¹ Ntang emikug mvwe djum n'itean e ekub e nkumTiberiya Sezari, ntangu eyi Pilato ali nkum ne Yudea, Erodi nkum ne Galilea, otung ende Filipu nkum ne Eture ne buu e Trakonite, Lizaniase nkum ne Abilenge, ² Ntang eyi Ana ti Kayifa wali wankum e wanganga Nzambi, otub'e Nzeam opwe na Yoani, mon e Zakaria, ne buu e dezer. ³ Atsa nkum ne viya inkum eli mbeama na Yordani, alelong djwi vear wavey mbotika watshim'itura djwi walimi ipwo iwo. ⁴ Otsin eyifugniwo n'onkeana e ngunza Ezayi: " Ene eli otuba e wur e buu evie ne dezer: Wongagni mbug e nkum, djubagni abulu ankuma ne mbug. ⁵ Abulu ankuma ayadzub wu, embimi ekuma ayakrawu, enkum emitsa n'ikiri ayashima wo, mbug enkuma eli n'abawu ayadjub wo, ⁶ Mbiy enkum ayen evug e Nzeam." ⁷ Mbiy Yoani atuba nd'oluy avear ayiyiki djwi mvey mbotika etay ende, ndindin: " atshwe ane, nagn emokabagni na ndur nkier eliyi? ⁸ Puragni mbeam iwuo ikab nde omitshimagni itura, kansi epa djwi otubakagni wuwun Abrayama alinde ndwundwu esu, djwi mokabagni Nzeam asikug mpur aman'Abrayama ata ne kati atari ane. ⁹ Ishwa ewyan etivanga djwina wabag otshung ne nsibulu; otshung enkuma epiwur mbeam, ayabag wu, ayofongo wu ne tshia." ¹⁰ Vear s'oywikiwu wuwun: " Asikiesu otsin okagn? " ¹¹ Ankeara ndindin: " Wur eli n'ileam i dzug ipe apiy emuu na wur ekwon eleam, wur eli na vum anda, akiy otsin omog." ¹² Vear ayiveyiki ekir'empaku wayia djwi wavey mbotika, watuba wande wuwun: " Long, siyakie esinge? " ¹³ Akeara ndindin, " Oyavegnagni ekiri e mpaku ne dzug isuu e ekir emiwignawu." ¹⁴ Wa mpulusi mpi wayia ngwe: " Mbiy sug, siyakie otsin onkagn?" Atuba nda wo ndindin: " Ayakumagni na biu vum e wur, ayakamagni mpi vum e wur. Liragni k'ikab oyofutagni wo gnug. ¹⁵ Kamisi vear ankum akungikiwo mpi aywikiwo yu Yoani apa ali Mesiya. ¹⁶ Yoani s'akabikinde wiankuma: " Me, mopeagni ko mbotika e vayi kansi wur eleseyi mbiy andenga na biyu, mpikug na ngama ata eshing e sabat'inde ne nkuu; nde ayopeagni nde mbotika e Mpeve Santu ti e tshia. ¹⁷ Ali n'ikom inde n'eywo, alekom iyawiya inde, ayatsug nde bele n'esag ende kansi mpuyi iwo ayatuomo nde ne tshia epitsi ndzum." ¹⁸ Enagn eli otsin elilongiki Yoani, apikinde vear along amuu diaka ensign. ¹⁹ Kansi Yoani, ntang eyingiagniki nde Erodi Tetrayaka djwina Erodiasi, wear'otung ende, mpi djwina epwo imuu eyikiyikinde, ²⁰ mbiy Erode djwina viya anagn enkum, ayika ndindin wotsug ne boloko. ²¹ Ntang eletswiki vear ankum djwina mvey mbotika, Yezu mpi atsa mvey mbotika, mpi ntang eyisambiki nde olung ongam, ²² Mpeve Santu akera ne dzug inde kamisi nkodima, otub'emog epwe eyum dzug etuba: " Oli Mon me eleang me entsign, mitsug ngagn eme enkum nayie." ²³ Yezu akum nde na mvwe osar ntang emibanda nde otshia onde. Ayinde otsin oyobansiki vear, mon e Yozefo, mon e Heli, ²⁴ mon e Mata, mon e Lewi, mon e Melki, mon e Zanayi, mon e yozefo. ²⁵ Yozefo ayindi mon Matatiasi, mon e Amosi, mon e Nawumu, mon e Esili, mon e Nagayi, ²⁶ mon e Mata, mon e Matatias, mon e Semeyi, mon e Yoseki, mon e Yoda. ²⁷ Yoda ayinde mon e Yoanana, mon e Reza, mon e Zorobabele, mon e Salatiele, mon e Neri, ²⁸ mon e Meliki, mon e Adi, mon e Kosama, mon e Elemadam, mon e Ere, ²⁹ mon e Yosua, mon e Eliesere, mon e Yorimi, mon e Mata, mon e Lewi. ³⁰ Lewi ayinde mon e Simeyone, mon e Yuda, mon e Yozefo, mon e Yonama, mon e Eleyakimi, ³¹ mon e Meleya, mon e Mena, mon e Matata, mon e Nata, mon e Davidi, ³² mon e Isayi, mon e Obede, mon e Bozo, mon e Salmo, mon e Nasono. ³³ Nasono ayinde mon e Aminadada, mon e Adimini, mon e Arini, mon e Eserona, mon e Perese, mon e Yuda, ³⁴ mon e Yakobo, mon e Izaki, mon e Abalayama, mon e Tera, mon e Nakoro, ³⁵ mon e Seruku, mon e Ragawo, mon e Paleke, mon e Ebere, mon e Sela. ³⁶ Sela ayinde mon e Kayinana, mon e Alpazade, mon e Seme, mon e Noya, mon e Lameke, ³⁷ mon e Matusela, mon e Enoko, mon e Yarede, mon e Maleleye, mon e Kayina, ³⁸ mon e Enosi, mon e Seti, mon e Adamu, mon e Nzeam.