¹ Eshwi e sabata emog, Yesu aletiarikinde ivur' i bele, walongok'inde s'akiagikiwo wa bele, walima mpuyi na mbwo s'alikiwo. ² Wafarize imuu iyiyi kog watuba wuwun: " Djwi na nge ekiegnu vum apitsunkiesu eshwi e sabata?" ³ Yesu akiara ndindin: " Akatangagni viy ayikiy Davidi, ntangu eyipwiwu,eyiyug nde nziya, nde ti avear eyiyii wande? ⁴ Otsin eyishwinde n'evur e Nzeam, avey mampa eyipiwu empeab ya Nzeam, ala, apea ko avear ayiyii wande, djwi avear akug nankie vum anagn eli ko wanganga Nzambi? ⁵ Mbiy akaba ndindin, " Mon wur ali nkum e sabata." ⁶ Eshwi e sabata emuu, Yezu ashwe ne sinagoge s'alongikinde. Wur emuu s'ayindi ne tiy, ewuo ende emiyum. ⁷ Wasikribi na wafarize s'alirikiwu Yezu, yu asivugande wur enagn eshwi e sabata, djwi wasavia ekum'edjwi esofugniwu nde. ⁸ Kansi nde ajikinde ngind'iwo mpi atuba ndia wur eli ewuo ndzum ndindin, " Yima, mpi tsog ne kati kat'avear." Wur ewu ayima atsa ne kat'avear. ⁹ Yezu atuba ndawu ndindin, " Me ndoywagni, yu eliwuo nankie iwuo eshwi e sabata to nankie ipwo; na mvuga wur to na ndjag wur? ¹⁰ Alir wankum ne viy ne viy, atuba nda wur ewu ndindin: Shima ewuo eyie, asshima, ewuo ende ekea wuo. ¹¹ Avear wayug nkier, s'atubikiwu wog na wog djwi na ndjia otsin esikiewo djwina Yezu. ¹² Ne ntang enagn Yezu s'atswinde n'ombimi djwina nsama, akinde otshuu opfugn djwina nsama Nzeam. ¹³ Ntang emikeam vuna, avie walongok'inde, ason djum n'ipe, s'apinde dzin iwu wantumwa. ¹⁴ Ayiwu: Simoni, eyipinde dzin i Petelo, na otung'ende Andrea, Zaki, Yoani, Filipu, Bartelemi, ¹⁵ Matao, Toma, Zaki e mon Alife, Simoni eyivikiwu Zeloti, ¹⁶ Yude mon e Zaki, na Yuda Isikarioti eyisar Yezu. ¹⁷ Yezu akera ndawu, s'akum wu n'imon ombimi, ondii eyiyi olwi e walongok'inde imuu n'olwi avear ankum eyum buu e Yudea, ayum Yerusalema n'avear ayum etay e nzey e Sido na Tir. ¹⁸ Ayiwu ngnug along ande djwina mvug ko na nkiang ewu. Avear ankum eyiyii na mpev'ipwo, avugikiwo. ¹⁹ Olwi avear anagn ankum alingikiwo n'okir na mbwo djwi biyu emog alepwikiwo nande, s'alevugikiwo na nkeang wankuma. ²⁰ Mbiy Yezu ajir viy etay e walongoki, atuba ndindin: " Kiese na gnug avear ali emva djwi ekub e Nzeam eli n a gnug. ²¹ Kiese na gnug avear ali nzea opeane djwi ayayur wu. Kiese na gnug avear alie opeane djwi ayayiagnu n'oseang e gnug. ²² Kiese e gnug ayayiawu ntangu eyosarakagni vear, ntang eyokemakagniwo, eyotwakagniwo, eyoyenakagniwo mpama djwina Mon wur. ²³ Yiagni na kiese eshwi enagn djwa ifut'ignug ayayiawu inen ne dzug, djwi wateawu apiwo wangunza i nteang mpay k'otsin enagn. ²⁴ Kansi ngiy djwina ngug ankea ekiri djwin'opean itur'i gnug na kiese. ²⁵ Ngiy na gnug avear emiyur djwi ayayug gnu nzea. Ngiy na gnu avear ayuetwo opeane, djwi ayasshwegnu n'okio, ayaliegnu aluu. ²⁶ Ngiy na gnu, yu vear ankum watuba viawuo djwina gnu, djwi ateawo akikiwo k'otsin enagn na wangunza ipwo. ²⁷ Kansi