¹ Ashia na mbeagn ili ne kati egnu ene eyim nonkagn? Epa eyim ne mpwi ignu i djuung mby s'alelwignu mbeagn ine? ² Oleangagni mvea, kaku gnu na vim ve. S'aledjag gnu vear, n'itura ipwo, opikugagni mvea ata vim ve, mby s'alignu n'ashia ti mbeagn, mpi kaku gnu na vim ve djwi opiwignagni ve. ³ Owignagni kansi opiviyagni ve, djwi olelingagni epwo, olingagni ko nshira mpwi ignu i djuung. ⁴ Olagni ankea itaay! Opijiagni ve gnugnun mpwi e vim a buu eli mbeni e Nzeam? Wur eleang vii a buu ene ali mbeni e Nzeam. ⁵ Obansagni gnugnun vii amifugn wo n'enkean ene eli mpama: "Nzeam ali na dzua entsign djwi na Mpeve ende etsande ndeang alepier ne kati esu." ⁶ Kansi Nzeam atsande mpea ngrasia entsign, mby s'amituba wo n'enkean e Nzeam wuwun: "Nzeam apileang ankea lulendo ve, kansi atsande mpea ngrasia ya vear ali pwo." ⁷ Lemfukagni ya Nzeam. Kieagni ote biu ya ontshung, mby asikim nde etey na gnu. ⁸ Vangagni mbeama na nzeam mby nde mpi asivanga nde mbeama na gnu. Suyagni mbwo ignu i masumu, suyagni itura ignu, gnu vear apiyinduli ene. ⁹ Yugagni mpay ignu, yiagni n'okio, liyeagni! Two eyuegnu esakum okio,mby osiang ognu esakum ngy. ¹⁰ Kragni ngie ne nteang e Nkum, mby nde asojiragni nde dzug. ¹¹ Oyatubagni vii apwo gnug na gnug ve, atwung. Wur etuba epwo nda otwung onde, to ebag ewu otwung onde, enagn atituba ipwo n'onkwon, atibag ewu ya onkwon. Djwi yug otibag ewu ya onkwon, epa oli diaka wur elemfuka n'onkwon ve, kansi otikum wur ebag ewu. ¹² Eli ko na wur emog ekie wansiku mpi ebag ewu. Eli ndug wur ekug na mvuga mpi na ndjag vear. Kansi yie oli nagn djwi na mbag ewu otwung oyie? ¹³ Opeane yugaka gnu vear atsantuba gnugnun: "Lwo ene to nampign ayatsasu wiya ngean, ayatsasu nkie mvwe emog mpiog, ayasar su ayavea su ekri!" ¹⁴ Gnu vear apijia vii aleye nampign, luzingu egnu ko eli vim nge? Olagni edjinga etsawo ngyen ko ne ntangu emog, my eshir. ¹⁵ Wuo anatubagnu ngean: "Yug Nzeam amileang, amitepea luzingu, asikiesu vim ene to vim ngean." ¹⁶ Kansi ntangu ene, oyenagni osiang ne nginu ignu i lulendo. Osiang onagn eli vim epwo. ¹⁷ Wur ejia nkie iwuo, kansi yug apikii ve, eli disumu djwi na nde.