¹ Eshu enteang e mpoy emuu enagn, ne suka-suka, ankear awo watsa aluma, wavara vir ti ananagn a nsuu ayiwong wo. ² Wayen watilima itari iyidzub won'itunu i nkr ewo. ³ Washwe, wakayen djuung i Nkum Yezu ve. ⁴ Ntangu etutuba wo na vii anagn, wayen ko vear ape wapwe n'elobo i siy-siy. ⁵ Wayug womo, wkeya ilung iwo ngie. Vear anagn wuwun: "Djwi na nge eleling gnu wur eli na luzingu ne kati e vear amiwa? ⁶ Apa ali nendien ve, atibiy n'ewa. Kanagni vii ayokabagni nde ntangu eyiinde nda gnu ne Galilea, ⁷ Atubinde ndenden ekug wuo wasar Mon-wur ne mbwo i vear a masumu, ayodjag wo ne kulunsi, eshu otatu ayabiy nde n'ewa." ⁸ Wakea nkana otuba onagn mpi. ⁹ Elekey wo yim aluma, wayia nkaba walongoki djum n'emog enagn, wakaba ti vear ankum. ¹⁰ Ankear ayinkaba wantumwa vii anagn ayiwo Maria e Magdala, Yoane, Maria e mea e Jaki, ti ankear amuu ayii ti wo. ¹¹ Wavey vii awo kamsi ko ndoy, wakadjir vii ankear anagn ve. ¹² Kansi Petelo ayima n'iveang s'atshinde aluma. Ababa, alir, ayen ko ileama i mpama, s'akey nde nkien evuru ende. Ayen ngituka na vii amiyen nde. ¹³ Yenaka ko eshu enagn mpi, walongoki ipe aletshikiwo wiya emog dzin iwo Emaus, etey na yeruzalem ata wakilometre djum n'emog. ¹⁴ Alesulikiwo na vii amileg anagn. ¹⁵ Ntangu eletubikiwo, eletsug wo esiy, Yezu ayia ndemie, s'aletshikinde nda wo mbug emog. ¹⁶ Kansi viy awo ekangam ve djwi wojii. ¹⁷ Yezu nda wo ndenden: "Djwi nge eletubignu n'ekien egnu?" Wayima, watiyia ko ngy-ngy. ¹⁸ Emog dzin inde Kleopasi, okeara ndenden: "Ne kati e Yeruzalem ene, oli ko yemie wur epijia vii alelig nshu ine?" ¹⁹ Yezu nda wo ndenden: "Vii awo nge?" Wokeara wuwun: "Vii a Yezu e Nazarete, ngunsa emog e biu n'etshia ende, ti n'otuba ondene nteang e Nzeam ti ne nteang e vear ankum, ²⁰ oshin eyosar ankum a wanganga-Nzambi ti ankum asu abag vii, mby s'okwog wo ne kulunsi. ²¹ Ekaagn esu ayiwo ya nde wur enavuga Israel ne mpay, vii anagn atileg lwo nshu isar. ²² Kansi ankear amuu ne kati esu watekaba djwi i ngituka, atshiwo aluma ne suka-suka, ²³ wakayen djung inde ne nkr ve, s'ayiwo ntekaba wuwun banzio apwiwo wuwun Yezu atikea ne luzingu. ²⁴ Ne kati esu, amuu mpi atshiwo aluma, ayen wo ko oshin oyikab ankear anagn, kansi nde ndemie wakoyen ve." ²⁵ Mby Yezu nda wo ndenden: "O vear nge akwon waagn ngean, ti itura ntsug, wapileang ndjir vii ayitubi wangunsa! ²⁶ Wakatuba wuwun ekug wuo Kristu atoyen mpay mby asashwe ne nkembo ende?" ²⁷ Abana yim ko Moize tii ya wangunsa inkum, Yezu atendula vii ankumayifugn wo n'enkeana, vii olir nde. ²⁸ Ntangu emikum wo mbeama na wiya eletshikiwo, Yezu akie kamsi aletsu etey. ²⁹ Kansi wo, watsug inaagn wuwun: "Yia ti su nendien, vuna etijie." Mby s'atshinde, agneme nda wo. ³⁰ Ntangu eyilikiwo ne dzug i mesa, akir mampa, akeara nsag-na-vie ya Nzeam, mby s'abag nde itign-itign, s'apiinde. ³¹ Mby viy awo s'angam wo, s'ojiiwo, wakafoyen ve ne viy awo. ³² Watuba wog na wog wuwun: "Itura isu apieyikiwo tshiya neti, ntangu eletubikinde ne mbug, eletenduli nde vii ayifugn wo n'enkeana." ³³ Wayima ko ne ntangu enagn, wakea Yeruzalem. Watsa ngyenwantumwa djum n'emog enagn, ti vear amuu ayii ti wo ondii omog. ³⁴ Wakaba wuwun: "Vi-avii, Nkum atibiy n'ewa, apwe mpi ya Simoni. " ³⁵ Wakab oshin oyiyen wo ne mbug, ti oshin eyojiwo ntangu eyibagikinde mampa. ³⁶ Ko ntangu eyikabikiwo vii anagn, Yezu ndemie ndean amiyia ne kati ewo, nda wo ndenden: "Ngemba eyii ya gnu!" ³⁷ Wayug womo, wabam, abansiwo watiyen emono. ³⁸ Yezu atuba nda wo ndenden: "Djwi na nge eyug gnu womo, djwi na nge nginu oshin one n'itura ignu? ³⁹ Liragni mbwo ti nkuu ime, eli mug. Onkiragni, liragni wuo, djwi emono kaku nde na djuung ti viyu ve kamsi eyen gnu ya me." ⁴⁰ Ntangu etuba nde, ayegne mbwo ti nkuu inde. ⁴¹ Wakatodjir ntete ve, wayen ko osiang ti ngituka. Yezu nda wo ndenden: "Kaku gnu na vim anda ve?" ⁴² Wopea nse e ngifum ti ndamu e mpag. ⁴³ Avey, s'alinde ne nteang ewo. ⁴⁴ Mby s'atubinde nda wo ndenden: "Enagn wog vii ayitubikime ma gnu ntangu eyikime ti gnu, ayiwo wuo vii ankum ayitubi wo djwi na me ekug, vii ayiifugn Moize, wangunsa ti n'onkeana e wankunga." ⁴⁵ S'angaminde ontwongdjwi wajii vii amifugn wo n'enkeana. ⁴⁶ Atuba nda wo ndenden: "Wamifugn wuwun Kristu ayatoyen nde mpay, ayakeande mbiy n'ewa eshu otatu. ⁴⁷ Mby ayalongakawo along a nshima etura ti e ndolula i masumu ne dzin inde, ne buu enkum opfugn, ayatobana wo ne Yeruzalem. ⁴⁸ Gnu, olagni wantiegn i vii ane. ⁴⁹ Yenagni, ayotumagni me eyitubi Tea me ndenden ayampeande, kansi gnu, yiagni ko ne wiya enen nendien tii ko eshu eyalwer gnu biu o Nzeam eyim dzug." ⁵⁰ Yezu atsa ti wo ne Betania, asiang mbwo inde dzug, s'asakumuni nde. ⁵¹ Ntangu asakumuna nde, anam nda wo, s'avean nde ne dzug olung. ⁵² Mby wo, ntangu emishir wo mfukimina nde, s'akey wo Yeruzalem n'osiang onkum. ⁵³ Ayikiwo ntangu enkum ne tempelo, wakumisa Nzeam.