¹ Ankea ntuba nda wo: "Mokabagni, vi-a-vii, amuu ne kati egnu nendien wapayawa ve,yug watoyen ekub e Nzeam eleyena nkembo ewo." ² Ne mby e nshuu isom, Yezu avey Petelo, Jaki, ti Yoane, mby avara n'ikri ko wemie, ne dzug ombim. Elung ende engala ne nteang ewo. ³ Ileam inde ilega nkum siiy, siiy emog eli kaku vim emog eli oshin onagn ne buu. ⁴ Elia ti Moize wapwe ne nteang ewo, wasula ti Yezu. ⁵ Petelo, akeara otuba nda Yezu ndenden: "Ewong siyiagni nendien; sitwung mvuru isar, emog djwi na yie, emog djwi na Moize, mby emog djwi na Elia." ⁶ Djwi akajia nge etubande, womo etakir. ⁷ Ewung emog eyia ndzub. Mby ne kati ewung enagn otuba epwe: "Ene eli Mon me etsame ndeang entsign. Yugagni nde." ⁸ Etean kaku, walongoki walir pipi na wo, wasayen ko Yezu ndemie nda wo. ⁹ Ntangu elekrikiwo ne ngie ombimi, Yezu atuba nda wo na nkwon nkaba ata wur emog vii anagn amiyen wo, tii ko yug Mon-wur atikea mbiy n'ewa. ¹⁰ Wawum vii anagn djwi na wo wemie, kansi waywe wog na wog wuwun: "Nkea mbiy n'ewa, eling ntuba nge?" ¹¹ Walongoki woywe: "Djwi na nge walong i nsiku watuba wuwun Elia afwete nkea nteang?" ¹² Akeara ndenden: "Elia ayakeande nteang, djwi na nkeara vim ankum ne ndwongo. Mby djwi na nge emifugn wo wuwun Mon-wur ayayen nde mpay entsign, ayoyen wo kamsi wur emog e mpama? ¹³ Kansi ndokabagni, Elia amiyia, mpi okiwo kamsi oshin oyileang wo, oshin oyifugn wo djwi na nde." ¹⁴ Ntangu emikum wo mbeama na walongoki imuu, wayen oluy o vear ondii oli wo, ti walong i nsiku wasula ti wo. ¹⁵ Ko ntangu emiyen wo Yezu, wayen ngituka, wakim aveang djwi n'ompea mbea. ¹⁶ Ayue walongoki inde ndenden: "Nge esulagnu ti vear anagn?" ¹⁷ Mby wur emog ne kati evear anagn akeara: "Ntijie mon me ompeam etay eyie, ali na mpeve emotshung odzum apitubi. ¹⁸ Ondii enkum esokir nde, asologo nde ne buu, akama vin, mpi akum epwo. Ntiwigna ya walongoki yie n'onkma mpeve epwo enagn, kansi wapikug ve. ¹⁹ Akeara ndenden: "Ndwong aman apidjir ane, tii nsuka nonkagn eyayiakame ti gnu? Onjiagni na nde nendien." ²⁰ Wovara etay eli nde. Mpeve ewo ntangu emiyen nde Yezu, agnug mon ewo, osologo ne buu mby angam odzum. ²¹ Yezu aywe Tea nde: "Ekie ntangu ikwe emikum nde ngean?" Tea akeara ndenden: "Yim ko olieng onde. ²² Mpi mbala entsign mpeve enagn atsande ondogo ne tshiya ti ne vay djwi awe. Kansi yug asikug yie na nkie vim, oteyug ngy, otesarisi." ²³ Yezu atuba nda nde: "'Yug okug?...Vim enkum ekug ya wur edjir." ²⁴ Etean kaku, tea e mon atsug olie, ndenden: "Nti djir! Onsarisi n'etura eme e biu ene!" ²⁵ Yezu, ayen oluy o vear waleye, agnianga mpeve epwo, atuba: "Yie mpeve epitubi ti mpeve