¹ Mbiy Yesu s'akienikinde ne viy'enen na ekiaga, along mpi akab etsong'enkub e Nzeam. Walongoki djum n'ipe ayiwo nande, ² mpi ndam'ankear eyivii evug na mpev'ipwo ti wankeang: Mariya eyiyim Magadala eyipwi wademona ishiambia ne djung'inde, ³ Jani, wear e Suza, wur ewum vum e Erodi, na Suzana, ye mpi ankear ensing oyosadisiki n'onke' avum. ⁴ Olwi ovear wayia nsanga, ti avear ayim wa viya etay n'etay wayia ondii eli nde, wayug itsig: ⁵ " Wur efuy'ivur apwe djwina mfugn mbeam. Ntang eletwominde mbeam, ndam'emuu elog n'ikir'imbug; vear wameara na nkuu, wamfuru wala. ⁶ Ndamu emuu elog ne dzug i atari; ntang emipwewo eyum djwi ekayia na buu e vayi. ⁷ Ndam'emuu along wu n'ondii eli n'atiene, efwe ondii emog mbiy atiene agnaga mbeam. ⁸ Ndamu emuu elog ne buu ewuo; ntang emifwewo, ewur mbeam nkama. Ntang emishir nde ntuba, Yesu asiang otuba ndindin: " Wur eli n'atii angyug ayug." ⁹ Walongok'inde woywe djwi akabi wajii ntin'etsig enagn. ¹⁰ Atuba ndawu, " Opeagni mbug na njia vii'a ngizuba elir ekug e Nzeam; kansi djwin'avear amuu, viy'awu esalag kune mbug'i itsig djwi ata walir wakwon ngien, ata wayug wakwon njia. ¹¹ Yugagni vii alituba itsig'ene: Wambeam eli otub'e Nzeam. ¹² Mbeam emilog n'ikri i mbug, eli avear ayug along, mbiy Diabulu ayi mpi alimi n'itur'iwo otub'e Nzeam, djwi wakwon ndima djwi wakwon mvug. ¹³ Mbeam emilong ne dzug'abanga, eli avear eli emiyug wu along, wavey na kiese kansi kaku edzug na wo, wayajir ne ntangu e fioti, mbiy walog ne nteang e mpukumuna. ¹⁴ Emilog ne dzug'atiene,eli avear emiyugaka otub'e Nzeam emikien wu, watipea mbug na mabanza, n'otshun ti oseang e buu ene, wapafiwur mbeam esitsun. ¹⁵ Emilong ne buu ewuo, eli vear emiyug otub'e Nzeam n'etur'ewuo, wajia ngum mbeam enagn n'inagn. ¹⁶ Kaku wur eli apiey mwinda mbiy adzub ilongo dzug, ashor ne ngye e mbeto, kansi asitsug nde wu ndzug i mesa djwi wur'enkum esishwe ayen ovianga. ¹⁷ Djwa kaku vim eli ngizuba, ekwon wo ngyen, kaku ata vim eli ngiziy ekwon wu njia mpi ekwon wu ngyegne ne viy'avear. ¹⁸ Osug na viy aleyug gnu; djwi asipeawu na wur eli na wu, kansi wur eli kaku wu, asokuma wo ata ivim elinde na wu. ¹⁹ Meande ti atung'ande wayia etay ende, kansi wakavia mbug e nkum n'ondii ende djwi n'olwi avear. ²⁰ Wokaba wuwun: " Meayie ti atung'ayie wali n'elien, waling n'ongyen." ²¹ Yesu akiara mpi atuba ndawo ndindin, " Meame ti atung ame eli avear ayug otub'e Nzeam mpi wakie viy atuba nde." ²² Eshwi emog Yesu akuna ne war ti walongok'inde, atuba ndawo ndindin: " Sibagagni nkye nzey. Mbiy s'akien wu. ²³ Ntang elelug wu nkey, Yesu ativur lwong. Opepe e byu ekir ne nzey, war eywo to na vay, anadzig wu. ²⁴ Mby walongoki i Yezu wavanga mbeama na nde, wobiya wuwun: "Nkum, Nkum, silawa!" Ntangu emibiy nde, angnianga opepe, mby atuba nda vay, wakeape s'ayiiwo pwo. ²⁵ Mby atuba nda wo ndenden: " Lukwikilu egnu eli nonkagn?",mby wayug womo ti ngituka, wayue wog na wog wuwun: "Wo ene wur ewo nagn atuba n'ekub nda opepe ti vay, walemfuka?" ²⁶ Wakum ne buu e Gerazeniena, elir na buu e Galilea. ²⁷ Ntangu emikr Yezu ne nky, wur emog eyim wiya enen enagn, ayiinde na wampeve ipwo entsugn ne djuung, ayia ne nteang e Yezu. Bana ntama, akafilweraka ileama ve, akafipieraka n'evuru ve, kansi n'aluma. ²⁸ Ntangu emiyen nde Yezu, atsug olie, alog ne nkuu inde, atuba n'otuba o biu ndenden: "Me ti yie