1
Wayima wankum, wavara Yezu ne nteang e Pilato.
2
Wofugn wuwun: "Ayen su wur ene aletum vear wakwon ndemfuka na vii a mbumater, wakwonike mfuta ekri e mpaku ya Sezar, ndemie aletubi ndenden ali Kristu, ali vuy."
3
Pilato ojue ndenden: "Oli vuy e waYuda?" Yezu okeara ndenden: "Ko oshin omituba yie."
4
Pilato atuba nda ankum a wanganga-Nzambi ti oluy o vear anagn ndenden: "Mpiyen ata djwi ipwo ya wur ene ve."
5
Kansi wo, watsug ko inaagn wuwun: "Alelong vear a Yudea ankum wakwon ndemfuka na vii a mbumater, amibana yim ko Galilea tii ko nendien."
6
Ntangu emiyug Pilato dzin i Galilea, ajue yug Yezu ali wur e Galilea.
7
Ntangu emijia nde ndenden ali wur e ntn e buu e Erodi, s'otum nde ya Erodi, nde mpi nshu inagn ayiwo ali ne Yeruzalem.
8
Erodi ntangu emiyen nde Yezu, ayia n'osiang entsign, djwi alelignikinde ayen Yezu bana ntama, aleyugikinde vii alekabikiwo djwi na nde, alingikinde atoyen ata kidimu emog esikiende.
9
Ojue vii entsign kansi Yezu akakeara ata djwi imog ve.
10
Ankum a wanganga-Nzambi ti walong i nsiku ayiiwo kog, wobeam vii amuu entsign.
11
Erodi ti ayer-nkuu ande watshima yezu kamsi wur e mpama. Woyue two, wolwer eleama e kwi etitey, mby s'okeariwo etay e Pilato.
12
Ko eshu enagn, Pilato ti Erodi s'akum wo iwur i biu djwi nteang ayiikiwo wambeni.
13
Pilato s'aviinde ankum a wanganga-Nzambi. ankum abag vii ti oluy o vear ankum, ndenden:
14
"Otiyiagni ti wur ene etay eme djwi oluy o vear ane wayug nkier. Yenagni ntojue ne nteang egnu, ne vii ankum amofugn wo nde, mpiyen ata ipwo imikiende ve.
15
Ata Erodi mpi kaku ipwo imiyen nde ve, mby s'amokeara nde etay eme. Kaku ipwo imikie wur ene ve djwi avey ndola ewa.
16
Walonang ko fimu, ne mby ewo, asosianga me akien."
17
N'okina enkum e Pake, Pilato apurikinde wur emog ne bolog.
18
Wadzama wankum mbala emog wuwun: "Djag nde kansi pur Barabasi ne bolog!"
19
Barabasi ashwinde bolog djwi atum nde vear wakwon ndemfuka na nsiku i mbumater, adjag nde mpi wur emog.
20
Pilato akea ntuba nda wo, djwi nginu inde ayiwo ko asiangi Yezu akien.
21
Wakea ndzama na biu wuwun: "Kwog nde ne kulunsi! Kwog nde ne kulunsi!"
22
Pilato akea ntuba nda wo mbala otatu ndenden: "Ipwo nge emikiende? Mpiyen ata djwi imog esopeame ndola ewa ve. Asosianga me akien, wonang ko fimu."
23
Kansi wo, watsug ko inaagn, wuo ko wadjag Yezu ne kulunsi. Elie eyitsugikiwo epea Pilato nkier.
24
Pilato ndenden asikiende ko oshin oleang wo.
25
Mby s'asianginde wur eyitsug wo ne bolog, wur eyiitum vear wakwon ndemfuka na nsiku i mbumater, eyiidjag ti wur, oshin oyiileang wo, apea Yezu ne mbwo iwo.
26
Eletshikiwo ti nde, wayen wur emog ayim evur, Simoni e Sirene, wopea na mvara kulunsi, asadjie Yezu.
27
Vear entsign alosedjikiwoankear waleliiy djwi na nde, walenang mbwo n'ebimi.
28
Yezu akeantshim etay ewo, nda wo ndenden: "Aman ankear a Yeruzalem, oyaliyagni djwi na me ve, kansi liyagni djwi na gnu ti aman agnu.