epi yug, ntuba ma yie, pwe ne djuung i mon ene, mpi oyafikea." ²⁶ Mby apwe, asatsug elie, mpi osognug na biu enkum. Mon akum kamsi atiwa, kansi vear entsign atubikiwo wuwun: "Ali odjuu." ²⁷ Kansi Yezu, okir n'ewuo, oyim, mby mon ewo ayima. ²⁸ Ntangu emikea Yezu n'evuru, walongoki inde woyue n'oziy wuwun: "Djwi na nge sikakug na nkma mpeve epwo enagn?" ²⁹ Atuba nda wo ndenden: "Oshin o mpeve ine atsawo mpwe ko na bisamu." ³⁰ S'alim wo kog, watear buu e Galilea. Kansi Yezu akaleang wur aji etay eliwo. ³¹ Djwi ayiwo alelong walongoki inde. S'akabinde ngean: "Mon-Wur ayosar wo ne mbwo i vear a buu; ayodjag wo. Ntangu eyodjag wo, ne mby i nshuu isar, ayafutumukande. ³² Kansi walongoki wakakug njia djwi ilingiki ntuba Yezu ve, mpi ayugikiwo womo n'ongyue. ³³ Wakum ne Kapernaum, ntangu eyi wo ne kati evuru, Yezu ayue: "Nge eyitubikignu ne mbug?" ³⁴ Kansi wayia pwo, djwi ne mbug atubikiwo wog na wog na njia nagn elenga amuu n'onen. ³⁵ Mby agneme, avie wankeadjum n'ipe, mby atuba: "Yug wur aling ngya ontete, ayii onsuka e vear ankum mpi wur otshia e vear ankum." ³⁶ Mby avey mon ilieng, otsug ne kati ewo, mpi okir ne mbwo inde, akaba ndenden: ³⁷ Wur enkum eyama ne dzin ime emog ne kati aman alieng ane, atingyama me memie; mpi wur esingyama me, atiyama epa ko me ve, kansi ti wur eyintum." ³⁸ Yoane atuba nda nde ndenden: "Nkum, ayen su wur emog akma entshung ne dzin iyie, mby opum su, djwi apitelani ve. ³⁹ Mby Yezu akeara ndenden: "Oyopumagni ve, djwi kaku wur esikug nkie kidimu ne dzin ime, mby asatuba ipwo djwi na me. ⁴⁰ Yug apa altetun ve, ali wur esu. ⁴¹ Mpi wur enkum esopea ikob i vay, ngnua ne dzin ime ogniang oli wur e Kristu, mokabagni vi-a-vii, ifutu inde ipatsa ntu ve. ⁴² Kansi, wur esitsug ibag ne nteang emog ne alieng emidjir ya me ene, ekug djwi na nde wotshung oshing ashin odzuru ne nking, mpi wofangi ne nzey enen. ⁴³ Yug ewuo eyie elologi yie ne masumu, bag wo. Ewong oshwi ne luzingu e kieleka n'ewuo emog, ⁴⁴ Kansi epa na ngyia na mbwo ipe djwi otsu ne bilungi, ne kati e tshiya epidzum. ⁴⁵ Yug ekuu eyie eli, elologi yie ne masumu, bag wog. Ewong oshwi n'ekom ne luzingu, ⁴⁶ kansi epa na ngyia na nkuu ipe djwi wofangi ne bilungi, ne kati e tshiya epidzum. ⁴⁷ Yug dziy iyie elologi ne masumu, keaga wog. Ewong oshwi n'ekub e Nzeam na dziy imog, kansi epa oyi na viy ape mby wofangi ne bilungi. ⁴⁸ Ondi onagn tshiya epitsi ngwa, mpi tshiya epitsi ndzum. ⁴⁹ Djwi wur enkum ayotsug wo kwa ne tshiya. ⁵⁰ Okwa eli vim emog e wuo, kansi yug nsa okwa emishir, asikearawo nsa ewo na nge? yiagni n'okwa gnug na gnug, mpi yiagni na ngemba gnug na gnug."