¹ Opeane, gnu ankea otsun, liyeagni, blingagni ne buu djwi na mpay iyayia ya gnu. ² Otsun ognu omipwon, ileam ignu imita ntey. ³ Wolo na etiempar ignu imita ntey, ntey iwo ayakeawo mpea ntiegn djwi na gnu, ntey inagn ayakeawo nda ko djuung ignu kamsi yshiya. Omiwumagni otsun ognu ne nshuu i nsuka. ⁴ Liragni, ifutu i vear otshia n'ivur ignu, iyikwon gnu mpea, watsug elie, mby elie e vear otshia anagn etikum tii n'atii a Nkum e ayer-nkuu. ⁵ Apierikignu ne buu n'osiang ognu. Omiyuragni itura ignu na vear ayidjagikignu. ⁶ Omibagagni ewu, omidjagagni wur e wuo, akakug ata na biu egnu ve. ⁷ Jiagni nkwung, atwung, tii ko eshuu eyayia Nkum. Yenagni, wur eyifuy ivur atsande nkwung mbeam imifuy nde ne buu, atsande nkwung mvuye e nteang ateang ti mvuye iyasayia mby. ⁸ Gnu mpi, kwungagni, dzignagni itura ignu, djwi eshuu eyayia nkum etivanga. ⁹ Oyataragni gnug na gnug ve, atwung, djwi wakobagagni ewu. yenagni wur ebag ewu ndean atikum n'epfug. ¹⁰ Atwung, veyagni mbanu i mpay ti i njia nkwung. Ayug gnu watuba oshin oyikwungike Yobi n'inaagn, ayen gnu ne nsuka oshin eyopii Nkum, djwi nde amiyuo na ngy. ¹² Atwung ame, ne dzug i vim ankum, oyasilagni ve, ata ne dzin i dzug olung ata ne dzin i buu, ata n'oshin omuu. Kansi yug eli oshin onagn, jir "Ee", yug eli ngwign, yug epa ngwign ve tuba "Kaku", djwi okalog n'ewu. ¹³ Na wur emog ne kati egnu ali na mpay? Asami Nzeam. Wur emog ali n'osiang? Ashuyi wankunga i Nzeam. ¹⁴ Wur emog ne kati egnu ali na nkeamg? Avii antsuru a dibundu, mby wo, wasami djwi na nde, wokwi vir ne dzin i Nkum. ¹⁵ Bisamu i lukwikilu asivuga wo wur eli na nkeang, mby Nkum asishung nde wur enagn, mpi yug atikie masumu, Nzeam asololula nde. ¹⁶ Fungunagni masumu ignu ya wur emuu, mpi samagni djwi na gnug na gnug, djwi ovugagni ne wankeang. Bisamu i biu isikie wur e wuo eli na biu entsign. ¹⁷ Elia ayinde wur kamsi su. Atsug nde inaagn ne bisamu djwi mvuye akwon nteang, mpi mvuye akateang ve tii ko mvwe isar na ngwon isom. ¹⁸ Mby Elia akea nsama. Mvuye s'akr nde yim dzug, buu s'akey wo mpur mbeam iwo. ¹⁹ Atwung ame, yug emog ne kati egnu amijing mbug mpi amitsa ne mbug epwo, wur emuu ne kati egnu okeari ne mbug, ²⁰ Aji ndenden wur enkum esikeara wur e masumu emijing mbug, asivugande moyo ende, mpi asidzub nde olwi o masumu.