¹ Nga ngazuela mazuelelo a athu nu ago enjelo nu ngushigo nu guzumba, ngudi gifua lungu lua gituhu, nga miangala idi mudila. ² Nga ngajiya gukhala nu guhua gua guzuela ndaga jia gumatuamena nga ngudi nu ujiyi wa ndaga jiagasue nu nga ngudi nu gutshigina gua gukatula milundu, nu nga ngushigo guzumba, nu ngushigo nu gima, ngudi ya gituhu. ³ Nu gula ngahana ima yami yagasue mukunda nu jiphutu nu nga ngahana nga muila wami ha wene gukondewa mu tshuya, gula ngushigo nu guzumba, yagasue idi yagituhu. ⁴ Gizumba guakhala nu guhuminyina nu gubonga, guzumba guakhala go nu gumbila nga gima gia muthu matangi, nu guakhala go nu gudihala go nu gudinyanga go (gudiluphula ndo) nga ⁵ gudikomesa. Guakhalago nu giphi (gikhimba), guanazendelela go nu guanabamba go gubola. ⁶ Guanasuanguluga go mu ndaga jidi jshigo jia giamatshidia, uvi gua suanguluga mu giamatshidia (diago, mailago). ⁷ Guzumba guanatotsa yagasue, guana tshigina yagasue, guana difuelela ya gasue mu yagasue nu yagasue. ⁸ Guzumba guana sombegesago. Ndaga jia gutuama mbajitota (mbajikhadigo) mazuelelo mbâhua, ujiyi mbaubalega. ⁹ Ndaga ya tuajiya khuta ndambo (gitshinyi) nu mbatuzuela ndaga juagutuama khuta ndambo, ¹⁰ uvi gula yago idi yatagana yaza, idi ishigo yatagana, mba itota. ¹¹ Hago ngakhalele mona, ngakhalele mutangiza gifua mona, ngakhalele mu nongonoga gifua mona. Haga ngakudile, ngahagele mu lukalo ndaga jiami jiagasue jia ulenge. ¹² Luenyelu, tuanamona mu gitalelo, mu luholo gubuita, uvi na mbatu khala mumona phala nu phala (meso nu meso). Luenyelu ngajiya gandambo uvi na mbangujiya mu giamatshidia mu miho yagasue gifua ngakhalele yagujiyiwa. ¹³ Uvi henyaha, ima yei itatu idi guene gutshigina, gudifuelela nu guzumba uvi gima giabalega gukoma mu yagasue itatu, idi guzumba.