¹ Yaweh atuba nda Nowe ndenden: "Shwe ne ashwa, yie ti vear a evuru eyie enkum, djwi ntoyen oli wur ewuo ne nteang eme, ne kati aman ankum a ndwong ene. ² Mbeama na yie, asivey yie wagnam iwuo, wear ti wum mbala ishambia, mby wagnam i mbin ko wear ti wum, ³ ata wamfuru ili ne dzug asivey yie mbala ishambia djwi na ngwum ne luzingu ne buu. ⁴ Djwi etisatsuga ko nshuu ishambia, ndatum mvuye ateang nshuu onign, na mbiiy na otshuu, ndashira vim ankeankum ayikiime ne buu." ⁵ Nowe akie vim ankeankum ayotum Yaweh. ⁶ Nowe ayinde na mvwe nkama isom ntangu eyiteang mvwe enagn ne buu. ⁷ Mby Nowe s'ashwinde ne ashwa ande ti aman ande ampeam, ti wear nde, ti aveari aman ande, djwi mvuye akwon anteanga. ⁸ Wagnam iwuo ti wagnam i mbin, wamfuru ti inkeankum ili ne buu, ⁹ s'ashwikiwo ne ashwa ape-ape, wear ti wum, oshin o Nzeam eyitum nde Nowe na nkie. ¹⁰ Ne mby e nshuu ishambia, mvuye e biu s'akriwo ne buu. ¹¹ Nowe ntangu emikug nde mvwe nkama isom ne luzingu ende, Ne ngwon ozoke, ne nshuu djum i ngwon enagn, eshuu enagn, wanto i vay ankum anen-anen s'apurikiwo vay, mpi olung onkeankum s'angam wo. ¹² Mvuye s'ateang nde ne buu mbiiy onign na etshuu onign. ¹³ Ko eshuu enagn, Nowe ti aman ande ampeam Sem, Sham ti Yafeti, ti wear e Nowe, mpi ti aveari aman ande s'ashwiwo ne ashwa. ¹⁴ Ti wagnam inkeankum eshin n'eshin, wagnam inen-inen inkeankum eshin n'eshin, wagnam inkeankum ikeara n'ipfugn eshin n'eshin, wamfuru inkeankum eshin n'eshin, wamfuru inkeankum ikieg-ikieg eshin n'eshin, vim ankeankum ali na apabu. ¹⁵ Washwe wankeankum ne ashwa etay eli Nowe, ape-ape, vim ankeankum ali n'egnim. ¹⁶ Ashwikiwo wear ti wum, enkeankum eli n'osugn, oshin oyitubi Nzeam nda nowe. Mby Yaweh s'atshung nde epfug. ¹⁷ Mvuye s'ayiwo ne buu nshuu onign. Mpiye ayiwo entsign mby ejir ashwa, elim ne buu evean ne dzug i vay. ¹⁸ Vay akum entsign ne buu, mby ashwa abana nsiab ne dzug i vay. ¹⁹ Mpiye elega nkum entsign, embim inkeankum enen-enen eli ne buu edzig. ²⁰ Vay avean ne dzug i nsor embim enagn elenga kilometelo emog. ²¹ Vim enkum elekienike ne buu awiwo, ata wamfuru, ti wagnam, inkeankumilekearike n'ipfugn, mpi ti vear ankeakum. ²² Vim enkeankum eyike n'egnim, eyipierike ne buu e ndzum, awiwo. ²³ Vim ankeankum ayike ne dzug i buu ashir wo, yim ya wur tii ko gnam, gnam ikeara n'ipfugn, ti wamfuru ne dzug, washir ngwa ne buu wankeankum. Esatsuga ko Nowe ti amuu ayii ti nde ne ashwa. ²⁴ Vay ayiwo entsign ne buu tii ko nshuu nkama emog na otean.