¹ Ne ntangu enagn, vear wayia oluy n'oluy, waling ko nkeameara amuu, mby s'atubinde nda walongoki inde ndenden: "Nteang-nteang, osugagni n'ete e mampa e wafarize, eli ya wo eli oyang. ² Kaku vim eli ngizuba epikwon wo ngyen ve, ata oziy epikwon wo mpi njia ve. ³ Wog enagn, vii ankum ayatubakagnu ne mpib, ayayugakawo mbiiy enkum, mpi vii ayatubakagnu n'itii neti evuru, ayalongakawo ne dzug otwon. ⁴ Ndatuba ma gnu vear ali iwur ime: Oyaluragni vear asikug ndjag ko djuung, kansi ne mby ewo, wapikug nkie vim emuu iky ve. ⁵ Kansi me ndokabagni wur efwete ngu nduur. Wuo oluragni wur eli, yug atidjag, ali n'ekub e ntwomo wur enagn ne bilungi. Ee, mokabagni, enagn wur efwete gnu nduur. ⁶ Wapitsinsar atwere atean akutu ape? Kansi ne kati ewo, kaku ata emog eli Nzeam amojing ve. ⁷ Ata awuu agnu n'ote, eli ngitanga enkum. Oyafiluragni ve: Olagni na mfunu elenga atwere. ⁸ Mokabagni, wur eyanjir me ne nteang e vear, Mon-wur mpi ayojir nde ne nteang e banzio i Nzeam, ⁹ kansi wur eyansan me ne nteang e vear, ayosan me mpi ne nteang e banzio i Nzeam. ¹⁰ Ata wur eyatuba ipwo djwi na Mon-wur, ayololula wo; kansi wur eyatwe Mpeve-Santu apayavea ndolula ve. ¹¹ Ntangu eyovaragni wo ne nteang e wasinagoga, ti ankum abag ewu, ti ankum a mbumateroyayenagni mpay n'itura ve n'oshin osisamagnu go esituba gnu; ¹² djwi Mpeve-Santu asokabagni nde ko ne ntangu enagn oshin ositubagnu." ¹³ Mby wur emog ne kati oluy o vear anagn atuba nda Yezu ndenden: "Nkum, kaba otwung ome ompeam sikii akab a vim asu oleama-nzo." ¹⁴ Yezu okeara ndenden: "O wur ene, nagn emintsug me wur ebag vii agnu go wur ekie akab a vim agnu?" ¹⁵ Mby s'atubinde nda wo: "Osugagni, oyakiagni mvuy ve, djwi wur, ata ali n'otsun onde, luzingu ende epilir vim alinde na wo ve." ¹⁶ Mby Yezu apea etsig , atuba ndenden: "Wur emuu ayinde n'otsun entsign n'evur ende. ¹⁷ Atubike n'etura ende ndenden: 'Nge eyakieme, djwi kaku ondii oyatsug me vim ame ali n'evur ve?' ¹⁸ Atuba ndenden: 'Ntiyen oshin oyakieme: ayabvuo me mvuru ime, ayatwung me mvuru inen-inen, ayatsug me etunu, mby ayatsug me vim ame ali n'evur ti otsun ome. ¹⁹ mby ayatuba me ya moyo eme: Moyo eme, oli n'otsun entsign emiwum yie mvwe na mvwe; sayor, la, gnua, yia n'osiang.' " ²⁰ Kansi Nzeam atuba nda nde ndenden: "Oli obwunu! Ko otshu one, ndalima moyo eyie, mby vim amiwum yie ene, asisawoyia vim a nagn?" ²¹ Eli oshin omog ti wur elewum otsun djwi na nde ndemie, etay e Nzeam, apa ali n'otsun ve." ²² Yezu atuba nda walongoki inde ndenden: "Wog okabagni me, oyayenagni mpay n'itura ignu djwi n'epier egnu, djwi na vim nge esilagnu, ata na djuung ignu djwi na nge esilwer gnu. ²⁴ Yenagni inkea-nkea, wapifuy vim n'ivur ve, wapikeagi mbeam n'ivur mpi ve; kansi Nzeam alapii vim andaMbala kwe elenga gnu wamfuru! ²⁵ Ne kati egnu nagn emiyika ivim i nshu ne luzingu ende djwi na vii alekani nde n'etura? ²⁶ Yug kaku ata vim eyikagnu ve, djwi na nge elekani gnu vii n'itura ignu? ²⁷ Toliragni oshin olefuyi bintuntu: wapikii otshia ve, wapitwung ileama ve. Kansi mokabagni, ata Salomono n'otsun ondeeyiinde na wo, akalwer ata eleama oshin onagn ve kamsi bintuntu. ²⁸ Yug Nzeam alelwer idjiu eli lwo n'evur, nampign wafangi ne tshiya, mbala kwe esolweragni nde gnu, vear a lukwikilu e fioti ene! ²⁹ Gnu, oyayiagni ngy-ngy ve djwi na nding nge esilagnu ti nge esignua gnu. ³⁰ Djwi vim ankum anagn