29
Djwi nshu ileye, vear ayatubakawo wuwun: 'Osiang ya ankear ekuba, osiang ya ipfugn itowur aman, ti ankear atopii aman aviyo.'
30
Mby ayatubakawo ya embimi wuwun: 'Yag ologagni ne dzug isu! Ya embimi ekieg-kieg: 'Yag otedzubagni!'
31
Yug oshung o mvu walokie ngean, mby oshung o ndzum ayayiawo oshin onkagn?"
32
Ne ntangu enagn, alevarikiwo ti ankea vimu apeeletshikiwo ndjag ti nde.
33
Ntangu emikum wo n'ondii eviewo "Ebaay ote", wokwog ne kulunsi kog, ti ankea vimu ape anagn, emog ne wum ewuo, emuu ne wear ewuo.
34
Yezu atuba ndenden: "Tea, lolula wo, djwi wapijia vim ekiewo ve." Ileama inde wakie akab-akab, wabug dzeke djwi na wur nagn esivey.
35
Vear ankum watiyima, walirike. Ankum abag vii s'oyuikiwo two, wuwun: "Avugikinde ko vear amuu, kansi atovugaka ndemie yug ali Kristu Mon e Nzeam."
36
Ayer-nkuu mpi oyuikiwo two, wayia mbeama na nde, wopea na gnua vay ongni,
37
wuwun: "Yug oli vuy e waYuda, vugaka yemie!"
38
Ne dzug inde ote, afugn wo ngean: "Ene vuy e waYuda."
39
Nkea wumu emog eyiikwog wo ne kulunsi otwikinde, ndenden: "Yie epa oli Kristu? Vugaka yie yemie, otevugi ti su."
40
Mby, nkea wumu emuu egni ongnianga, ndenden: "Opilur womo e Nzeam ve? Djwi yie mpi oli na ndola oshin omog.
41
Djwi na su, ndola ene eli n'itsin i djwi, eli ipwo imikiesu, kansi nde, kaku ipwo imikiende ve."
42
Mby atuba nda Yezu ndenden: "Yezu, onkani eshu eyayia yie n'ekub eyie."
43
Yezu nda nde ndenden: "Mokaba vi-a-vii, ko lwo ene, asiyia yie ya me ne paradisu."
44
Emikum wo ne ntangu djum n'ipe, mpib elog ne buu opfugn, tii ko ne ntangu djum n'itean.
45
Vuna ekum mpib, eleama eyike ne mbwung e tempelo eyay ko ne ngnina.
46
Yezu adzama olie na biu ndenden: "Tea, ntikeara mpeve eme ne mbwo iyie." Emishir nde ntuba, mby s'asug nde egnim.
47
Nkum ayer-nkuu emiyen nde ngean, akumisa Nzeam ndenden: "Vi-avii, wur ene kaku ipwo imikiende ve."
48
Ata oluy o vear amuu ayiilirike, ntangu emiyen wo vii anagn, wakeankien walenang ko mbwo n'ebimi.
49
Kansi iwur inde inkum iyojii nde, ti ankearalosodjiike yim ko Galilea, wasayima etey, walir ko vii anagn.
50
Ayiwo na wur emog dzin inde Yozefo, ayinde n'itwung i vear abag vii, ayiinde wur e wuo.
51
Wur ewo akashwe ata ne djwi i wur ve. Ayiinde emog ne kati e vear ayisaveyaka otuba e nsuka n'ewu. Ayim nde Yudea, ne wiya eviewo Arimate; alelingikinde ekub e Nzeam.
52
Wur ewo atsa ya Pilato, s'awigni nde djung i Yezu.
53
Mby s'akynde djuung ne buu, adzub marikagn e siy, atsampfugn n'aluma ayiitsum nde n'atari, ondii owo watopfugn ata wur nteang ve.
54
Ayiwo eshu ewong wo djwi na nkum sabat.
55
Ankear ayii ti Yezu yim Galilea, wasadjie, wayen nkr emitsug wo djuung inde ti oshin emopfugn wo.
56
Emikeawo, wawong ananagn a nsuu ti vir djwi na djuung inde.