me, ntuba ma gnu vear a ngnug: Leangagni wamben'ignu, kiagni wuo n'avear ayosaragni. ²⁸ Sakumunagni vear atuba na gnu viapwo, samagni djwin'avear alopeagni mpay. ²⁹ Yu wur atonag mbata n'itam imog, peande itam'imuu. Yu wur atokuma kazag eyie, siangande akumi n'onkur eyie e dzug. ³⁰ Wur atolinga vum, peande. Yu wur atokuma vum eyie, siangande atsu na wu. ³¹ Otsin oleagnu vear wakiy djwina gnug, kiagni ko djwina wu. ³² Yu oleangagni ko vear etsondeangagni, djw'inenen nge emikiegnu kog? Vear a masumu atsawu ndeang k'avear atsandeang wo. ³³ Yu atsagnu nkie wuo ko n'avear otsonkeagni wuo, djw'inenen nge emikiegnu kog? Vear a masumu k'atsawu nkie k'otsin enagn. ³⁴ Yu atsagnu ntshomo vum ko n'avear etshug sug itura k'asikeasu mvea vum enagn, djw'inenen nge emikiegnu? Djwi vear a masumu atsawu ntshomo ko n'avear a masumu. ³⁵ Kansi leangagni wamben'ignu, peagni vum a ntshom n'avear, ayatsugagni itura enkea mvea vum wayo, ifut'ignu asiyiawu inenen, mbiy asiyiagnu aman'a Tea eli ne dzug; djwi nde, ali wuo n'avear apea okan, n'avear apwo. ³⁶ Yiagni vear ayug atung ngiy kamisi Teagnu etsand'ongnugagni ngiy. ³⁷ Oyabagagni wur ewu djwi ko wakwon n'ombagagni gnu ewu. Ayabinagni wur ne timinar djwi gnu mpi wokwon n'ombinagni ne timinar; lolula nde ne timinar yie mpi wololuli ne timinar. ³⁸ Peagni, avear mpi wopeagni gnu. Ayatsug wu n'ikob iyie ikab tii eyui toh, epay; djwi ayoyer wu k'otsin oyer yie." ³⁹ Akea mpea etsig ene: "Nge wur emibwe viy asikug nde na ndag mbug na wur emuu emibwe viy? Wapalog wankeape n'ipug? ⁴⁰ Wur e longuka apilengi long'ende kansi wur emipug ndonguka vum'awu asikum nde kamisi nkum'ende. ⁴¹ Djwina nge eyen yie k'efuya ne dziy'otung'eyie, kansi etign oshung ne dziy'iyie opiyen? ⁴² T'otsin nge esituba yie n'otung'eyie yeyen: " Otung, sianga ndimi efuya eli ne dziy'iyie, yie wur epiyen etign'otshung eli ne dziy iyie? Oyang'eyie, sitolima etign'otshung eli ne dziy'iyie, mbiy osayen efuya eli ne dziy otung'eyie. ⁴³ Oshung'owuo epikug ngur atub'apwo, mpi oshung opwo epikug ngur atub'awuo. ⁴⁴ Djwi atsawu ngia oshung n'oshung n'atub'ande. Wapitsi nkeaga figi n'atiene, wapitsi ndima bele n'ekukwom. ⁴⁵ Wur ewuo atsande mbin wiy'awuo ayim n'iteang etur'ende, wur epwo k'atsande mbin vim apwo ko n'iteang'inde, djwi odzum atsande mpur ko viy amijio n'etura. ⁴⁶ Djwina nge emviegnu, Nkum, Nkum, kansi opikiagni viy atuba me? ⁴⁷ Asoyegnagni me wur enkum eliyi etay eme, alotsin emog nda nagn, yu atiyug otub'eme, akiy viy'ame. ⁴⁸ Ol'otsin emog na wur eli, ntang'etung nde evuru ende, atsim ipug eshwi ngie, atsug itsin'evuru n'atari, ntang emiyia mpie, mbing evay etitag evuru ewo kansi ekalog, djw'atung wu evuru ewu wuo. ⁴⁹ Kansi wur etsangyug otub'eme, mbiy apikiy vum awu, alotsin emog nda wur emitung evur'ende ne buu, akatsug itsin'evur. Mbing'e vay etitag, evur'ewu etilog, etibwe enkuma."