe jingolo. ³² Ndaga ya Nyuma yago ya uzuedi a ndaga jia gumatuama udi mu uhinyinyi wa azuedi a ndaga jia gumatuamena. ³³ Ndaga ya Nzambi gashigo Nzambi ngashigo Nzambi ya gudibinda gua jindaga, uvi udi Nzambi ya guhuima. ³⁴ Gifua muakhala mu ekelejiya yagasue ya Asantu, akhetu adi nayo gukhala tedie, ndaga ya ahuwe go njila (luholo) lua guzangula mbimbi uvi akhale agudibuluimuisa gifua idi guzuela gua mikuala. ³⁵ Gula atshigina guphaphata gima (ndaga imoshi) adi nayo gubamba gua alumi'awo gu inzo, ndga ya ishigo ginemua ha mukhetu guzuela mukatshi dia ekelejiya. ³⁶ Na gula idi nganyi, mbimbi ya Nzambi yakatugile (yajile) gudi enue? Mudi enue hakhenu guago gu yatumiwe? ³⁷ Gula mumoshi mukatshi dienu udi gudihana ( guzangula) egi, ame ngudi muzuedi wa ndaga jia gumatuamena, nga jia mu Nyuma, ajiye egi, ndaga jiago (ima yago) ngudi musonega jidi (idi) nu mikhuala ya Fumu. ³⁸ Uvi gula mumoshi ya mukatshi dienu udi muyijimbila, nu muene nji ajimbidiwe. ³⁹ Ngenyi anetu a mala nu anetu a akhetu, tshiginyenu guhua guago gua guzuela ndaga jia gumatuamena nu mutunyisa go nga muthu mumoshi (mungoshi) ha guzuela mu mazuelelo ahe-ahe. ⁴⁰ Uvi yagasue itshitshiwe mu gubonga nga mu luholo luabonga nu mu luholo luatagana.