eli empaagn ne buu ene vear atsanding. Tea gnu ajia nge elignu na wo mfunu. ³¹ Tolingagni nteang-nteang ekub e Nzeam; mby vim amuu ane ankum asopeagni wo ne dzug iwo. ³² Oyayugagni womo ve, gnu itwung ikieg ameme, djwi Tea gnu amileang n'ompeagni ekub e dzug. ³³ Saragni vim alignu na wo, peagni ekri ewo ya ankea emva. Wumagni ekri rgnu n'ondii oli kaku ntey, otsun eli epishir ne dzug i Nzeam, djwi mpiog, nkea wumu apakum ve, epata ntey mpi ve. ³⁴ Djwi ondii oli otsun oyie, etura eyie mpi asiyiawo ko neti. ³⁵ Tshungagni okaba n'ikini ignu, pieyagni mwinda ignu. ³⁶ Mby gnu, yiagni kamsi vear ali wakwung nkum ewo atshinde ivea, djwi ntangu esikeande, esikokola nde, asongamawo epfug. ³⁷ Ntangu esikea nkum enagn, vear otshia esiyen nde watovur ve, wog anagn asiyiawo n'osiang. Mokabagni vi-a-vii, nkum asitshung nde okaba onde, asatsug nde ne mesa, asapeande olio. ³⁸ Ntangu enkum esiyia nkum, ata ngnina otshu, ata ne ntangu isar, vear otshia anagn asiyiawo n'osiang yug nkum amayiangyen watovur. ³⁹ Jiagni wuo, yug ko nkea evuru atojiaka ntangu esiyia nkea wumu, anakwungaka nde ngitien, apasianga evuru ende watuni ve. ⁴⁰ Gnu mpi, osugagni, djwi Mon-wur ayayiande ko ne ntangu eli opijiagni ve. ⁴¹ Mby Petelo atuba ndenden: "Nkum, etsig emipea yie ene eli ko djwi na su, go djwi na vear ankum?" ⁴² Nkum akeara ndenden: "Nkum asivey nde wur nagn eli wuo, eli na waagn, esipeande ekub e ndir vear ande otshia, djwi apiike vim andane ntangu e wuo? ⁴³ Osiang asiyiawo ya wur otshia eli, ntangu esikea nkum ende, asoyen nde akie oshin onagn. ⁴⁴ Mokabagni vi-a-vii, nkum asopeande ekub e ndir vim ande ankum. ⁴⁵ Kansi wur otshia esituba ndemie ndenden: "Nkum eme atiyia etean na nkea; yug amikum na ndjag vear otshia ampeam ti ankear, otshia onde ko asala, asagnua, asayuy veana, ⁴⁶ nkum e wur otshia enagnasikeande eshu epijiande, ne ntangu epijiande, asodjag bde isur, mby asotwomo nde n'ondii e vear apwo. ⁴⁷ Wur otshia emijia vim aleang nkum ende, kansi akakie vim a nkum ende ve, ali wur esinang wo fimu entsign-entsign. ⁴⁸ Kansi wur otshia ekajia ve, yug atikie vii apwo asivey nde ndola, waponang fimu entsign ve. Asipeawo ndola e biu ya wur eyipiwo entsign, mpi asokumawo vim entsign eyopiwo. ⁴⁹ Ayime mpiey tshiya ne buu, mby nge esifiling me yug buu etisiama tshiya? ⁵⁰ Eli mbotika emog eyavey me, kansi etifiyia etean djwi vii awo aye. ⁵¹ Gnu, obansagni ayiime djwi buu eyii na ngemba? Kaku ve. Mokabagni, ayiime djwi na nama vear. ⁵² Yug vear atean wali n'evuru emog, ayanam wo, etay emuu asar watun ape, etay emuu ape watun asar. ⁵³ Tea atun mon nde ompeam, mon ompeam atun tea; mea atun mon onkear, mon onkear atun mea; okiu onkear atun wear e mon nde, mon onkear atun okiu nde onkear. ⁵⁴ Akeantuba nda oluy o vear anagn: "Yug otiyenagni mafuba ilevean etay elog vuna, atsagnu ntuba gnugnun: Mvuye aleye. Mvuye mpi ateang; mbiiy asiyiawo biu, mpi mbiiy eyii biu eshu enagn. ⁵⁶ Ankea eyang ene!Ojia nkabagni vii ayen gnu ne buu ti ne dzug, mby oshin nge epiyen gnu vii a ntangu ene? ⁵⁷ Mby oshin onkagn epiyen gnu vii a masonga? ⁵⁸ Yug otivea djwi ya wur oletsagni ne tuminar etay e wur ebag ewu, ne mbug, ling osulagni ya nde, oshiragni vii awo. Yug kaku, wur enagn asibag nde ewu, asotwomo wo yie ne bolog. ⁵⁹ Mokaba, yie na mpwe ne bolog enagn, ko yug otibie ekri enkum, kaku ikutu isisatsuga ve.