djwi nge, Yezu Mon e Nzeam ne dzug? Ndoleama ko yie, oyampea mpay ve." ²⁹ Yezu atuba nda wampeve epwo enagn na mpwe ne djuung i wur enagn, djwi ayiwo wamishwe bana ntama; owumikiwo ngitshung eshing ne mbwo, ti iwuu ne nkuu, kansi apbakinde wog, entshung enagn alovarikiwo tii ne buu e ndzum. ³⁰ Yezu oyue: "Dzin iyie nge?" Mby akeara ndenden: Sili entsign", djwi wampeve ipwo entsign ayiwo wamishwe ya nde. ³¹ Aleama Yezu n'onkwon ontum n'ibulu i tshiya. ³² Ne dzug ombimi, ayiwo n'itwung i wamvuy wala. Mby wampeve ipwo inagn waling mbug ya Yezu djwi washwi n'itwung i mvuy, mby s'apiinde mbug. ³³ Wampeve inagn wapwe ne djung i wur ewo, washwe n'itwung i mvuy, mby s'alebrimikiwo n'ombimi, walog ne nzey, wadzig. ³⁴ Vear aleliyike ma mvuy, emiyen wo vii anagn, watsa mpaagn esiang ne wiya enen ti wa viya ikieg. ³⁵ Vear atshikiwo vii ndir vii amileg, wayia ne nteang e Yezu, wayen wur emipur wo wampeve ipwo atigneme ne nkuu i Yezu, atilwer ileama, atikea wuo; wayug womo wankum. ³⁶ Vear ayiiyen vii anagn s'akabikiwo oshin omivug wur eyii na wampeve ipwuo enagn. ³⁷ Vear ankum ayipierike ne wiya e Gerazenia s'akabiwo Yezu na ntsa etey na wo, djwi ayiiwo na womo eninen. Mby Yezu avean ne war, s'akey nde nkien. ³⁸ Wur eyii na wampeve ipwo enagn awigna nda Yezu na ngyaka mbeama na nde, kansi Yezu atuba nda nde nenden: ³⁹ "Keantsa evuru eyie, djwi okabike vii amokie Nzeam." S'akien nde, mby s'akabikinde oshwuong ne wiya enen vii ayiiki Yezu ya nde. ⁴⁰ Ntangu emikea Yezu, oluy o vear s'oyami wo, djwi wankum okungikiwo. ⁴¹ Yenaka wur emog ayia, dzin inde Jairus, ayiinde nkum e sinagoga. Alog ne nkuu inde, oleama na nshwe n'evuru ende, ⁴² djwi ayiinde ko na mon emog onkear ayinde na mvwe djum n'ipe, aling ngwa. Ntangu eletshike Yezu, oluy o vear walotum eveang-eveang. ⁴³ Ayiwo n'onkear omog alepwikinde aluung ekug mvwe djum n'ipe, amipiy vim ande ankum djwi na monganga, kansi kaku ata emog oyovugi ve. ⁴⁴ Avanga ne mby e Yezu, akir nsor ende eleama. Ko ntangu enagn, aluung ayiipwike ashir. ⁴⁵ Mby Yezu atuba ndenden: "Nagn eminkir?" Mby wur na wur asan, mby Petelo ti vear ayii ti nde watuba wa nde wuwun: "Nkum, oluy o vear watodjing mpi walotag, yie oyue wur emokir nagn?" ⁴⁶ Kansi Yezu akeara ndenden: "Wur emog antinkir, djwi ntiyug biu emog etipwe ne djuung ime." ⁴⁷ Ntangu emiyen onkear onagn ndenden watojia, ayia ndog n'ekukuma ne nkuu inde, mby s'akab nde djwi na nge eyokir nde ti oshin omivug nde mbala emog. ⁴⁸ Yezu atuba nda ne ndenden: "Mon me onkear, lukwikilu eyie etovuga, tshwag na ngemba." ⁴⁹ Ntangu eyii atoshir ntuba ve, wur emog eyim etay e nkum e sinagoga, okaba ndenden mon nde onkear atiwa; oyatungisa Nkum ve." ⁵⁰ Mby ntangu emiyug Yezu djwi inagn, atuba nda nde ndenden: "Oyayug womo ve, djir kaka, mon yie asivug nde." ⁵¹ Ntangu emikum nde n'evuru, Yezu apum vear ankum na nshwe ti nde, avey ko Petelo, Yoane, Jaki tea ti mea e mon. ⁵² Wankum s'aliyikiwo, ayugikiwo mpay djwi na nde. Mby Yezu atuba ndenden: "Oyaliyagni ve, atowe ve kansi ativur lwong." ⁵³ Woyue two, djwi wajia wuwun mon onkear onagn atiwa. ⁵⁴ Mby s'eyovey nde ne mbwo inde, adzama na biu, ndenden: "Mon, yima!" ⁵⁵ Moyo ende ekea ya nde, ayima ko ne ntangu enagn, mby Yezu atuba nda wo djwi wopii vim a nda. ⁵⁶ Teande ti meande wayen ngituka mby atuba nda wo na nkwon nkaba ata wur emog vii anagn.